បើតាម ឯកឧត្តម ស៊ាង ថៃ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍ប្រាប់សារព័ត៌មានខេមបូណូមីសតាមតេឡេក្រាមថា បើគម្រោងមួយនេះ សម្រេចបានតាមការគ្រោងទុក វាជារឿងមួយល្អសម្រាប់ភាគីទាំងពីរ។
ឯកឧត្តម ស៊ាង ថៃ បញ្ជាក់ដូច្នេះ« វានឹងជួយបង្កើនទំហំពាណិជ្ជកម្មរវាងប្រទេសទាំងពីរ មួយវិញទៀតវាក៏នឹងជួយដល់គោលនយោបាយនាំចេញអង្កររបស់រាជរដ្ឋាភិបាលកម្ពុជា»។
យ៉ាងណាមិញ សារព័ត៌មានខេមបូណូមីសមិនទាន់បានទទួលការបញ្ជាក់បន្ថែមពីក្រុមហ៊ុនអូស្ត្រាលី SUNRISE ក៏ដូចជាខាងស្ថានទូតអូស្ត្រាលីគម្រោងវិនិយោគនេះនៅឡើយនោះទេ ដោយសារតែវាស្ថិត នៅក្នុងដំណាក់កាលសិក្សានៅឡើយ។
កម្ពុជា និងអូស្ត្រាលី ក៏ជាភាគីនៃកិច្ចព្រមព្រៀងពាណិជ្ជកម្មសេរីមួយចំនួនដូចជា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) និងអាស៊ាន-អូស្ត្រាលី និងនូវែលហ្សេឡង់ (AANZ) ហើយកម្ពុជា និងអូស្ត្រាលី នឹងសហការគ្នាដើម្បី ជំរុញការបញ្ចប់ និងអនុវត្តកិច្ចព្រមព្រៀងទាំងនោះឲ្យប្រកបដោយប្រសិទ្ធភាពខ្ពស់។
អត្ថបទគួរអាន
សូមជម្រាបថា ទំហំពាណិជ្ជកម្មនៃការនាំចេញនាំចូលរវាងកម្ពុជា-អូស្ត្រាលី ក្នុងរយៈពេលត្រីមាសទី១ ឆ្នាំ២០២០នេះ ក្នុងទំហំទឹកប្រាក់ប្រមាណជាង ៥៤លានដុល្លារ មានការកើនឡើងប្រមាណជិត១៥% ធៀបនឹងរយៈពេលដូចគ្នាកាលពីឆ្នាំ២០១៩។ ក្នុងនោះ កម្ពុជានាំចេញទៅ អូស្ត្រាលីមានទំហំទឹកប្រាក់ប្រមាណជាង ៣៣ លានដុល្លារអាមេរិក។
យ៉ាងណាក៏ដោយចុះ ទំហំពាណិជ្ជកម្មរវាងប្រទេសទាំងពីរ នៅមានភាពតិចតួចនៅឡើយ បើធៀបនឹងបណ្តាលប្រទេសផ្សេងទៀតក្នុងតំបន់ និងពិភពលោក។ ដូច្នេះប្រសិនបើក្រុមហ៊ុនអូស្ត្រាលី Sunrise សម្រេចវិនិយោគ ក្នុងខ្សែសង្វាក់ផលិតកម្មស្រូវ-អង្ករនៅកម្ពុជាពិតមែន នោះទំហំពាណិជ្ជកម្មរវាងប្រទេសទាំងពីរ នឹងកាន់តែប្រសើរឡើងថែមទៀត។
អត្ថបទគួរអាន
គួរជម្រាបថា កាលពីថ្ងៃទី១១ ឧសភា កន្លងទៅនេះ ក្រសួងពាណិជ្ជកម្ម ក៏បានរៀបចំកិច្ចប្រជុំពិភាក្សាលើរបាយការណ៍សិក្សាអំពីថ្លៃដើមផលិតកម្ម និងនាំចេញអង្ករកម្ពុជា (Rice Export Cost Study) ជាមួយតំណាងសហព័ន្ធស្រូវអង្ករកម្ពុជា បានបញ្ជាក់ថា បញ្ហាតម្លៃអគ្គិសនី ការដឹកជញ្ជូនពីឃ្លាំងទៅកំពង់ផែ ថ្លៃចំណាយនៅកំពង់ផែ ចំណាយលើការនាំចេញ ថ្លៃដឹកជញ្ជូនពីកំពង់ផែទៅប្រទេសគោលដៅ (នាំចូល) និងចំណាយពាក់ព័ន្ធផ្សេងៗទៀត គឺធ្វើឲ្យប៉ះពាល់ដល់តម្លៃនាំចេញអង្ករកម្ពុជា៕
None
