ថៃ កំពុងបង្កើនវិធានការបង្ក្រាបក្រុមហ៊ុនទេសចរណ៍ខុសច្បាប់ ជាពិសេសក្រុមហ៊ុនចិនតែម្តង
ក្រសួងទេសចរណ៍ និងកីឡាថៃ បានបើកការស៊ើបអង្កេតលើបណ្ដាក្រុមហ៊ុនទេសចរណ៍ខុសច្បាប់ ជាពិសេសក្រុមហ៊ុនចិន ដែលលក់កញ្ចប់ទេសចរណ៍ក្នុងតម្លៃថោកខ្លាំង…
លោក ស៊ី ស៊ីងគ័ន (Xie Xingquan) អនុប្រធានសមាគមដឹកជញ្ជូនផ្លូវអាកាសអន្តរជាតិ ប្រចាំតំបន់អាស៊ីខាងជើង និង អាស៊ីប៉ាស៊ីហ្វិក បាននិយាយថា តំបន់អាស៊ីប៉ាស៊ីហ្វិកនៅឆ្នាំនេះនឹងទទួលបានប្រាក់ចំណេញទាបត្រឹមតែជាង២ពាន់លានដុល្លារប៉ុណ្ណោះ នៃប្រាក់ចំណេញក្នុងវិស័យអាកាសចរណ៍សរុបទូទាំងពិភពលោក ដែលរំពឹងទទួលបានជាង៣០ពាន់លានដុល្លារ។ តែយ៉ាងណា តួលេខព្យាករចុងក្រោយនេះ គឺខ្ពស់ជាងតួលេខព្យាករកាលពីលើកមុន ដែលរំពឹងថា នឹងមានតែជាង១ពាន់លានដុល្លារប៉ុណ្ណោះ។
បើយោងតាមសមាគមនេះ តំបន់អាស៊ីប៉ាស៊ីហ្វិក ត្រូវបានព្យាករថា នឹងទទួលបានប្រាក់ចំណេញ១,២ដុល្លារសម្រាប់អ្នកដំណើរម្នាក់ គឺខ្ពស់ជាងទ្វីបអាហ្រ្វិក ដែលគេបានព្យាករថា មានប្រាក់ចំណេញត្រឹមតែ០,៩ដុល្លារប៉ុណ្ណោះ សម្រាប់អ្នកដំណើរម្នាក់ ប៉ុន្តែវាទាបជាងកម្រិតមធ្យមភាគ៦,១៤ដុល្លារ សម្រាប់ឧស្សាហកម្មមួយនេះ។
លោក ស៊ី ស៊ីងគ័ន បាននិយាយថា តំបន់អាស៊ីប៉ាស៊ីហ្វិក គឺជាតំបន់ចុងក្រោយដែលបានបើកឡើងវិញសម្រាប់ឧស្សាហកម្មអាកាសចរណ៍បន្ទាប់ពីជំងឺរាតត្បាត ប៉ុន្តែវានៅតែមានកំណើនយឺតជាងតំបន់ដទៃទៀត។ ការធ្វើដំណើរជាអន្តរជាតិនឹងនៅតែធ្លាក់ចុះ ជាពិសេសការធ្វើដំណើរពីប្រទេសចិន ដែលបានងើបឡើងវិញត្រឹមតែ ៧០% បើធៀបនឹងកម្រិតនៅឆ្នាំ២០១៩ ទោះបីជាការធ្វើដំណើរក្នុងស្រុកមានភាពរីកចម្រើនក៏ដោយ។
ទន្ទឹមនឹងនេះ ការរំខាននៃខ្សែច្រវាក់ផ្គត់ផ្គង់ ក៏បានរារាំងក្រុមហ៊ុនអាកាសចរណ៍ពីការបង្កើនសមត្ថភាពរបស់ពួកគេយ៉ាងឆាប់រហ័សផងដែរ ខណៈដែលអ្នកធ្វើដំណើរនៅក្នុងតំបន់អាស៊ីប៉ាស៊ីហ្វិកមានទំនោរធ្វើដំណើរក្នុងស្រុក ឬក៏ទៅកាន់គោលដៅរយៈពេលខ្លីដើម្បីសន្សំប្រាក់៕
អត្ថបទ៖ សុខ មង្គល
None
