ប្រទេសចិន និងកូរ៉េខាងត្បូងនៅតែជាប្រទេសនាំមុខគេ ដែលបានវិនិយោគក្នុងវិស័យសំណង់ច្រើនជាងគេនៅកម្ពុជា។
របាយការណ៍ក្រសួងរៀបចំដែនដី បានបញ្ជាក់លម្អិត ថា រយៈពេល២០ឆ្នាំមកនេះ ចិនបាន វិនិយោគក្នុងវិស័យសំណង់ នៅកម្ពុជា ៣៣១ គម្រោង ជាមួយនឹងទុនវិនិយោគជាង ៥,៥ ពាន់លានដុល្លារ ខណៈប្រទេសកូរ៉េខាងត្បូងមាន គម្រោងវិនិយោគ ៦០គម្រោងមានទុនវិនិយោគជិត ២ពាន់លានដុល្លារ, ប្រទេសជប៉ុនមាន ៥៤ គម្រោង ជាមួយនឹងទុនជាង ៤រយលានដុល្លារ,ថៃមាន៣៦ គម្រោងដែលមានទុនវិនិយោគ ២៥៥លានដុល្លារ និង សិង្ហបុរីមាន ១៨គម្រោង ដែលមានទុនវិនិយ ១៨០លានដុល្លារ។
អត្ថបទទាក់ទង
ឯកឧត្តម ឡៅ ទិព្វសីហា រដ្ឋលេខាធិការក្រសួងរៀបចំដែនដី នគរូបនីយកកម្ម និងសំណង់បានបញ្ជាក់ថា ការវិនិយោគវិស័យសំណង់នៅកម្ពុជានៅតែដំណើរការល្អជាធម្មតាទាំងវិនិយោគក្នុងស្រុក និងបរទេស ដែលជាក់ស្តែង ក្នុងរយៈពេល៩ខែដើមឆ្នាំ២០២០នេះ ដំណើរការនៃការស្នើសុំលិខិតអនុញ្ញាតសាងសង់ គឺនៅតែឃើញមានជាបន្តបន្ទាប់ទៅលើគម្រោងវិនិយោគអគារលំនៅដ្ឋាន អគារស្នាក់នៅរូម អគារពាណិជ្ជកម្ម និងគម្រោងឧស្សាហកម្មរោងចក្រ នៅក្នុងរាជធានីភ្នំពេញ និងតាមបណ្តាខេត្តសក្តានុពលមានខេត្តកណ្តាល ខេត្តព្រះសីហនុ សៀមរាប បាត់ដំបង និងកំពតជាដើម៕
None
