រោងចក្រផលិតនៅអាស៊ី

សកម្មភាពរោងចក្រផលិតនៅអាស៊ីជាប់គាំង បង្កើនក្ដីបារម្ភដល់ការដាំក្បាលចុះនៃសេដ្ឋកិច្ចសកល


សកម្មភាពផលិតកម្មរបស់ប្រទេសចិនបានពង្រីកយ៉ាងលឿនបំផុតក្នុងខែមិថុនា បើធៀបក្នុងរយៈពេល ១៣ ខែចុងក្រោយនេះ ខណៈការដកចេញនូវវិធានការបិទខ្ទប់នៃកូវីដ ១៩របស់ទីក្រុងប៉េកាំងបានធ្វើឱ្យរោងចក្រមានភាពប្រកួតប្រជែងជាខ្លាំង ដើម្បីបំពេញតម្រូវការដ៏ច្រើនលើសលុប។
សកម្មភាពរោងចក្រផលិតនៅអាស៊ីជាប់គាំង បង្កការបារម្ភដល់សេដ្ឋកិច្ចសកល
ដោយ

ក៏ប៉ុន្ដែ បើមើលលើ សកម្មភាពផលិតកម្មនៅអាស៊ីជារួមវិញ ឃើញថា នៅក្នុងខែមិថុនាកន្លងទៅនេះ គឺនៅតែស្ថិតក្នុងភាពជាប់គាំងនៅឡើយ ខណៈដែលក្រុមហ៊ុនជាច្រើនបានរងការវាយប្រហារដោយការរំខានការផ្គត់ផ្គង់ ដែលបណ្តាលមកពីការបិទខ្ទប់យ៉ាងតឹងរ៉ឹងរបស់ប្រទេសចិននាពេលកន្លងមក។ស្របពេលដែលហានិភ័យនៃដំណើរយឺតខ្លាំងនៃសេដ្ឋកិច្ចនៅអឺរ៉ុប និងសហរដ្ឋអាមេរិក ក៏បានបង្កើនការភ័យខ្លាចចំពោះការដាំក្បាលចុះនៃសេដ្ឋកិច្ចសកលផងដែរ។ ប៉ុន្តែ នេះបើតាមការចុះផ្សាយសារព័ត៌មាន Reuters។

ការស្ទង់មតិមួយកាលពីថ្ងៃសុក្របានបង្ហាញពីសកម្មភាពរោងចក្ររបស់ប្រទេសចិនកើនឡើងយ៉ាងខ្លាំងនៅក្នុងខែមិថុនា ទោះបីជាសកម្មភាពនេះមានការធ្លាក់ចុះនៅក្នុងប្រទេសជប៉ុន និងកូរ៉េខាងត្បូង ក៏ដូចជាការធ្លាក់ចុះនៅក្នុងតៃវ៉ាន់ បានបង្ហាញពីភាពតានតឹងពីការរំខានការផ្គត់ផ្គង់ ការកើនឡើងថ្លៃដើម និង កង្វះខាតវត្ថុធាតុដើមក៏ដោយ។ ទន្ទឹមនឹងនោះ ការបន្ធូបន្ថយនៃការរឹតបន្តឹងរបស់ប្រទេសចិនបានសម្រួលដល់ខ្សែចង្វាក់ផ្គត់ផ្គង់ និង អនុញ្ញាតឱ្យក្រុមហ៊ុនផលិតរថយន្ត និង ក្រុមហ៊ុនផលិតផ្សេងទៀតអាចបន្តប្រតិបត្តិការឡើងវិញបានបន្ទាប់ពីទទួលរងការរំខានយ៉ាងធ្ងន់ធ្ងរអស់ប៉ុន្មានខែកន្លងមកនេះ។

ទោះយ៉ាងណា អ្នកវិភាគមួយចំនួនបានព្រមានអំពីបញ្ហាប្រឈមថ្មីៗ ដូចជាការភ័យខ្លាចទីផ្សារដែលកំពុងកើនឡើង ពាក់ព័ន្ធនឹងការដំឡើងអត្រាការប្រាក់របស់សហរដ្ឋអាមេរិកដ៏ខ្លាំងក្លា ដើម្បីកាត់បន្ថយអតិផរណា ដើម្បីជៀសវាងការធ្លាក់ចូលក្នុងវិបត្តិសេដ្ឋកិច្ច។ ក្នុងនោះ ការរឹតបន្តឹងគោលនយោបាយនៅសេដ្ឋកិច្ចទូទាំងពិភពលោក ចំពេលមានសម្ពាធតម្លៃបានបង្កឱ្យមានការភ័យខ្លាចនៃការធ្លាក់ចុះសេដ្ឋកិច្ចពិភពលោកយ៉ាងខ្លាំង និងធ្វើឱ្យទីផ្សារហិរញ្ញវត្ថុរង្គោះរង្គើក្នុងប៉ុន្មានខែថ្មីៗនេះផងដែរ។

លោក Yoshiki Shinke ប្រធានសេដ្ឋវិទូរបស់ប្រទេសជប៉ុនបាននិយាយថា លោកមានការរំពឹងថា សេដ្ឋកិច្ចរបស់ប្រទេសចិននឹងកើនឡើងឆាប់រហ័សបន្ទាប់ពីធ្លាក់ចុះខ្សោយក្នុងកំឡុងពេលបិទខ្ទប់ប៉ុន្មានខែកន្លងមកនេះ។ ប៉ុន្តែ បច្ចុប្បន្ន មានហានិភ័យនៃការធ្លាក់ចុះនៅក្នុងសេដ្ឋកិច្ចរបស់សហរដ្ឋអាមេរិក និង អឺរ៉ុបកំពុងកើនឡើង ខណៈវានឹងក្លាយជាការប៉ះទង្គិចគ្នា រវាងមហាអំណាចទាំងពីរ ទោះបីជាមានភាពមិនច្បាស់លាស់ជាច្រើនលើទស្សនវិស័យសេដ្ឋកិច្ចពិភពលោកក៏ដោយ។

គួរជម្រាប់ថា ការចាក់សោរនៅក្នុងប្រទេសចិនបានធ្វើឱ្យមានភាពតានតឹងផ្នែកដឹកជញ្ជូន និង ចង្វាក់ផ្គត់ផ្គង់ក្នុងតំបន់ និងសកល ដោយទាំងប្រទេសជប៉ុន និង កូរ៉េខាងត្បូងបានរាយការណ៍ពីការធ្លាក់ចុះយ៉ាងខ្លាំងនៃទិន្នផលនាំចូល។ សេដ្ឋកិច្ចរបស់ប្រទេសចិនបានចាប់ផ្តើមនៃការងើបឡើងវិញចេញពីការប៉ះទង្គិចនៃការផ្គត់ផ្គង់ ដែលបណ្តាលមកពីការបិទខ្ទប់យ៉ាងតឹងរ៉ឹង ទោះបីជាហានិភ័យនៅតែមានដូចជាការកើនឡើងនៃអតិផរណា និង ការភ័យខ្លាចនៃរលកថ្មីនៃការឆ្លងកូវីត ១៩ ក៏ដោយ៕

© 2023 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


អ៊ីស្រាអែលមានបំណងចុះ MOU ជាមួយកម្ពុជា ដើម្បីនាំពលករកម្ពុជាទៅបម្រើការងារក្នុងវិស័យកសិកម្ម

ព័ត៌មាន
លោកជំទាវ Orna SAGIV ឯកអគ្គរដ្ឋទូតអ៊ីស្រាអែលប្រចាំនៅទីក្រុងបាងកកប្រទេសថៃបានបង្ហាញពីបំណងចង់ឲ្យរដ្ឋាភិបាលទាំងពីរកម្ពុជា និងអ៊ីស្រាអែល ចុះអ…

អាមេរិកចាប់ផ្តើមធ្វើសមយុទ្ធកងទ័ពជើងទឹកនៅប៉ាស៊ីហ្វិក «RIMPAC» ដោយមាន២៦ប្រទេសចូលរួម តែមិនបញ្ចូលកោះតៃវ៉ាន់ទេ

ព័ត៌មាន
សហរដ្ឋអាមេរិក បានចាប់ផ្តើមធ្វើសមយុទ្ធកងទ័ពជើងទឹករួមគ្នាដ៏ធំបំផុតរបស់ពិភពលោកហើយកាលពីថ្ងៃពុធសប្តាហ៍នេះ ដោយមានការចូលរួមពីប្រទេសនៅតំបន់ប…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ