ការតម្រូវឲ្យក្រុមហ៊ុនមួយនេះ បញ្ជូនផែនការស្តារនីតិសម្បទាអាជីវកម្មរបស់ខ្លួនត្រឹមថ្ងៃទី២ខែមិនា គឺដោយសារតែកន្លងមក Thai Airways បានសុំពន្យាពេលក្នុងការបញ្ជូនផែនការអាជីវកម្មនេះ អស់២ដងរួចមកហើយ ដោយលើកទី១គឺនៅដើមខែមករា និងលើកទី២ នៅដើមខែកុម្ភៈឆ្នាំ២០២១។
បើតាមនីតិវិធីច្បាប់របស់ថៃ សវនាការនឹងផ្តើមដំណើរការ ស្តាប់ និងជជែកដេញដោលនៅដើមខែឧសភា ជាមួយនឹងវត្តមានរបស់ភាគីក្រុមហ៊ុន Thai Airways និងម្ចាស់បំណុលទាំងអស់របស់ក្រុមហ៊ុននេះផងដែរ។អត្ថបទទាក់ទង
ប្រសិនបើភាគច្រើននៃម្ចាស់បំណុល ឯកភាពនឹងផែនការអាជីវកម្មថ្មី នោះតុលាការនឹងអនុញ្ញាតឲ្យ ក្រុមហ៊ុនអាកាសចរណ៍ថៃមួយនេះ ដំណើរការអាជីវកម្មទៅតាមផែនការថ្មីរបស់ខ្លួន ប៉ុន្តែប្រសិនបើ ភាគច្រើនបដិសេធ នោះបញ្ជាក់ថា Air Airways នឹងត្រូវប្រកាសក្ស័យធន់ភ្លាមៗតែម្តង។
គួរជម្រាបជូនថា ក្រុមហ៊ុនអាកាសចរណ៍Thai Airways គឺជាក្រុមហ៊ុនសហគ្រាសរដ្ឋ ដែលបានដំណើរការតាំងពីឆ្នាំ១៩៦០ ហើយក្រុមហ៊ុននេះ ក៏ជាផ្នែកមួយយ៉ាងសំខាន់ក្នុងវិស័យឧស្សាហកម្មទេសចរណ៍ថៃ។
ដោយក្នុងមួយឆ្នាំៗ Thai Airways ដឹកជញ្ជូនភ្ញៀវទេសចររាប់សិបលាននាក់មកក្នុងប្រទេសថៃ ដែលបានចាក់បញ្ចូលលុយក្នុងសេដ្ឋកិច្ចថៃ គិតជាទឹកប្រាក់ប្រមាណ ជាង ៤០ពាន់លានដុល្លារអាមេរិក ឬស្មើនឹងជាង ៧%នៃGDP សរុបរបស់ថៃ។
សូមបញ្ជាក់ថា ទោះកំពុងស្ថិតក្នុងវិបត្តិកូវីដ១៩ក្តី Thai Airways បានផ្តល់ការងារដល់ពលរដ្ឋថៃបានជាច្រើនម៉ឺនកន្លែង ដោយបច្ចុប្បន្នក្រុមហ៊ុននេះ មានបុគ្គលិកបម្រើការងារសរុបចំនួនជាង ២ម៉ឺននាក់៕
None
