ជុំវិញនឹងការប្រកាសអនុម័តពីគម្រោងវិនិយោគរោងចក្រអគ្គីសនីដុតដោយធ្យូថ្ម នេះដែរ ត្រូវបានអ្នកជំនាញនៅក្នុងវិស័យថាមពលអគ្គិសនីអះអាងថា គម្រោងនេះ នឹងត្រូវភ្ជាប់ទៅនឹងបណ្តាញជាតិដែលគណៈរដ្ឋមន្ត្រីបានសម្រេចតាំងពីឆ្នាំ២០១៩ តាមផែនការនឹងភ្ជាប់បណ្តាញជាតិចំនួន២ យូនីត ដែលមាន ៧០០ មេហ្គាវ៉ាត់ និង ៣៥០ មេហ្គាវ៉ាត់២គ្រឿង ដែលក្នុងនោះយូនីតទី១និងទី២ នឹងភ្ជាប់ទៅបណ្តាញជាតិនៅឆ្នាំ២០២៤ ទៅ២០២៥។
ឯកឧត្តម វិចទ័រ ហ្សូនា អគ្គនាយក នៃអគ្គនាយកដ្ឋានថាមពលនៃក្រសួងរ៉ែ និងថាមពលបានប្រាប់ភីអិនអិននៅថ្ងៃនេះថា បច្ចុប្បន្នក្រុមហ៊ុន រ៉ូយាល់គ្រុប រួមជាមួដៃគូ ដែលអ្នកវិនិយោគ បាននិងកំពុងរៀបចំដីធ្លីក្នុងដំណើរការសាងសង់ហើយ ហើយពិតណាស់គម្រោងនេះ កំពុងដើរស្របគ្នាទៅនឹងផែនការគោលនយោបាយរបស់រាជរដ្ឋាភិបាលតាមដំណាក់កាលនៃឆ្នាំនីមួយៗសម្រាប់គម្រោងអភិវឌ្ឍន៍វិស័យថាមពលនៅកម្ពុជា។
អត្ថបទទាក់ទង!
ឯកឧត្តមបន្តថា តាមរយៈល្បឿននៃការរៀបចំរបស់ក្រុមហ៊ុនអភិវឌ្ឍន៍
ការងារអភិវឌ្ឍន៍មួយនេះ នឹងប្រព្រឹត្តទៅទាន់ពេលតាមផែនការដែលបានគ្រោងទុកដើម្បីធ្វើយ៉ាងណាឲ្យមានសុខសន្តិភាពក្នុងការផ្គត់ផ្គង់។
ឯកឧត្តម វិចទ័រ ហ្សូនា បញ្ជាក់ទៀតថា ការប្រើប្រាស់ថាមពលអគ្គិសនីនៅឆ្នាំ២០២០ នេះពុំខ្វះខាតនោះឡើយ ប៉ុន្តែនៅពេលដែលកម្ពុជាយើងមានការអភិវឌ្ឍកាន់តែច្រើននៅឆ្នាំបន្តបន្ទាប់ ហើយការអភិវឌ្ឍវិស័យថាមពលរបស់កម្ពុជាមិនមានការអភិវឌ្ឍឲ្យទាន់ទៅនឹងតម្រូវការប្រើប្រាស់ទេនោះ ពិតណាស់វានឹងមានការខ្វះខាតថាមពល ប៉ុន្តែយ៉ាងណា កម្ពុជាគឺមានផែនការមេដែលនឹងត្រូវធ្វើជាបន្តបន្ទាប់គ្នាដែរ សម្រាប់វិស័យថាមពលមួយនេះ។
បើតាមមន្ត្រីជាន់ខ្ពស់ក្រសួងរ៉ែ និងថាមពលរូបនេះ បានឲ្យដឹងទៀតថា
បច្ចុប្បន្នកម្ពុជាមានរោងចក្រផលិតថាមពលអគ្គិសនីមានជាច្រើនកន្លែងនៅទូទាំងប្រទេស
តួយ៉ាងនៅខេត្តព្រះសីហនុមានរោងចក្រធ្យូថ្មចំនួន ៣កន្លែងរួចហើយ ហើយ។ ឯកឧត្តមអះអាងទៀតថា
រោងចក្រអគ្គិសនីដែលបានភ្ជាប់បណ្តាញជាតិ គឺមានគ្រប់ខេត្តក្រុងទាំងអស់រាប់ទាំងរោងចក្រផលិតអគ្គិសនីពីសូឡា
ពីប្រេង ពីធ្យូងថ្ម និងពីប្រេងខ្មៅជាដើម។
តាមរយៈការសិក្សារបស់អគ្គនាយកដ្ឋានថាមពល កំណើននៃតម្រូវការថាមពលរបស់កម្ពុជាស្ថិតក្នុងកំណើនចន្លោះពី១៦ ទៅ១៨ភាគរយ ដែលអាចនិយាយបានថា នៅឆ្នាំ២០៣០ខាងមុខ កម្ពុជានឹងមានតម្រូវការថាមពលរហូតជាង ១ម៉ឺន២ពាន់មេហ្គាវ៉ាត់ ដែលទំហំនេះនឹងអាចគ្រប់គ្រាន់ ប៉ុន្តែក៏ត្រូវមានធ្វើផែនការច្បាស់លាស់ដើម្បីផលិតថាមពលពីប្រភពណាមួយនោះ៕
None
