ទីបំផុតថៃ សម្រេចបានកិច្ចព្រមព្រៀងពាណិជ្ជកម្មសេរីជាប្រវត្តិសាស្ត្រជាមួយប្លុកអឺរ៉ុប
នៅទីបំផុតប្រទេសថៃ ដែលមានសេដ្ឋកិច្ចធំបំផុតទី២នៅក្នុងតំបន់អាស៊ាន បន្ទាប់ពីឥណ្ឌូនេស៊ី សម្រេចបានកិច្ចព្រមព្រៀងពាណិជ្ជកម្មសេរី (FTA) ដោយជោគជ័…
Black Friday គឺជាថ្ងៃសុក្រសម្រាប់សប្ដាហ៍ចុងក្រោយនៃខែវិច្ឆិកា ឬក៏ជាថ្ងៃស្រុកបន្ទាប់ពីថ្ងៃបុណ្យ Thanksgiving នៅសហរដ្ឋអាម៉េរិក។ តាមធម្មតា Black Friday គឺជាថ្ងៃពិសេសមួយសម្រាប់ហាងលក់ទំនិញជាច្រើននៅសហរដ្ឋអាម៉េរិកដើម្បីលក់បញ្ចុះតម្លៃយ៉ាងច្រើន។ បើតាមទិន្នន័យពីក្រុមហ៊ុនទូទាត់ប្រាក់ Mastercard និងក្រុមហ៊ុនផ្ដល់ទិន្នន័យផ្សេងទៀតបានបង្ហាញថា ការចំណាយរបស់ពលរដ្ឋសហរដ្ឋអាម៉េរិកនៅថ្ងៃពិសេសនេះបានកើនឡើង៣,៤%នៅឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុន ដោយមិនរាប់បញ្ចូលការលក់យានយន្តនោះឡើយ។
ការចំណាយតាមនៅតាមហាងលក់ទំនិញផ្ទាល់បានកើនឡើងទាបជាងការចំណាយនៅតាមអនឡាញដោយសារអតិថិជនធុញទ្រាន់នឹងការតថ្លៃ។ បើតាមការប៉ាន់ប្រមាណបឋមដោយប្រព័ន្ធទូទាត់ប្រាក់ Mastercard បានឱ្យដឹងថា ការលក់នៅតាមហាងផ្ទាល់បានកើនឡើងត្រឹមតែ០.៧%នៅឆ្នាំនេះបើធៀបនឹងឆ្នាំមុន ខណៈដែលការលក់តាមអនឡាញវិញបានកើនឡើងយ៉ាងខ្លាំងរហូតដល់១៤,៦%។
ក្រុមហ៊ុន Adobe Inc បានបង្ហាញតួលេខសរុបកាលពីថ្ងៃសៅរ៍កន្លងទៅនេះថា ពលរដ្ឋអាម៉េរិកបានចំណាយប្រាក់ជិត១១ពាន់លានដុល្លារលើទិញទំនិញតាមប្រព័ន្ធអនឡាញកាលពីថ្ងៃសុក្រសប្ដាហ៍មុន ដោយបានកើនឡើង១០,២% បើធៀបនឹងឆ្នាំមុន ហើយគ្រឿងសម្អាង និងឧបករណ៍បំពងសំឡេងជាដើមជាទំនិញលក់ដាច់ជាងគេ។
ការទិញទំនិញតាមអនឡាញភាគច្រើនគឺធ្វើតាមក្រុមហ៊ុនពាណិជ្ជកម្មអេឡិចត្រូនិកខ្នាតយក្សមួយចំនួនដូចជាក្រុមហ៊ុន Amazon និងក្រុមហ៊ុន Walmart ជាដើម។ ក្រុមហ៊ុន Walmart ដែលបានដំណើរការហាងចំនួន៤,៧០០កន្លែងនៅទូទាំងសហរដ្ឋអាម៉េរិកបានវិនិយោគយ៉ាងច្រើនទៅលើការដឹកជញ្ជូនទំនិញពីហាងទៅផ្ទះរបស់អ្នកទិញតាមអនឡាញរបស់ខ្លួន៕
អត្ថបទ៖ សុខ មង្គល
