របាយការណ៍ថ្មីចុងក្រោយមួយដែល មានឈ្មោះថា ទស្សវិស័យអភិវឌ្ឍន៍អាស៊ី (ADO) ឆ្នាំ ២០១៩ ចេញផ្សាយដោយធនាគារអភិវឌ្ឍន៍អាស៊ីកាលពីពេលថ្មីៗនេះ បានឲ្យដឹងថា នៅឆ្នាំ២០១៩នេះ សេដ្ឋកិច្ចកម្ពុជា នៅតែបន្ដភាពខ្លាំងក្នុងកំណើនរឹងមាំរបស់ខ្លួនដដែល បើទោះបីជាផលិតកម្មកសិកម្មមានការកើនឡើងយឺតជាងការរំពឹងទុកក៏ដោយចុះ។
លោកស្រី សុនីយ៉ា ដ្យូរ៉ានី ជែម៉ែល នាយិកាADB ប្រចាំកម្ពុជា បានលើកឡើងថា សេដ្ឋកិច្ច កម្ពុជាបន្តរីកចម្រើនក្នុងល្បឿនមួយដ៏ខ្លាំងក្លា ដោយសារតែវិស័យសេដ្ឋកិច្ច នាំមុខ ដូចជាកាត់ដេរ ទេសចរណ៍ ពាណិជ្ជកម្ម និងសំណង់ នៅតែបន្ដមានភាពរឹងមាំ។
អត្ថបទទាក់ទង!
ជាមួយនឹងភាពមិនប្រាកដប្រជានៃបរិយាកាសពាណិជ្ជកម្មសកលមានការកើនឡើង ព្រមទាំងផលប៉ះពាល់របស់វាមកលើវិស័យសេវាកម្ម ដូចជាទេសចរណ៍ កម្ពុជាត្រូវការយុទ្ធសាស្ត្រពិធីធកម្មមួយជាបន្ទាន់ ដែលផ្តោតទៅលើអ្វីដែលមានភាពសមស្របសម្រាប់ខ្លួនឯង ព្រមទាំងផ្ដោតលើផលិតផល និងសេវាកម្ម ដែលមានតម្លៃបន្ថែមខ្ពស់ជាងមុន។ ការធ្វើបែបនេះ តម្រូវឲ្យកាត់បន្ថយហានិភ័យ ដែលកើតឡើងពីការផ្ដល់ឥណទានដល់វិស័យអចលនទ្រព្យ ដែលកំពុងមានកំដៅកើនឡើង ការអភិវឌ្ឍកម្លាំងពលកម្មប្រកបដោយជំនាញ និងមានផលិតភាពខ្ពស់ជាងមុន ដើម្បីក្សារតុល្យភាព ប្រាក់ឈ្នួល ដែលកំពុងកើនឡើង និងទាក់ទាញការវិនិយោគប្រកបដោយគុណភាពខ្ពស់ ដែលទាំងអស់នេះ ត្រូវការឲ្យមាននូវអភិបាលកិច្ចល្អ និងស្ថាប័នដែលរឹងមាំ។
របាយការណ៍ក៏បាន កត់សម្គាល់អំពីហានិភ័យនៃផលិតកម្មដែលអាចប៉ះពាល់ពីការប្រែប្រួលអាកាសធាតុផងដែរ តួយ៉ាង គ្រោះរាំងស្ងួតដែលបានកើតឡើងនៅអំឡុងពាក់កណ្ដាលឆ្នាំដំបូង បានធ្វើឲ្យផលិតកម្មកសិកម្ម និងជលផលមានការធ្លាក់ចុះ ដោយបានកានត់បន្ថយកំណើនសេដ្ឋកិច្ចនៅក្នុងវិស័យកសិកម្ម មកនៅត្រឹម១,១% សម្រាប់ឆ្នាំនេះ។
ទោះយ៉ាងណា កំណើនវិស័យឧស្សាហកម្ម មានភាពរឹងមាំ ដោយសារតែកំណើនដ៏ឆាប់រហ័ស នៃផលិតកម្មកាត់ដេរសម្លៀកបំពាក់ ស្បែកជើង ជាពិសេសទំនិញសម្រាប់ការធ្វើដំណើរដែលបាននាំឲ្យមានការដំឡើងការព្យាកររបស់ ADB ពី ១០,១% កាលពីខែមេសាកន្លងទៅ ទៅដល់១០,៦% សម្រាប់វិស័យនេះ។
រីឯទុនបម្រុងដុលអន្តរជាតិវិញ នឹងបន្ដកើនឡើងដល់ជាង១២ពាន់លានដុល្លារអាមេរិក នៅត្រឹមដំណាច់ឆ្នាំនេះ ដែលអាចរ៉ាប់រងចំណាយសម្រាប់ការនាំចូលបានរយៈពេល៦ខែ។
របាយការណ៍ក៏បានគូសបញ្ជាក់ដែរ អំពីអត្រាអតិផរណា ដោយរំពឹងថា នឹងមានជាមធ្យមនៅឆ្នាំ២០១៩នេះ ក្នុងកម្រិត២,២% ៕
None
