លោកពូទីនព្រមានប្រាប់លោកខាងលិចថា ពិភពលោកកំពុងជួបស្ថានការណ៍ដ៏គ្រោះថ្នាក់បំផុតចាប់តាំងពីសង្គ្រាមលោកលើកទី២មក
ប្រធានាធិបតីរុស្ស៊ី លោកវ្ល៉ាឌីមៀ ពូទីន កាលពីថ្ងៃព្រហស្បតិ៍ ទី ២៧ តុលា បាននិយាយថា «ពិភពលោកនឹងប្រឈមមុខនូវទសវត្សរ៍ដ៏គ្រោះថ្នាក់បំផុតមិនធ្ល…
ធនាគារកណ្តាលអឺរ៉ុប ឬហៅកាត់ថា ECB បានពន្យល់ថា នៅមួយរយៈចុងក្រោយនេះ អតិផរណាទំនិញ គឺគ្មានការស្រុតចុះ ហើយចេះតែឡើងខ្ពស់ទៅៗ។ ទិដ្ឋភាពទំនិញឡើងថ្លៃ លុយអឺរ៉ូចុះថោក នេះ កើតមានគួរឲ្យកត់សម្គាល់នៅក្នុងប្រទេសតំបន់ចាយប្រាក់អឺរ៉ូ និងដែលប្រាក់អឺរ៉ូចុះថោកស្ទើរតែស្មើនឹងប្រាក់ដុល្លារអាមរិកទៅហើយនាពេលថ្មីៗនេះ។ បើគិតពីខែមុនមក ក្នុងប្រទេសតំបន់ចាយប្រាក់អឺរ៉ូ គឺអតិផរណាទំនិញ បានហក់ឡើងខ្ពស់រហូតដល់ ៩,៩%។
ធនាគារកណ្ដាលអឺរ៉ុប ECB បានសម្រេចដំឡើងអត្រាការប្រាក់ ០,៧៥% ធ្វើឱ្យអត្រាការប្រាក់គោលបច្ចុប្បន្នមានចំនួន ១,៥%។ នេះជាការដំឡើងក្នុងកម្រិតមួយខ្ពស់បំផុត ដែលគេមិនធ្លាប់ឃើញធនាគារកណ្ដាលរបស់ប្លុកនេះធ្វើពីមុនមកនោះទេ ចាប់តាំងពីឆ្នាំ២០០៩។
មូលហេតុដែលធនាគារកណ្តាលអឺរ៉ុបដំឡើងអត្រាការប្រាក់ខ្ពស់ដូចនេះ គឺព្រោះតែវិបត្តិថាមពល និងឧស្ម័ន ដែលកើតចេញពីសង្គ្រាមរុស្ស៊ីឈ្លានពានអ៊ុយក្រែន ហើយជំរុញឲ្យទំនិញឡើងថ្លៃខ្ពស់ យ៉ាងឆាប់រហ័សមួយរំពេច និងបានផ្តល់ភាពស្រពិចស្រពិលមិនប្រាកដប្រជាចំពោះទីផ្សារទំនិញនិងតម្លៃឧស្ម័ន រួមទាំងសេដ្ឋកិច្ចជារួម។
គួរជម្រាបថា អតិផរណាតំបន់អឺរ៉ូត្រូវបានគេរំពឹងថា នឹងកើនឡើងបន្ថែមទៀតនៅពេលដែលទិន្នន័យខែតុលានេះ នឹងចេញផ្សាយនៅថ្ងៃចន្ទសប្តាហ៍ក្រោយ។ ទោះជាយ៉ាងណាក៏ដោយ តម្លៃថាមពលលក់ដុំនៅអឺរ៉ុបបានធ្លាក់បន្តិចនៅប៉ុន្មានសប្តាហ៍ថ្មីៗនេះ ដែលវាទំនងទៅបន្ធូរបន្ថយសម្ពាធតម្លៃលក់រាយនៅក្នុងប៉ុន្មានខែខាងមុខនេះ។
សូមបញ្ជាក់ថា ខណៈពេលដែលសេដ្ឋកិច្ចតំបន់ចាយប្រាក់អឺរ៉ូត្រូវបានគេរំពឹងថានឹងកើនឡើង ០,៧%នៅក្នុងត្រីមាសទី៣ឆ្នាំនេះ អ្នកសេដ្ឋកិច្ចជាច្រើនរំពឹងថា វានឹងធ្លាក់ចុះវិញ ក្នុងរយៈពេល ៣ខែបន្ទាប់ ពោលគឺនៅក្នុងត្រីមាសចុងក្រោយនៃឆ្នាំ២០២២ ដោយសារតែឥទ្ធិពលតម្រូវការថាមពលច្រើនក្នុងរដូវរងា ធ្វើឱ្យតម្លៃឡើងខ្ពស់ តម្លៃអាហារក៏ខ្ពស់ ដែលដាក់បន្ទុកលើការចំណាយរបស់អ្នកប្រើប្រាស់៕
