អាជ្ញាធរអះអាងថា រាល់ល្បែងអនឡាញទាំងអស់នៅកម្ពុជា គឺសុទ្ធតែខុសច្បាប់
ល្បែងស៊ីសងតាមប្រព័ន្ធអេឡិកត្រូនិក នៅតែមានប្រតិបត្តិការនៅកម្ពុជា នៅមួយរយៈចុងក្រោយនេះ ដោយក្រុមហ៊ុនទាំងនោះបានអូសទាញអ្នកលេងតាមរយៈការផ្សព្វផ្ស…
ក្រុមហ៊ុនផលិតរថយន្តអគ្គិសនីថ្មីរបស់ប្រទេសចិន China Evergrande New Energy Vehicle Group បានរាយការណ៍កាលពីថ្ងៃទី២៦ ខែកក្កដាថា ក្រុមហ៊ុននេះបានខាតបង់ទាំងស្រុងនូវទឹកប្រាក់ជាង ៤ពាន់លានដុល្លារ សម្រាប់ឆ្នាំ២០២២ បន្ទាប់ពីបានខាតបង់ម្ដងរួចមកហើយនៅឆ្នាំ២០២១ក្នុងទឹកប្រាក់ចំនួនជិត៨ពាន់លានដុល្លារ។ ប្រសិនបើបូកសរុបគ្នាទៅគឺមានការខាតបង់ប្រហែល ១២ពាន់លានដុល្លារសម្រាប់រយៈពេល២ឆ្នាំមកនេះ។
ក្រុមហ៊ុនផលិតរថយន្តមួយនេះ ក៏មានតម្លៃធ្លាក់ចុះផងដែរ នៅគ្រាដែលរំហូរសាច់ប្រាក់ស្ថិតនៅក្រោមភាពតានតឹងនៅឡើយ។
ជាផ្នែកមួយនៃការរៀបចំរចនាសម្ព័ន្ធឡើងវិញរបស់ក្រុមមេនោះ ដូច្នេះហើយក្រុមហ៊ុនផលិតរថអគ្គិសនីនេះបាននិយាយកាលពីខែមេសាថា ពួកគេនឹងផ្ទេរអាជីវកម្មអចលនទ្រព្យ ដែលកំពុងធ្លាក់ចុះរបស់ខ្លួនទៅឱ្យក្រុមហ៊ុនមេរបស់ខ្លួនគ្រប់គ្រងវិញ។ ដោយមិនរាប់បញ្ចូលទាំងអាជីវកម្មអចលនទ្រព្យនោះ ការខាតបង់សុទ្ធក្នុងឆ្នាំ២០២២របស់ក្រុមហ៊ុនផលិតរថយន្តមួយនេះ មានចំនួនសរុបជាង ២ពាន់លានដុល្លារ។
ក្រុមហ៊ុនផលិតរថយន្តអគ្គិសនី Evergrande New Energy Vehicle នេះបានចាប់ផ្តើមផលិតកម្មដ៏ធំសម្រាប់រថយន្តអគ្គិសនី SUV ស៊េរី Hengchi 5 ដែលជាម៉ូឌែលដំបូងរបស់ខ្លួនកាលពីខែកញ្ញាឆ្នាំមុន ប៉ុន្តែបានចែកចាយត្រឹមតែប្រហែល៣២០គ្រឿង ប៉ុណ្ណោះនៅក្នុងឆ្នាំ២០២២ដោយសារវាពិបាកចូលទៅក្នុងទីផ្សារប្រកួតប្រជែងរថយន្តអគ្គិសនីនៅក្នុងប្រទេសចិន។ ដូច្នេះហើយក្រុមហ៊ុននេះបានសម្រេចផ្អាកការផលិតរថយន្តយន្តស៊េរី Hengchi 5 នៅរោងចក្រក្នុងទីក្រុងទៀនជីនជាបណ្ដោះអាសន្នកាលពីខែមេសាដោយសារកង្វះខាតសាច់ប្រាក់៕
អត្ថបទ៖ សុខ ជា
