អគ្គនាយកក្រុមហ៊ុន ជីប ម៉ុង លែន លោកឧកញ៉ា លាង ហួង(ហេនរី) មានប្រសាសន៍ថា ទោះបីស្ថិតនៅក្នុងដំណាក់កាលវិបត្តិកូវីដ១៩ក្តី ក្រុមហ៊ុន ជីប ម៉ុង លែន ក៏ក្រុមហ៊ុនជីប ម៉ុង លែន នៅតែជឿជាក់ពីការភាពជោគជ័យនៃការលក់លំនៅឋាន នៅក្នុងគម្រោងហ្គ្រេនភ្នំពេញស៊ីធីនេះដែរ។
លោកឧកញ៉ា បានបន្តថា « ខ្ញុំចង់បញ្ជាក់ថា ទោះបីជាកូវីដ១៩ វាបានប៉ះពាលសេដ្ឋកិច្ចលើសកលលោក ក៏ដូចជា ប្រទេសកម្ពុជាក៏ដោយ ក៏ក្រុមហ៊ុននៅតែបន្ត អត់បង្អង់ការអភិវឌ្ឍន៍លើគម្រោងរបស់ខ្លួន យើងនៅតែបន្តការអភិវឌ្ឍជាធម្មតា ព្រោះថាយើងមានអ្នកជំនាញ បុគ្គលិកមានសមត្ថភាព ទោះក្នុងកាលៈទេសៈណា ក៏យើងនៅតែអាចដើទៅមុខបាន»។
បើតាមប្រធានផ្នែកលក់នៃក្រុមហ៊ុន ជីប ម៉ុង លែន បានឲ្យដឹង តាមរយៈបទពិសោធន៍នៃការបើកលក់គម្រោងមុនៗកន្លងមក លោកជឿជាក់ថា នារយៈពេលថ្ងៃនៃដើមខែកក្កដា ខាងមុខនេះ គម្រោងហ្គ្រេនភ្នំពេញស៊ីធី អាចលក់បានពី ៥០%ទៅ ៨០% ឯណោះ។
អត្ថបទទាក់ទង!
នៅក្នុងឱកាសនៃការប្រកាសបើកលក់គម្រោង ហ្គ្រេនភ្នំពេញស៊ីធីនេះដែរ ក្រុមហ៊ុន ជីប ម៉ុង លែន ក៏បានប្រកាសពីទូតសុឆន្ទៈរបស់ក្រុមហ៊ុនខ្លួន ដោយបានជ្រើសរើសយកអ្នកនាង ឱក សុគន្ធកញ្ញា ដែលជាកំពូលតារាចម្រៀងលំដាប់ជួរមុខរបស់ប្រទេសកម្ពុជា ដោយលោកឧកញ៉ា លាង ហួង(ហេនរី) ជឿជាក់ថា វត្តមានរបស់កំពូលតារាចម្រៀងរូបនេះ នឹងជួយជម្រុញកំណើននៃការលក់របស់គម្រោងហ្គ្រេនភ្នំពេញស៊ីធីមួយកម្រិតទៀត។
សូមជម្រាបថា គម្រោងក្រុងរណបហ្គ្រេនភ្នំពេញ គឺមានផ្ទៃដីសរុបជាង ២៦០ ហិកតា ហើយបច្ចុប្បន្នទីក្រុងរណបនេះ នៅមានផ្ទៃដីសល់ទំនេរជាច្រើនដើម្បីអភិវឌ្ឍគម្រោងធំៗនានា ដែលបានរៀបចំទៅតាមប្លង់មេ។ ហើយនាពេលខាងមុខនេះ ក្រុមហ៊ុន ជីប ម៉ុង លែន បញ្ជាក់ថា ហ្គ្រេនភ្នំពេញស៊ីធី នឹងមានទីលានវាយកូនហ្គោលខ្នាតអន្តរជាតិដ៏ធំមួយ រួមជាមួយនឹងការសាងសង់សួនច្បារបៃតងដ៏ធំផងដែរ នៅក្នុងគម្រោងនេះ៕
None
