ស្ងាត់ៗវៀតណាមសាង់សង់មូលដ្ឋានខែលការពារទប់ទល់ជាមួយចិននៅសមុទ្រចិនខាងត្បូង
ព័ត៌មាន
•
វិទ្យាស្ថានអន្តរជាតិសិក្សាភូមិសាស្ត្រ និងយុទ្ធសាស្រ្តនាវាចរណ៍អាស៊ី ដែលមានទីតាំងនៅសហរដ្ឋអាមេរិកបានបញ្ចេញរបាយការណ៍សិក្សាថ្មីមួយរបស់ខ្លួន រក…
ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកផ្សារមូលបត្រកម្ពុជា បានលើកឡើងថា ការជួយដូរនៅក្រោយពេលផ្ទុះកូវីដក្នុងសហគមន៍លើកទី៣នេះ បាននិងកំពុងដំណើរការជាធម្មតា និងមិនមានការរង្គោះរង្គើអ្វីឡើយ ទោះបីជាផ្សារភាគហ៊ុនមានការធ្លាក់ចុះបន្តិចបន្តួចក្តី តែនេះជារឿងធម្មតានៃការឡើងចុះរបស់ផ្សារភាគហ៊ុនប៉ុណ្ណោះ។
ស្រដៀងគ្នានឹងការលើកឡើងរបស់ឯកឧត្តម ហុង សុហួរដែរ លោក ព្រំ វិសុទ្ធ នាយកប្រតិបត្តិក្រុមហ៊ុន អេស៊ីលីដា សេកឃ្យូរីធី បានឲ្យដឹងដែរថា ផ្សារភាគហ៊ុនមានឡើងមានចុះ ជារឿងធម្មតា។ ការធ្លាក់ចុះខ្លាំងមិនមាននោះទេ ទោះបីកូវីដកំពុងវាយលុកក្នុងសហគមន៍ខ្លាំងក៏ដោយ។ លោកបន្ថែមថា ទោះយ៉ាងណាផ្សារហ៊ុនទើបបើកជួញដូរបាន១ថ្ងៃប៉ុណ្ណោះ រាប់ចាប់ពីពេលផ្ទុះកូវីដក្នុងសហគមន៍កាលពីថ្ងៃសៅរ៍ទី២០កុម្ភៈ ដូចនេះត្រូវធ្វើការតាមដានជាប់ជាប្រចាំ។
ដោយឡែក ជុំវិញទៅនឹងសំណើរបស់ធនាគារជាតិនៃកម្ពុជាកាលពីពេលថ្មីៗ ស្នើឲ្យគ្រឹះស្ថានធនាគារ និងហិរញ្ញវត្ថុក្នុងស្រុកទាំងអស់ផ្អាកការបែងចែកភាគលាភនោះ លោក លោក ព្រំ វិសុទ្ធបានបង្ហាញសុទិដ្ឋិនិយមថា នឹងមិនមានការប៉ះពាល់ដល់ទំនុកចិត្តរបស់វិនិយោគគិនក្នុងផ្សារភាគហ៊ុនរយៈពេលវែងនោះទេ។
សូមទស្សនាសេចក្តីរាយការណ៍បន្ថែមខាងក្រោមនេះ៖
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
