កម្ពុជាសម្រេចអនុម័តគម្រោងវិនិយោគផលិតម៉ាស ខណៈទីផ្សារម៉ាសកំពុងកើនឡើងខ្លាំង
ក្រុមប្រឹក្សាអភិវឌ្ឍន៍កម្ពុជាសម្រេចអនុម័តយល់ព្រមលើគម្រោងវិនិយោគបង្កើតរោងចក្រផលិតកាបូប និងម៉ាសគ្រប់ប្រភេទឲ្យក្រុមហ៊ុន HK BURLTEX MANUFACTO…
កាលពីសប្ដាហ៍មុន លោក ស៊្ហីមូរ៉ា ត្រូវបានប្រកាសថា ជាឥស្សរជនក្នុងវិស័យកម្សាន្តដំបូងគេហើយ ដែលឆ្លងវីរុសកូវីដ១៩។ ក្រុមហ៊ុនរបស់លោក បានប្រកាសជាផ្លូវការ នៅថ្ងៃចន្ទនេះ ថា លោក ស៊្ហីមូរ៉ា ស្លាប់ដោយសារជំងឺដែលគេស្គាត់ថា ជា កូវីដ១៩។
តារាកំប្លែងជើងចាស់រូបនេះ បានត្រូវគេបញ្ជូនទៅព្យាបាលនៅមន្ទីរពេទ្យ កាលពីថ្ងៃទី២០ មីនា បន្ទាប់មានអាការៈក្ដៅខ្លួន ហើយក្រោយមក នៅថ្ងៃទី២៣ មីនា លោកត្រូវគេធ្វើតេស្តរកឃើញថា វិជ្ជមានវីរុសកូវីដ១៩ និងបានក្លាយជាតារាក្នុងវិស័យកម្សាន្តដំបូងគេបង្អស់ហើយ ដែលឆ្លងវីរុសកាចសាហាវនេះ។
តំណាងក្រុមហ៊ុនរបស់លោក ស៊្ហីមូរ៉ា បាននិយាយថា "ខ្ញុំគិតថា គាត់មិននឹកស្រមៃដល់សោះ ថា ខ្លួនគាត់នឹងស្លាប់ដោយបែបនេះ។ គាត់តែងតែខំប្រឹងធ្វើការ ដោយស្មារតីហ្មត់ចត់នឹងបេសកកម្មក្នុងការធ្វើឲ្យទស្សនិកជនផ្ទុះសំណើច"។
ដំណឹងមរណភាពរបស់តារាកំប្លែងដ៏ល្បីរបស់ជប៉ុនរូបនេះ ក៏ត្រូវបានសារព័ត៌មានធំៗជាច្រើន នៅទូទាំងពិភពលោក ចុះផ្សាយផងដែរ៕
