លោក លោក ថូនី សុជាតិ សក្តិ ស៊ុនលី ប្រធានគ្រប់គ្រងគម្រោង លំនៅដ្ឋាន ភូមិបាគង ក្នុងខេត្តសៀមរាប បានឲ្យដឹងថា ជាការពិតណាស់ បច្ចុប្បន្ន បើនិយាយពីការអភិវឌ្ឍអចលនទ្រព្យ យើងគ្រប់គ្នាបានដឹងហើយថា រាជធានីភ្នំពេញ និងក្រុងព្រះសីហនុ គឺមានការពេញនិយមវិនិយោគខ្លាំងជាងគេ ទាំងការវិនិយោគដោយក្រុមហ៊ុនក្នុងស្រុក និងក្រុមហ៊ុនបរទេស។ ប៉ុន្ដែ លោក ស៊ុនលី ជឿជាក់ថា តាមយុទ្ធសាស្ត្រច្បាស់លាស់របស់ក្រុមហ៊ុន គួបផ្សំនឹងសក្ដានុពលនៃខេត្តសៀមរាប នៅរយៈពេល ១០ ឆ្នាំខាងមុខទៀត សៀមរាបមិនត្រឹមតែជាប៉ូលទេសចរណ៍ប៉ុណ្ណោះទេ តែក៏ជាប៉ូលសេដ្ឋកិច្ចដ៏ខ្លាំងក្លាផងដែរ។
អត្ថបទទាក់ទង!
ដូច្នេះហើយ ទើបក្រុមហ៊ុន Urban Living Solutions បានសម្រេចបោះទុនវិនិយោគលំនៅដ្ឋាន បែបទំនើបធំជាងគេមួយនៅក្នុងខេត្តសៀមរាប ដែលមានផ្ទៃដីសាងសង់សរុប ជិត ៥ ហិកតា និងមានលំនៅដ្ឋាន៣៥០ ខ្នង មានទីធ្លាសាធារណៈរហូតដល់ទៅ ៥០% ហើយគម្រោងនេះ គ្រោងនឹងបញ្ចប់នៅពាក់កណ្ដាលឆ្នាំ២០២០ខាងមុខនេះ។ អ្វីដែលពិសេសនោះ គឺគម្រោងនេះ មានសាងសង់ស្ពាអាកាសថ្មើជើងប្លែកគេដ៏គួរឲ្យចាប់អារម្មណ៍ផងដែរ។
លោក លោក ថូនី សុជាតិ សក្តិ ស៊ុនលី ប្រធានគ្រប់គ្រងគម្រោង លំនៅដ្ឋាន ភូមិបាគង ក្នុងខេត្តសៀមរាប
ភូមិបាគង គឺជាលំនៅដ្ឋានដែលផ្តោតលើការរស់នៅជាសហគមន៏ដំបូងបង្អស់ក្នុង ខេត្តសៀមរាប។
គម្រោងលំនៅដ្ឋាននេះ មានទីតាំងស្ថិតនៅភាគខាងកើតនៃក្រុងសៀមរាប ដោយចំណាយពេលធ្វើដំណើរតែ ១០នាទីប៉ុណ្ណោះ ពីព្រះរាជដំណាក់ និងត្រឹមតែ ១៥នាទី ពីតំបន់អង្គរ និងចំណាយពេល ១៥ នាទីសម្រាប់ការធ្វើដំណើរទៅកាន់អាកាសយានដ្ឋានសៀមរាបថ្មី។
យោងតាមការមើលឃើញពីចលនាឆ្ពោះទៅកាន់ទិសខាងកើតនៃខេត្តសៀមរាប
ក្រុមហ៊ុនអឺបេនលីវីងសូលូសិនបាននឹងកំពុងអភិវឌ្ឍទីក្រុងរណបថ្មីដែលមានផ្ទៃដីរហូតដល់២១៥ហិកតាឈ្មោះថា“សៀមរាបខាងកើត”
មានទីតាំងស្ថិតនៅឃុំអំពិល ស្រុកប្រាសាទបាគង ខេត្តសៀមរាប ចម្ងាយប្រមាណ១០នាទីពីក្រុង
និង ៥នាទីពីបុរីរដ្ឋបាល។ ដំណាក់កាលអភិវឌ្ឍផ្តោតលើការបង្កើតតំបន់ទេសចរណ៍បន្ថែមនិងទាក់ទាញភ្ញៀវជាតិនិងអន្តរជាតិឡើងវិញដោយកែប្រែក្រុងសៀមរាបទៅជាក្រុងដែលគួរអោយចង់រស់នៅបំផុតក្នុងតំបន់អាស៊ីអាគ្នេយ៍។
គម្រោងលំនៅដ្ឋាន ភូមិបាគង
គម្រោងលំនៅដ្ឋានភូមិបាគង
គួរបញ្ជាក់ថា ក្រៅពីគម្រោងលំនៅដ្ឋានភូមិបាគង នៅក្នុងខេត្តសៀមរាបនេះ ក្រុមហ៊ុន Urban Living Solutions ក៏មានវិនិយោគទៅលើគម្រោងអចលនទ្រព្យធំៗជាច្រើនដូចជាគម្រោង Urban Village និង Factory Phnom Penh ដែលជាបណ្តុំនៃបច្ចេកវិទ្យា និងគំនិតច្នៃប្រឌិត។
យោងតាមការមើលឃើញពីចលនាឆ្ពោះទៅកាន់ទិសខាងកើតនៃខេត្តសៀមរាប ក្រុមហ៊ុន Urban living Solutions បាននឹងកំពុងអភិវឌ្ឍទីក្រុងរណបថ្មីដែលមានផ្ទៃដីរហូតដល់ ២១៥ហិកតាឈ្មោះថា “សៀមរាបខាងកើត” មានទីតាំងស្ថិតនៅឃុំអំពិល ស្រុកប្រាសាទបាគង ខេត្តសៀមរាប ចម្ងាយប្រមាណ ១០នាទីពីក្រុង និង ៥នាទីពីបុរីរដ្ឋបាល។ ដំណាក់កាលអភិវឌ្ឍផ្តោតលើការបង្កើតតំបន់ទេសចរណ៍បន្ថែមនិងទាក់ទាញភ្ញៀវជាតិ និងអន្តរជាតិឡើងវិញ ដោយកែប្រែក្រុងសៀមរាប ទៅជាក្រុងដែលគួរឲ្យចង់រស់នៅបំផុតក្នុងតំបន់អាស៊ីអាគ្នេយ៍។
ក្រុមហ៊ុនមានទុនវិនិយោគជាង៣៥លានដុល្លារ និងការអនុវត្តផែនការទាំងស្រុងក្រោមក្រុមរចនាប្លង់ទីក្រុង Gehl មកពីប្រទេសដាណឺម៉ាក ដែលជាក្រុមសិក្សា Master Plan ទីក្រុងដ៏ល្បីឈ្មោះទូទាំងពិភពលោក។” លោក Esben Neander Kristensen នាយកគ្រប់គ្រងក្រុមហ៊ុនស្ថាបតយ្យកម្ម Gehl បានបង្ហាញអំពីការគូរប្លង់ “សៀមរាបខាងកើត” ទាំងមូលដោយសិក្សាពីតំណរភ្ជាប់លក្ខណៈរស់នៅ ប្រជាជនក្នុងទីក្រុងទៅនឹងតំបន់ប្រាសាទបេតិកភ័ណ្ឌពិភពលោកដ៏អស្ចារ្យបំផុត។ លោក ថូនី សុជាតិ សក្តិស៊ុនលី ប្រធានគ្រប់គ្រងគម្រោងបុរី ភូមិបាគងបានលើកឡើងថា “សៀមរាបខាងកើត នឹងផ្តល់ផលវិជ្ជមានយ៉ាងខ្លាំងដល់អតិថិជនដែលទិញលើគម្រោងបុរីភូមិបាគង ទាំងនេះជាការបោះជំហានវិនិយាគដ៏ត្រឹមត្រូវបំផុតលើវិស័យអចលនទ្រព្យទាំងភាពច្នៃប្រឌិត គុណភាពសំណង់ ក៏ដូចជាលើកស្ទួយវិស័យទេសចរណ៍ក្នុងខេត្តសៀមរាបផងដែរ៕”
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
