លោក Richard Liew នាយកប្រតិបត្តិនៃធនាគារ ប្រ៊ីដ មានប្រសាសន៍ថា «តាមរយៈកិច្ចសហការ រវាងធនាគារ ប្រ៊ីដ និងផ្សារទំនើប ហោសហ្គូរូ លើកម្មវិធីការបង់រំលស់ប្រចាំខែនេះ នឹងអាចពង្រីកវិសាលភាពក្នុងការផ្ដល់ជូនដល់អតិថិជនកាន់តែច្រើននូវជម្រើសផលិតផលដ៏សម្បូរបែប និងភាពបត់បែននៅពេលពួកគេសម្រេចចិត្ត បញ្ជារទិញផលិតផលណាមួយសម្រាប់គេហដ្ឋានរបស់ពួកគេ»។
លោកបានបន្ថែមថា អតិថិជនអាចជ្រើសរើសសម្ភារៈដូចជា ទូរទស្សន៍ គ្រឿងសង្ហារឹមម៉ាកល្បីៗ និងការតុបតែងគេហដ្ឋានជាមួយនឹងការបង់រំលស់ប្រចាំខែដែលមានលក្ខខណ្ឌដ៏សមរម្យ។
សូមជម្រាបថា ធនាគារ ប្រ៊ីដ កំណត់គោលដៅក្នុងការបើកដំណើរការគម្រោង ទិញពេលនេះ បង់ពេលក្រោយ ជាមួយនឹងផ្សារទំនើបបែបគេហដ្ឋាន និងការរស់នៅ ហោសហ្គូរូ ក្នុងត្រីមាសទី៣ ឆ្នាំ២០២៣នេះ។ សម្រាប់លក្ខខណ្ឌពេញលេញនឹងត្រូវបានប្រកាសដោយ ធនាគារ ប្រ៊ីដ៕
