ការនាំចេញស្រារបស់អូស្ត្រាលីទៅប្រទេសចិនធ្លាក់ចុះ ៩២% ដោយសារការដាក់ពន្ធ និងការរំខានពីជំងឺកូវីដ១៩
តម្លៃនៃការនាំចេញផលិតផលស្រារបស់អូស្ត្រាលីទៅកាន់តំបន់អាស៊ីភាគឦសានបានធ្លាក់ចុះជិតពាក់កណ្តាល គិតត្រឹមដំណាច់ខែកញ្ញា ឆ្នាំ២០២២ ដោយសារមានការ…
សម្រាប់ការនាំចេញផ្លែមៀនស្រស់កម្ពុជា ជាផ្លូវការទៅកាន់ទីផ្សារប្រទេសចិននេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម បានលើកឡើងថា នេះគឺជាជោគជ័យថ្មីមួយទៀត ដែលកើតចេញពីកិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយរវាងប្រទេសកម្ពុជា និងចិន ដែលរួមចំណែកយ៉ាងសំខាន់ដល់ការអភិវឌ្ឍវិស័យកសិកម្ម តាមរយៈការជួយបង្កើនផលិតកម្ម ការទាក់ទាញវិនិយោគទុនចិនក្នុងវិស័យផលិតកម្មកសិកម្ម ការសាងសង់ហេដ្ឋារចនាសម្ព័ន្ធវេចខ្ចប់ និងកែច្នៃបម្រើឲ្យការនាំចេញ និងដល់ការបង្កើតការងារ និងបង្កើន ប្រាក់ចំណូលរបស់កសិករ ដើម្បីជំរុញការអភិវឌ្ឍសេដ្ឋកិច្ច និងសង្គមនៅកម្ពុជា។
ឯកឧត្តម វ៉ាង វិនធាន បានលើកឡើងដែរថា ផ្លែមៀន គឺជាកសិផលទី៣ហើយរបស់កម្ពុជា ដែលត្រូវបានអនុម័តនាំចេញផ្ទាល់ទៅកាន់ទីផ្សារចិន បន្ទាប់ពីត្រីប្រា និងពោតនៅក្នុងឆ្នាំនេះ។
បើតាមការបញ្ជាក់របស់រដ្ឋមន្ត្រីក្រសួងកសិកម្ម ចម្ការមៀន ដែលត្រូវបានអនុញ្ញាតឲ្យនាំចេញទូលំទូលាយទៅកាន់ទីផ្សារប្រទេសចិន គឺមានសរុបចំនួន ៧៤ចម្ការ ខណៈក្រុមហ៊ុនដែលទទួលសិទ្ធិវេចខ្ចប់ និងនាំចេញមៀនទៅកាន់ប្រទេសចិនវិញមានចំនួន ៨ក្រុមហ៊ុន។
យ៉ាងណាមិញ ទោះបីជា មានការសម្ពោធជាផ្លូវការសម្រាប់ការនាំចេញមៀនស្រស់ទៅកាន់ប្រទេសចិនក៏ពិតមែន ប៉ុន្ដែ ការនាំចេញលើកដំបូង គឺអាចនឹងធ្វើឡើងនៅក្នុងខែវិច្ឆិកាខាងមុខ ហើយក៏មិនទាន់ដឹងប្រាកដថា នឹងអាចនាំចេញបានក្នុងបរិមាណប៉ុន្មាននៅឡើយដែរ ដោយរង់ចាំការប្រមូលផលរបស់កសិករសិន។
ពិធិសម្ពោធនាំចេញមៀនទៅកាន់ទីផ្សារប្រទេសចិន នៅថ្ងៃទី២៧ ខែតុលា ឆ្នាំ២០២២
ជាមួយគ្នានេះ លោក សារ ចំរើន ទីប្រឹក្សាសហគមន៍មៀនប៉ៃលិន បានបញ្ជាក់ប្រាប់ខេមបូណូមីសថ្មីៗនេះថា ក្រុមហ៊ុនដែលបាននាំចេញមៀនប៉ៃលិនទៅប្រទេសចិននេះ បានធ្វើកិច្ចសន្យាទិញផ្លៃមៀនពីប្រជាពលរដ្ឋ កាលពីថ្ងៃទី១៨ ខែកញ្ញា ឆ្នាំ២០២២ ហើយនៅពេលបច្ចុប្បន្នខាងក្រុមហ៊ុនកំពុងធ្វើការប្រមូលផលបេះផ្លែមៀនដែលទុំបណ្តើរៗពីចម្ការរបស់ប្រជាកសិករផងដែរ។
ចំពោះតម្លៃផ្លែមៀនប៉ៃលិនដែលក្រុមហ៊ុនបានទិញពីប្រជាកសិករនោះ គឺតម្លៃត្រូវកំណត់ទៅតាមខែនីមួយៗ ដោយគិតចាប់ពីដើមខែតុលា ដល់ចុងខែធ្នូ ឆ្នាំ ២០២២នេះ គឺក្រុមហ៊ុនទិញពីប្រជាកសិករក្នុងតម្លៃ ៣៣០០រៀលក្នុងមួយគីឡូក្រាម, ក្នុងខែមករាឆ្នាំ ២០២៣ មានតម្លៃ ៣៥០០រៀលក្នុងមួយគីឡូក្រាម, ចំពោះខែ កុម្ភៈ មានតម្លៃ ៣៩០០ រៀលក្នុងមួយគីឡូក្រាម និង ក្នុងខែមីនា មានតម្លៃ ៤៣០០ រៀលក្នុងមួយគីឡូក្រាមផងដែរ។ លោក បានបន្ថែមថា ចំពោះតម្លៃនេះដែរ គឺជាតម្លៃដែលក្រុមហ៊ុនទិញពីកសិករ ដោយគិតតម្លៃនៅលើដើមតែម្តង បានន័យថា ការចំណាយផ្សេងៗក្នុងការបេះ ការប្រមូលផល ការវេចខ្ចប់នានា គឺជាបន្ទុករបស់ក្រុមហ៊ុន។
បើតាមក្រសួងកសិកម្ម គិតត្រឹមឆ្នាំ២០២១ ដំណាំមៀននៅទូទាំងប្រទេសកម្ពុជាមានការដាំដុះលើផ្ទៃដីសរុបជិត១ម៉ឺន៣ពាន់ហិកតា ខណៈផ្ទៃដីប្រមូលផលមានជាង១ម៉ឺនហិកតា ដោយទិន្នផលអាចទទួលបានជាមធ្យមជាង១ម៉ឺន២ពាន់តោនក្នុងមួយហិកតា ដែលមានបរិមាណផលសរុបជាង១៣ម៉ឺនតោន៕
None
