កាសែត The Financial Times របស់សហរដ្ឋអាមេរិកកាលពីសប្តាហ៍មុនបានចុះផ្សាយថា ប្រទេសចិនបានសាកល្បងមីស៊ីលលឿនជាងសំឡេង មានសមត្ថភាពបំពាក់មកជាមួយ ក្បាលគ្រាប់នុយក្លេអ៊ែរ បាញ់ចេញកាលពីខែសីហាដែលបានហោះវិលជុំវិញផែនដីមុនពេលវាហោះឆ្ពោះទៅគោលដៅរបស់វា ដែលគេបានកំណត់ទុក។
មីស៊ីលដែលមានល្បឿនលឿនជាងសម្លេងនេះ ធ្វើដំណើរក្នុងបរិយាកាសផ្នែកខាងលើនៃផែនដី ដោយធ្វើដំណើរក្នុងល្បឿន ៦២០០គីឡូម៉ែត្រក្នុងមួយម៉ោង លឿនជាងល្បឿនរបស់សម្លេងដល់ទៅ៦ដង។
ត្រូវបានចោទសួរដោយអ្នកសារព័ត៌មាន ថាតើអាមេរិកមានការព្រួយបារម្ភដែរទេជុំវិញបញ្ហានេះ លោក ចូ បៃឌិន បានទទួលស្គាល់ថា លោកពិតជាមានការព្រួយបារម្ភទាក់ទងនឹងអាវុធនុយក្លេអ៊ែររបស់ចិន។អត្ថបទគួរអាន
អ្នកនាំពាក្យសេតវិមានលោកស្រី ចេន ផាសាគី (Jen Psaki) បានបដិសេដមិនបង្ហាញការយល់ឃើញចំពោះសេចក្តីរាយការណ៍របស់ Financial Times នោះទេ ប៉ុន្តែលោកស្រីបាននិយាយក្នុងន័យទូទៅថា៖ ចំពោះសមត្ថភាពអាវុធនុយក្លេអ៊ែររបស់ចិន ពិតណាស់ យើងតែងតែមានក្តីបារម្ភជានិច្ច។
យ៉ាងណាមិញ ភាគីចិននៅថ្ងៃច័ន្ទសប្តាហ៍នេះ បានចេញមុខមកទាត់ចោលការចុះផ្សាយរបស់ Financial Times ដោយបានអះអាងថា ការបាញ់សាកល្បងនៅខែសីហា មិនមែនជាការបាញ់សាកល្បងគ្រាប់មីស៊ីលនោះទេ វាជាការបាញ់ពិសោធន៍យានអវកាស ដែលចិនតែងតែធ្វើតាមទម្លាប់របស់ខ្លួនប៉ុណ្ណោះ។
សូមជម្រាបថា ទោះបីអាមេរិកបានបង្ហាញការព្រួយបារម្ភជុំវិញភាពចម្រូងចម្រាស នៃអាវុធនុយក្លេអ៊ែររបស់ចិនក្តី ប៉ុន្តែសហរដ្ឋអាមេរិកខ្លួនឯងកាលពីខែកញ្ញា ក៏បានប្រកាសថាខ្លូនបានធ្វើតេស្តសាកល្បងដោយជោគជ័យ នូវអាវុធមីស៊ីលដែលមានល្បឿនលឿនជាងសំឡេង ៥ ដងផងដែរ៕None
