ក្រុមហ៊ុន Foxconn និង Vedanta បានព្រមព្រៀងគ្នាបង្កើតក្រុមហ៊ុនបណ្តាក់ទុនរួមគ្នាមួយសម្រាប់គម្រោងនេះ ដោយក្រុមហ៊ុន Foxconn នឹងវិនិយោគក្នុងទឹកប្រាក់ចំនួនប្រមាណជិត ១២០ លានដុល្លារ និងកាន់កាប់ភាគហ៊ុន ៤០%។ ប្រធានក្រុមប្រឹក្សាភិបាលក្រុមហ៊ុន Vedanta លោក Anil Agarwal នឹងក្លាយជាប្រធានក្រុមប្រឹក្សាភិបាលក្រុមហ៊ុនបណ្តាក់ទុននេះ ហើយក៏មានគោលដៅបំពេញតម្រូវការដ៏ធំក្នុងឧស្សាហកម្មអេឡិចត្រូនិកក្នុងស្រុករបស់ឥណ្ឌាផងដែរ។
ក្រុមហ៊ុន Vedanta គឺជាក្រុមហ៊ុនផលិតអាលុយមីញ៉ូមដ៏ធំបំផុតរបស់ប្រទេសឥណ្ឌា និងជាអ្នកផ្គត់ផ្គង់ប្រេង និងឧស្ម័នឈានមុខគេ ព្រមទាំងមានវិនិយោគនៅក្នុងវិស័យទូរគមនាគមន៍ផងដែរ ។
ទន្ទឹមនឹងនេះ Foxconn បាននិយាយនៅក្នុងសេចក្តីថ្លែងការណ៍មួយថា "ការបណ្តាក់ទុនរួមគ្នាជាលើកដំបូងរវាងក្រុមហ៊ុនទាំងពីរនេះនឹងគាំទ្រដល់ចក្ខុវិស័យរបស់នាយករដ្ឋមន្ត្រីឥណ្ឌា លោក Narendra Modi ក្នុងការបង្កើតប្រព័ន្ធអេកូឡូស៊ីសម្រាប់ការផលិតបន្ទះឈីប នៅក្នុងប្រទេសឥណ្ឌាផងដែរ ។
អត្ថបទគួរអាន
ក្រុមហ៊ុន Foxconn ត្រូវបានគេមើលឃើញថា ជាក្រុមហ៊ុនផលិតបច្ចេកវិទ្យាដ៏ធំដំបូងគេ ដែលអាចគាំទ្រយុទ្ធនាការ "ផលិតក្នុងប្រទេសឥណ្ឌា" របស់លោក Modi សម្រាប់ការជំរុញការផលិតក្នុងស្រុក ក្នុងការកសាងមជ្ឈមណ្ឌលផលិតកម្មជាច្រើននៅក្នុងប្រទេស។
គួរបញ្ចាក់ថា ប្រទេសឥណ្ឌាបានចូលរួមជាមួយបណ្តាប្រទេសជាច្រើនក្នុងការបង្កើត និង ពង្រឹងខ្សែច ង្វាក់ផ្គត់ផ្គង់បន្ទះឈីបផ្ទាល់ខ្លួននៅក្នុងប្រទេស បន្ទាប់ពីមានបញ្ហាកង្វះខាតបន្ទះឈីបសកលដែលមិនធ្លាប់មានពីមុនមក ហើយវាបានវាយប្រហារលើឧស្សាហកម្មជាច្រើន ដូចជា ការផលិតស្មាតហ្វូន កុំព្យូទ័រ និង រថយន្តជាដើម។ ប្រទេសឥណ្ឌាបានអនុម័តកញ្ចប់ថវិកាសម្រាប់លើកទឹកចិត្តដល់ការវិនិយោគរោងចក្រនៅក្នុងស្រុក ដែលមានទំហំទឹកប្រាក់ជិត ១០ ពាន់លានដុល្លារ ដើម្បីជំរុញការផលិតបន្ទះឈីប និងបន្ទះអេក្រង់ក្នុងស្រុក។
ទាក់ទងនឹងការផលិតបន្ទះឈីបនេះដែរ នៅសហភាពអឺរ៉ុប និងអាមេរិក ក៏មានការណែនាំនូវផែនការវិធានគាំទ្រស្រដៀងគ្នាដែរ។ តួយ៉ាង សភាពអឺរ៉ុបថ្មីៗនេះបានបង្ហាញពីគម្រោងកញ្ចប់ថវិកាជិត៥ពាន់លានដុល្លារ ដើម្បីជំរុញការអភិវឌ្ឍខ្សែចង្វាក់ផ្គង់ផ្គង់បន្ទះឈីបនៅក្នុងសហភាពអឺរ៉ុប៕
អត្ថបទ វ៉ាន់ ស្រីរ័ត្ន
None
