ផ្សារទំនើប Parkson នៅវៀតណាមបិទ៤សាខាហើយ! ខណៈសាខាទី១នៅកម្ពុជាមិនទាន់បើកនៅឡើយ!
សាខាផ្សារទំនើប Parkson ជាច្រើនកន្លែង នៅវៀតណាម ត្រូវបានបិទទ្វារជាបណ្ដើរៗហើយ ជាក់ស្ដែង កាលពីពេលថ្មីនេះៗ ការបិទទ្វារផ្ស…
ចង្ក្រងស្វា ជាឈ្មោះផ្កាមួយប្រភេទដែលផ្តល់ជីជាតិសម្រាប់ដីកសិកម្ម ប៉ុន្តែ ទន្ទឹមនឹងអត្ថប្រយោជន៍លើវិស័យកសិកម្ម ចម្ការផ្កានេះបានក្លាយជាកន្លែងទេសចរណ៍ធម្មជាតិដ៏ពេញនិយមមួយនៅខត្តបាត់ដំបង។
អ្នកស្រី សុខណា ម្ចាស់ចម្ការចង្ក្រងស្វា បានប្រាប់ ខេមបូណូមីស ថា អ្នកស្រីបានដាំផ្កាលើផ្ទៃដីចំនួន៣ហិកតា ដើម្បីយកគ្រាប់ពូជលក់ និងធ្វើឲ្យដីមានជីជាតិល្អ ដោយមិននឹកស្មានថា មានភ្ញៀវទេសចរចូលចិត្តផ្កាទាំងនេះសោះឡើយ។
អ្នកស្រីបញ្ជាក់យ៉ាងដូច្នេះថា៖ «គេចូលលេង១០ថ្ងៃមកហើយ ទើបខ្ញុំបានដឹង។ ដំបូង ខ្ញុំអត់យកលុយទេ ប៉ុន្តែ ពួកគេចូលមកថតច្រើនពេក ជាន់ដើមផ្កាខ្ញុំ ដែលត្រៀមនឹងប្រមូលផល ខ្ញុំក៏គិតម្នាក់៥០០រៀល។ ថ្ងៃនេះ ខ្ញុំអត់ដឹងបានប៉ុន្មាន តែម្សិលមិញ ប្រមូលលុយពីភ្ញៀវបាន ៨០ម៉ឺនរៀល»។
