ការធ្លាក់ចុះតម្លៃប្រេងនៅលើទីផ្សារនាពេលនេះ ត្រូវបានគេមើលឃើញថា គឺដោយសារតែឥទ្ធិពលនៃការផ្ទុះឡើងជំងឺកូវីដ-១៩ ដែលកំពុងរីករាលដាលពេញពិភពលោកធ្វើឲ្យការប្រើប្រាស់ប្រេងន្ធនៈក្នុងការធ្វើដំណើរត្រូវបានកាត់បន្ថយ។
នៅក្នុងលិខិតមួយរបស់ក្រសួងពាណិជ្ជកម្មកម្ពុជា ដែលបានផ្សព្វផ្សាយនៅថ្ងៃទី ១៨ ខែឧសភានេះ អំពីតម្លៃលក់រាយប្រេងឥន្ធនៈនៅតាមស្ថាននីយបានគូសបញ្ជាក់ថា ស្របតាមការសម្រេចរបស់ប្រមុខរាជរដ្ឋាភិបាលកម្ពុជា សម្តេច តេជោ ហ៊ុនសែន ដោយបានឲ្យមានការបញ្ចុះតម្លៃប្រេងនៅកម្ពុជា ចំនួន ៤សេនដុល្លារក្នុងមួយលីត្រ គិតចាប់ពីថ្ងៃទី១៦ ដល់ ថ្ងៃទី៣១ ខែឧសភា ឆ្នាំ២០២០ ដោយសាំងធម្មតាត្រូវលក់តម្លៃ ២.៥០០រៀលក្នុងមួយលីត្រ និងម៉ាស៊ូតលក់ក្នុងតម្លៃ២.៣០០រៀល ក្នុងមួយលីត្រ។អត្ថបទទាក់ទង!
ការសម្រេចឲ្យមានការបញ្ចុះតម្លៃប្រេងឥន្ធនៈពីសំណាក់រាជរដ្ឋាភិបាលកម្ពុជានេះ គឺមានទាបជាងតម្លៃ ដែលផ្អែកតាមតម្លៃមធ្យមលើទីផ្សារអន្តរជាតិថ្លៃលក់រាយប្រេងឥន្ធនៈពីថ្ងៃទី១៦ ដល់ថ្ងៃទី៣១ ឧសភា កំណត់ដោយក្រសួងពាណិជ្ជកម្មថា នឹងត្រូវលក់សម្រាប់សាំងធម្មតាថ្លៃ២.៦៦០រៀល និងម៉ាស៊ូត ២.៤៦០រៀលក្នុងមួយលីត្រ។
ក្រសួងពាណិជ្ជកម្ម បញ្ជាក់ថា ការធ្លាក់ចុះថ្លៃប្រេងឥន្ធនៈនៅតាមស្ថានីយនាពេលនេះ គឺដើម្បីជួយសម្រួលដល់ជីវភាពប្រជាជន និងដោយមានចូលរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា ទើបប្រមុខរាជរដ្ឋាភិបាលកម្ពុជាសម្រេចបញ្ចុះតម្លៃប្រេងឥន្ធនៈលក់រាយ ៤សេនដុល្លារក្នុងមួយលីត្របន្ថែមទៀត។
លើសពីនេះទៀត ការធ្លាក់ចុះតម្លៃប្រេងនៅកម្ពុជានេះដែរ ក៏ដោយសារតែថ្លៃប្រេងនៅលើទីផ្សារពិភពលោកកំពុងធ្លាក់ចុះ ព្រោះតែការផលិតកើនឡើង តែតម្រូវការនៃការប្រើប្រាស់ត្រូវបានកាត់បន្ថយដោយសារតែការផ្ទុះឡើងនៃជំងឺកូវី-ដ១៩។
គួរជម្រាបថា ជំងឺកូវីដ-១៩បានធ្វើឲ្យរោងចក្រធំៗជាច្រើននៅប្រទេសចិនផ្អាកដំណើរការ ហើយក្រុមហ៊ុនយន្តហោះធំៗ នៅលើពិភពលោកកាត់បន្ថយជើងហោះហើរ ព្រោះតែមិនសូវមានអ្នកធ្វើដំណើរ ខណៈសាលារៀនបិទទ្វារ ហើយប្រជាជនភាគច្រើនមិនចេញពីផ្ទះ៕
None
