កម្ពុជានាំចេញទៅវៀតណាមកើនជាង ៣០០% នៅ២ខែដំបូងឆ្នាំ២០២១
ការនាំចេញផលិតផលរបស់កម្ពុជាទៅកាន់ប្រទេសវៀតណាមក្នុងរយៈពេលពីរខែនៃដើមឆ្នាំ២០២១មានការកើនឡើងជាង ៣០០% បើធៀបនឹងរយៈពេលដូចគ្នា កាលពីឆ្នាំមុន…
សេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា ក្នុងចំណោមអ្នកវិជ្ជមានកូវីដ១៩ទាំង ៦៣នាក់នោះ សុទ្ធសឹងជាករណីឆ្លងក្នុងសហគមន៍នៃ «ព្រឹត្តិការណ៍២០កុម្ភៈ» ស្របពេលដែលអ្នកជាសះស្បើយមានចំនួន១៥នាក់ ដែលតម្រូវឲ្យចេញពីមន្ទីរពេទ្យ ហើយបន្តធ្វើចត្តាឡីស័កនៅផ្ទះ១៤ថ្ងៃបន្ថែមទៀតដោយខ្លួនឯង។
សម្រាប់អ្នកវិជ្ជមានទាំង ៦៣នាក់ រួមមាន២៣ករណីរកឃើញនៅរាជធានីភ្នំពេញ, កណ្តាល១ករណី, ត្បូងឃ្មុំ៤ករណី, ស្វាយរៀង១ករណី និងខេត្តព្រះសីហនុ៣៤ករណី។
សូមបញ្ជាក់ដែរថា គិតត្រឹមថ្ងៃទី៣១ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន ២៤៤០នាក់ ក្នុងនោះអ្នកជាសះស្បើយចំនួន ១១៩១នាក់, អ្នកកំពុងសម្រាកព្យាបាលជំងឺ ចំនួន១២៣៤នាក់ និងស្លាប់បាត់បង់ជីវិតចំនួន១១នាក់៕
None
