អស់រយៈពេលជិត ២ខែមកហើយ ដែលរាជរដ្ឋាភិបាលថៃ បានដាក់ចេញនូវវិធានការបិទហាងទំនិញ ផ្សារទំនើប និងភោជនីយដ្ឋាន ដើម្បីទប់ទល់នឹងវិបត្តិមេរោគកូវីដ១៩។ ប៉ុន្ដែ នៅថ្ងៃដំបូងនៃការបើកដំណើរការឡើងវិញនេះ គឺឃើញមានប្រជាពលរដ្ឋថៃ សម្រុកចេញមកកម្សាន្តយ៉ាងកុះករ។
យ៉ាងណាក៏ដោយចុះ ភ្ញៀវទាំងអស់ ចាំបាច់ត្រូវតែ ពាក់ម៉ាស់ការពារ វាស់កម្តៅ និងចុះឈ្មោះជាមុន ដើម្បីទទួលបានការអនុញ្ញាត ហើយត្រូវតែរក្សាគម្លាតសង្គមជានិច្ច។
លើសពីនេះ ភ្ញៀវដែលចូលទៅកម្សាន្ត គឺត្រូវតែមានការស្កេន QR Code ដើម្បីតាមដានពីព័ត៌មានរបស់ពួកគេ ក្នុងករណីដែលមានបញ្ហាណាមួយ ទាក់ទងនឹងការឆ្លងមេរោគកូវីដ-១៩ គឺមានភាពងាយស្រួលក្នុងការស្វែងរកពួកគេមកវិញ។
អត្ថបទទាក់ទង!
ទោះយ៉ាងណា ពាណិជ្ជករ និងវិស័យឯកជន សាទរចំពោះការបើកឡើងវិញនេះ ដោយរំពឹងថា វានឹងអាចជួយដល់ ការជំរុញកំណើនសេដ្ឋកិច្ចឡើងវិញ ជាបណ្តើរៗ បង្កើនការចំណាយប្រើប្រាស់របស់ អតិថិជន ល្អជាងការទុកផ្សារទំនើប ឬហាង ឲ្យនៅទំនេរចោល។
គួរជម្រាបដែរថា គិតត្រឹមថ្ងៃទី ១៨ ខែឧសភានេះ ករណីឆ្លងមេរោគកូវីដ-១៩នៅក្នុងប្រទេសថៃ បានកើនដល់ជាង ៣ពាន់ករណីហើយ ក្នុងនោះមានករណីស្លាប់ជាង ៥០ករណី តែយ៉ាងណា រាជរដ្ឋាភិបាលថៃ នៅតែបន្តត្រួតពិនិត្យ និងវាស់កម្តៅ សម្រាប់អ្នកដំណើរឆ្លងកាត់ខេត្តក្រុង ហើយចំពោះអ្នកដំណើរមកពីខេត្តដែលកំពុងមានករណីឆ្លងខ្ពស់ ត្រូវធ្វើចត្តាឡីស័កផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
