នាយករដ្ឋមន្ត្រីកម្ពុជា បញ្ជាឱ្យត្រៀមចំណាយ ៦០ម៉ឺនដុល្លារសម្រាប់រថយន្តក្រុងដឹកកម្មករ-កម្មការិនី ក្នុងឱកាសបុណ្យភ្ជុំបិណ្ឌ

នៅក្នុងពិធីជួបសំណេះសំណាលជាមួយកម្មករ-កម្មការិនី នៅក្នុងក្រុងតាខ្មៅ ខេត្តកណ្តាល នាថ្ងៃទី១ ខែកញ្ញា ឆ្នាំ២០២៣នេះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាឱ្យអភិបាលរាជធានីភ្នំពេញ ត្រៀមរថយន្តក្រុងសម្រាប់ដឹកជញ្ជូនកម្មករ-កម្មការិនី ទៅលេងស្រុកកំណើតឱកាសពិធីបុណ្យភ្ជុំបិណ្ឌ។
ឯកឧត្តម នាយករដ្ឋមន្រ្តីកម្ពុជា បានលើកឡើងថា នាពេលកន្លងទៅរដ្ឋបានចំណាយថវិកាប្រមាណជាង៦០ម៉ឺនដុល្លារ សម្រាប់ការដឹកជញ្ជូនពលរដ្ឋទាំងទៅទាំងមក ខណៈការចំណាយនេះ ត្រូវបានឯកឧត្តមបណ្ឌិត ហ៊ុន ម៉ាណែត ចាត់ទុកថា ជាគោលនយោបាយរបស់សម្ដេចតេជោ ហ៊ុន សែន អតីតនាយករដ្ឋមន្រ្តី ហើយនឹងបន្តគោលនយោបាយនេះជាបន្តទៀតផងដែរ៕

អត្ថបទ ៖ បូ ដូឡា