វ៉ាក់សាំង Sinovac របស់ចិន២លានដូសដែលថៃបញ្ជាទិញ នឹងទៅដល់ថៃក្នុងពេលឆាប់ៗ

ប្រទេសចិនបានជូនដំណឹងដល់ លោកនាយករដ្ឋមន្រ្តីថៃ Prayuth Chan-O-Cha ថា ខ្លួនកំពុងត្រៀមដឹកជញ្ជូនវ៉ាក់សាំង Covid-19 ដែលថៃបានបញ្ជាទិញ ទៅកាន់ប្រទេសថៃក្នុងពេលខាងមុខនេះហើយ ខណៈដែលប្រទេសថៃរំពឹងថា នៅឆ្នាំ២០២១នេះ នឹងចាក់វ៉ាក់សាំងជូនដល់ពលរដ្ឋរបស់ខ្លួនឲ្យបាន ៣០លាននាក់។ នេះបើយោងតាមការចុះផ្សាយរបស់សារព័ត៌មាន Bangkok Post។

ឯកអគ្គរដ្ឋទូតស្តីទីចិន Yang Xin បានសំដែងការគួរសមដល់លោកនាយករដ្ឋមន្រ្តី Prayut Chan-O-Cha ដើម្បីបង្ហាញនូវជូនពរសម្រាប់ពិធីបុណ្យចូលឆ្នាំចិន

Story: ការជូនដំណឹងដូចនេះធ្វើឡើង នៅបន្ទាប់ពីវិទ្យាស្ថាន Sinovac Biotech ដែលជាអ្នកផលិតនិងចែកចាយវ៉ាក់សាំងមានមូលដ្ឋាននៅប្រទេសចិន បានអនុញ្ញាតឲ្យមានការនាំចេញនូវវ៉ាក់សាំងប្រភេទ Sinovac ទៅក្រៅប្រទេស។

ក្រសួងសុខាភិបាលថៃ បានប្តេជ្ញាថា នឹងចាក់វ៉ាក់សាំងឱ្យប្រជាជនរបស់ខ្លួនឲ្យបាន៥០%នៃប្រជាជនសរុប ពោលគឺក្នុងរង្វង់ ៣០ លាននាក់ គិតត្រឹមចុងឆ្នាំ២០២១នេះ ដោយក្នុងនោះ ថៃក៏បានបញ្ជាទិញវ៉ាក់សាំង Astra Zeneca ពីអង់គ្លេសចំនួន ៦១លានដូសផងដែរ។

កម្មវិធីចាក់វ៉ាក់ក៏ត្រូវបានរដ្ឋាភិបាលថៃរៀបចំរួចរាល់ដែរ ដោយត្រូវបានបែងចែកជា៣ដំណាក់កាល។ ដំណាក់កាលទី១ ថៃគ្រោងចាក់ឲ្យបាន២លានដូសគិតត្រឹមចុងខែកុម្ភៈដំណាក់កាលទី២ និងទី៣ នឹងចាប់ផ្តើមពីខែមិថុនាតទៅ ដោយគ្រោនឹងចាក់ឲ្យបានគ្រប់ចំនួន ៦១លានដូស៕