គម្រោងបោះផ្សាយលក់បណ្ណបំណុលនេះ ត្រូវបានបង្ហាញឡើង នៅចំពេលដែលស្ថាបនិករបស់ក្រុមហ៊ុននេះ គឺលោក Jack Ma កំពុងបាត់មុខលែងបង្ហាញខ្លួនជាសាធារណៈ ក្រោយពេលដែលអាជ្ញាធរចិនបានផ្អាកដំណើរការបោះផ្សាយលក់ភាគហ៊ុន តម្លៃ ៣៥ពាន់លានដុល្លារ របស់ក្រុមហ៊ុន Ant Group របស់មហាសេដ្ឋីចិនមួយនេះ។
ជាមួយគ្នានេះ ប្រភពពីសារព័ត៌មាន រ៉យទ័រ បានផ្សាយដែរថា ក្រុមហ៊ុនធ្វើពាណិជ្ជកម្មតាមប្រព័ន្ធអេឡិចត្រូនិកមួយនេះ មានបំណងនឹងបង្កើនដើមទុនយ៉ាងហោចណាស់ ៥ពាន់លានដុល្លារ ប៉ុន្ដែ អាចពង្រីកថែមទៀត។ ទោះយ៉ាងណា ករណីអាចនឹងកើនឡើងទាក់ទងនឹងការបញ្ឈប់ការលក់បណ្ណបំណុលរបស់ក្រុមហ៊ុន Alibaba ក្រោមសម្ពោធនៃរដ្ឋាភិបាលចិន ក៏អាចជាសញ្ញាអវិជ្ជមានមួយចំពោះទំនុកចិត្តវិនិយោគិនមកលើក្រុមហ៊ុននេះផងដែរ។
អត្ថបទទាក់ទង
កាលពីចុងឆ្នាំ២០១៩ ក្រុមហ៊ុនអាលីបាបា ធ្លាប់បានបង្កើនដើមទុនបាន ប្រហែល ១១ពាន់លានដុល្លារពីផ្សារភាគហ៊ុនហុងកុង នឹងបានធ្វើឲ្យសាច់ប្រាក់របស់ក្រុមហ៊ុនកើនដល់ទៅជិត ៩០ពាន់លានដុល្លារអាមេរិក គិតត្រឹមចុងខែកញ្ញា។
ការលក់បណ្ណបំណុលរបស់ក្រុមហ៊ុនអាលីបាបានាពេលនេះ គឺធ្វើឡើងនៅខណៈដែលមានក្រុមហ៊ុនមួយចំនួនក៏បាននាំគ្នាបោះផ្សាយលក់បណ្ណបំណុលនេះដែរ។ សម្រាប់ឆ្នាំ២០២១ គិតមកទល់ពេលនេះ ក្រុមហ៊ុនបោះផ្សាយបណ្ណបំណុលនៅទូទាំងពិភពលោក បានប្រមូលប្រាក់ពីទីផ្សារនេះជាង ៦៥ពាន់លានដុល្លារ បន្ទាប់ពីធ្លាប់មានកំណត់ត្រាខ្ពស់ដល់ទៅជាង ៣,៦ទ្រីលានដុល្លារកាលពីឆ្នាំ២០២០។ នេះបើតាមរបាយការណ៍ពីសារព័ត៌មាន Bloomberg។
None
