កម្ពុជា ត្រៀមសហការជាមួយទូតកូរ៉េខាងត្បូង ក្រោយប្រទេសនេះព្រមានថា កូរ៉េខាងជើង អាចវាយប្រហារភេរវកម្មលើស្ថានទូតខ្លួននៅកម្ពុជា

ក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា កម្ពុជាបានយកចិត្តទុកដាក់ និងត្រៀមខ្លួនជានិច្ចក្នុងការសហការជាមួយស្ថានបេសកកម្មបរទេសផ្សេងទៀតដែលមានវត្តមាននៅកម្ពុជា ពាក់ព័ន្ធនឹងបញ្ហាសន្តិសុខនេះ។

គួរបញ្ជាក់ថា កាលពីពេលថ្មីប្រទេសកូរ៉េខាងត្បូង បានព្រមានពីការវាយប្រហារភេ​រវ​កម្មបង្កដោយកូរ៉េខាងជើង លើស្ថានទូតកូរ៉េខាងត្បូង ប្រចាំនៅកម្ពុជា និងប្រទេសចំនួន៤ ផ្សេងទៀត និងបានដំឡើងកម្រិតអាសន្ននៃការវាយប្រហារនេះ ដល់កម្រិតទី៣ ក្នុងចំណោម៤កម្រិត ផងដែរ៕