មិនតែប៉ុណ្ណោះ សមិទ្ធផលទាំងអស់នេះ ពិតជាបានរួមចំណែកស្តារ និងលើកកម្ពស់សេដ្ឋកិច្ចជាតិក្នុងពេលដែលប្រទេសជាតិទទួលរងវិបត្តិជំងឺកូវីដ១៩ ផងដែរ។
នៅក្នុងពីធីផ្សព្វផ្សាយសមាសភាពគណ:កម្មាធិការដឹកនាំអនុវត្តផែនការមេអភិវឌ្ឍន៍វិស័យទេសចរណ៍ខេត្តមណ្ឌលគីរី (គ.ជ.ផ.ម) ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានគណ:កម្មាធិការដឹកនាំអនុវត្តផែនការមេអភិវឌ្ឍន៍វិស័យទេសចរណ៍ខេត្តមណ្ឌលគីរី នៅថ្ងៃទី៤ ខែកក្កដា បានបង្ហាញអំពីសុឆន្ទៈក្នុងការបន្តកិច្ចសហការឱ្យកាន់តែជិតស្និទ្ធថែមទៀតជាមួយគ្រប់ដៃគូ ដើម្បីការវិនិយោគវិស័យកសិកម្ម ទេសចរណ៍ អេកូទេសចរណ៍ ឆ្លើយតបទៅនឹងវិធានសុវត្ថិភាពទេសចរណ៍ស្របតាមអភិក្រម «ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ» ស្របទៅនឹងចក្ខុវិស័យរបស់រាជរដ្ឋាភិបាលដែលបានចាត់ទុកវិស័យកសិកម្ម ជាវិស័យអាទិភាព ហើយវិស័យទេសចរណ៍គឺជាមាសបៃតង។ បើតាម បច្ចុប្បន្នមាន ១៣១ សហគមន៍មានសក្តានុពលភាពអាចបង្កើតជាសហគមន៍ទេសចរណ៍ធម្មជាតិបាន ៥១៦សហគមន៍។
អត្ថបទគួរអាន
នាពេលអនាគត ក្រសួងកសិកម្ម រំពឹងថាសហគមន៍កសិកម្មមួយចំនួនអាចនឹងបង្កើតមុខរបរថ្មីមួយដែលហៅថា «កសិ-ទេសចរណ៍» សម្រាប់ផ្តល់ឱកាសដល់អ្នកទេសចរណ៍ក្នុងស្រុក និងបរទេសបានទៅទស្សនាកសិដ្ឋានរបស់ប្រជាកសិករជាសមាជិកសហគមន៍កសិកម្មផងដែរ។
រាជរដ្ឋាភិបាលកម្ពុជារំពឹងថា តាមរយៈផែនការមេអភិវឌ្ឍន៍ខេត្តមណ្ឌលគិរី ក្លាយជាតំបន់អេកូទេសចរណ៍ និងប៉ូលសេដ្ឋកិច្ចភូមិភាគឦសាន នឹងអាចទាក់ទាញភ្ញៀវទេសចរបានជាង២លាននាក់ និងផ្តល់ចំណូលជូនរដ្ឋប្រមាណ៥00លានដុល្លារនៅត្រឹមឆ្នាំ២០៣៥។
តាមរយៈផែនការមេនេះ ខេត្តមណ្ឌលគិរីត្រូវបានគេរំពឹងថា នឹងក្លាយជាតំបន់ប៉ូលសេដ្ឋកិច្ចទី៤ប្រចាំភូមិភាគឦសាន បន្ទាប់ពីរាជធានីភ្នំពេញ តំបន់ឆ្នេរសមុទ្រ និងខេត្តសៀមរាប។ លើសពីនេះកម្ពុជានឹងធ្វើសមាហរណកម្មខេត្តមណ្ឌលគិរីជាមួយតំបន់ផ្សេងៗក្នុងប្រទេស និងក្នុងតំបន់ផងដែរ៕
