តើជើងឯក World Cup ឆ្នាំ២០២២នេះនឹងទទួលបានប្រាក់រង្វាន់ប៉ុន្មានលានដុល្លារ?
ការប្រកួត FIFA World Cup ឆ្នាំ២០២២នៅប្រទេសកាតា បាននិងកំពុងធ្វើឡើងហើយ តាំងតែពីថ្ងៃអាទិត្យទី២០ខែវិច្ឆិកាមកម្ល៉េះ។ ការប្រកួតកីឡាលំដាប់ពិ…
លោក អានវ៉ា អ៊ីប្រាហ៊ីម អាយុ ៧៥ ឆ្នាំបានប្តេជ្ញាប្រយុទ្ធប្រឆាំងនឹងអំពើពុករលួយ និងផ្តោតលើសេដ្ឋកិច្ចព្រមទាំងការលើកតម្កើងសាសនាឥស្លាមជាសាសនាផ្លូវការរបស់ប្រទេសម៉ាឡេស៊ី ដែលជាប្រទេសមានពហុជាតិសាសន៍ និងការពារសិទ្ធិពិសេសរបស់ពលរដ្ឋភាគតិចម៉ាឡេផងដែរ។
នៅប៉ុន្មានម៉ោងក្រោយពីបានស្បថចូលកាន់តំណែងតាមការជ្រើសតាំងរបស់ព្រះមហាក្សត្រនិងបន្ទាប់ពីការបោះឆ្នោតដែលបានជាប់គាំងនយោបាយមិនធ្លាប់មាននោះ លោក អានវ៉ា បានប្រាប់អ្នកយកព័ត៌មានកាលពីយប់ថ្ងៃទី ២៤វិច្ឆិកាថា សូមអរគុណព្រះជាម្ចាស់ ព្រោះពួកគេបានឃើញការផ្លាស់ប្តូរដែលបានរង់ចាំដោយប្រជាពលរដ្ឋម៉ាឡេស៊ីហើយ។
រដ្ឋមន្ត្រីការបរទេសអាមេរិកលោក អេនថូនី ប្ល៊ីនខិន (Antony Blinken) បានអបអរសារទរ លោក អានវ៉ា ហើយបាននិយាយថា ប្រជាជនអាមេរិកបានទន្ទឹងរង់ចាំការពង្រឹងទំនាក់ទំនងមិត្តភាព និងកិច្ចសហប្រតិបត្តិការរបស់ប្រទេសទាំងពីរនេះដោយផ្អែកលើគោលការណ៍ប្រជាធិបតេយ្យរួមគ្នា និងការគោរពសិទ្ធិមនុស្ស និងនីតិរដ្ឋ។
លោក ប្ល៊ីនខិន បាននិយាយនៅក្នុងសេចក្តីថ្លែងការណ៍មួយថា អាមេរិកនៅតែប្តេជ្ញាចិត្តក្នុងការធ្វើការជាមួយប្រទេសម៉ាឡេស៊ី ដើម្បីជំរុញឱ្យតំបន់ឥណ្ឌូប៉ាស៊ីហ្វិកមានភាពសេរី បើកចំហ ដំណភ្ជាប់ វិបុលភាព សុវត្ថិភាព និងយូរអង្វែង។
ការតែងតាំងរបស់លោក អានវ៉ា នេះបានបញ្ចប់វិបត្តិក្រោយការបោះឆ្នោតរយៈពេល៥ថ្ងៃ ដែលមិនធ្លាប់មានពីមុនមក ប៉ុន្តែវាអាចនាំឱ្យមានអស្ថិរភាពបន្ថែមទៀត ជាមួយគូប្រជែងរបស់លោក គឺអតីតនាយករដ្ឋមន្ត្រីលោក មូយីដឌីន យ៉ាស្ស៊ីន (Muhyiddin Yassin) ដែលប្រជែងនឹងលោក អានវ៉ា ក្នុងការបង្ហាញសំឡេងភាគច្រើនរបស់ខ្លួននៅក្នុងសភា។
លោក អានវ៉ា បានចូលកាន់តំណែងនេះនៅក្នុងពេលដ៏លំបាកមួយដោយសារការធ្លាក់ចុះសេដ្ឋកិច្ច ហើយប្រទេសនេះមានការខ្វែងគំនិតគ្នាបន្ទាប់ពីការបោះឆ្នោតដ៏តឹងតែងថ្មីៗនេះ។ យុទ្ធនាការនេះបានធ្វើឱ្យសម្ព័ន្ធភាពចម្រុះជាតិសាសន៍ និងរីកចម្រើនរបស់លោក អានវ៉ា ត្រូវប្រជែងគ្នាជាមួយសម្ព័ន្ធជនជាតិភាគតិច-ម៉ាឡេ និងពលរដ្ឋមូស្លីមអភិរក្សនិយមបំផុតរបស់លោក មូយីដឌីន។
ទីផ្សារភាគហ៊ុនមួយចំនួនបានងើបឡើងវិញ នៅក្រោយបញ្ចប់ភាពជាប់គាំងនយោបាយនេះ ខណៈដែលរូបិយបណ្ណរីងហ្គីតរបស់ម៉ាឡេស៊ីបានប្រកាសពីថ្ងៃល្អបំផុតរបស់ខ្លួនក្នុងរយៈពេល ២ សប្តាហ៍មកនេះ ហើយតម្លៃភាគហ៊ុនបានកើនឡើង ៣%ផងដែរ៕
