អត្ថបទទាក់ទង
ជាសំណាងដែរ បច្ចេកវិទ្យាហិរញ្ញវត្ថុបច្ចុប្បន្នកាន់តែមានភាពទំនើប និងផ្តល់ភាពងាយស្រួលក្នុងការទូទាត់ប្រាក់តាមរយៈទូរសព្ទដៃ ឬគេហៅថា Mobile App តួយ៉ាង អេស៊ីលីដាម៉ូបាល របស់ធនាគារ អេស៊ីលីដា ជាដើម ដែលវាអាចជួយឲ្យចំណេញពេលវេលា កាត់បន្ថយការចម្លងមេរោគ និងកាត់បន្ថយការលួចបន្លំជាដើម ហើយថែមទាំងប្រើប្រាស់ដោយឥតគិតថ្លៃសេវា ថែមទៀតផង ។
ធនាគារ អេស៊ីលីដា ភីអិលស៊ី បានប្រើប្រាស់បច្ចេកវិទ្យាទំនើបនិងសម្បូរបែបដើម្បីបម្រើសេវាកម្មដ៏ងាយស្រួលនេះ ជូនអតិថិជនរបស់ខ្លួនជាយូរយារណាស់មកហើយ ។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា ភីអិលស៊ី បានមានប្រសាសន៍ឱ្យដឹងថា ការទូទាត់តាម អេស៊ីលីដាម៉ូបាល គឺជួយសម្រួលដល់ពេលវេលា កាត់បន្ថយចំណាយធ្វើដំណើរ មិនមានការលួចបន្លំ មិនបាច់រាប់ប្រាក់ និងកាន់សាច់ប្រាក់ដោយផ្ទាល់ អាចតាមដានលំហូរសាច់ប្រាក់បានទាន់ពេល មានទំនុកចិត្តពីដៃគូជំនួញ ប្រតិបតិ្តការតាមពេលវេលារបស់ខ្លួន ទាញយកបញ្ជីគណនី និងរក្សាព័ត៌មានផ្ទាល់ខ្លួន ហើយការប្រើប្រាស់សេវាទាំងអស់នេះ គឺមិនគិតថ្លៃសេវាទេ ។
លោកស្រីនាយិកាបញ្ជាក់ថា កាន់តែពិសេសថែមទៀតនោះ គឺថា ការប្រើ អេស៊ីលីដាម៉ូបាល ជួយបង្ការការឆ្លងជំងឺផ្សេងៗ ដែលអាចចម្លងតាមរយៈការប៉ះពាល់ក្រដាសប្រាក់ដែលមិនបានសម្លាប់មេរោគ ក្នុងនោះរួមទាំងជំងឺកូវីដ-១៩ ជាដើម និងរួមចំណែកក្នុងការមិនផលិតក្រដាសប្រាក់ជំនួសឲ្យក្រដាសប្រាក់ចាស់ៗដែលប្រឡាក់និងខូចទ្រង់ទ្រាយដើម ៕
