ក្រុមហ៊ុន VESPA ប្រកាសជ្រើសរើសតំណាងចែកចាយទូទាំងប្រទេសកម្ពុជា
ភ្នំពេញ ៖ ក្រុមហ៊ុន Vespa ដែលជាប្រ៊ែនម៉ូតូស្កូតឺលំដាប់ប្រណីតដ៏ល្បីល្បាញរបស់ប្រទេសអ៊ីតាលី បានប្រកាសជាផ្លូវការនូវយុទ្ធសាស្ត្រពង្រីកទីផ្សារទូទ…
បើយោងតាមការចេញផ្សាយដោយទីភ្នាក់ងារព័ត៌មាន Reuters បណ្តាប្រទេសលោកខាងលិចកំពុងប្រណាំងប្រជែងគ្នាយ៉ាងក្តៅគគុក ក្នុងការធ្វើពិពិធកម្មប្រភពផ្គត់ផ្គង់លោហៈ និងរ៉ែកម្រ ដែលជាវត្ថុធាតុដើមយុទ្ធសាស្ត្រមិនអាចខ្វះបានសម្រាប់វិស័យការពារជាតិ បច្ចេកវិទ្យាជាន់ខ្ពស់ និងថាមពលកកើតឡើងវិញ។ កាលពីឆ្នាំមុនទីក្រុងប៉េកាំង បានធ្វើឱ្យខ្សែច្រវាក់ផលិតកម្មសកលរង្គោះរង្គើយ៉ាងខ្លាំង តាមរយៈការរឹតបន្តឹងការនាំចេញមេដែក ដែលបានស្តែងឱ្យឃើញពីហានិភ័យដ៏ស្មុគស្មាញនៃការសេពគប់លើប្រភពផ្គត់ផ្គង់តែមួយ។
ដើម្បីឆ្លើយតបនឹងបញ្ហានេះ ក្រុម G7 បានកំណត់គោលដៅទម្លាក់ការនាំចូលរ៉ែកម្រ និងមេដែកពីខាងក្រៅប្លុកឱ្យមកនៅក្រោម ៦០% ត្រឹមឆ្នាំ២០៣០ និងបន្តរុញទម្លាក់ឱ្យដល់៥០% ឱ្យបានឆាប់បំផុត។ ក្នុងជំហានដំបូង ពួកគេនឹងសាកល្បងលើរ៉ែយុទ្ធសាស្ត្រចំនួន២ប្រភេទ គឺលីចូម និងនីកែល។ ទោះជាយ៉ាងណា ក្រុមអ្នកវិភាគមើលឃើញថា គោលដៅនេះជារឿងដ៏លំបាក ដ្បិតបច្ចុប្បន្នប្រទេសចិនកំពុងតែក្ដោបក្ដាប់ផលិតកម្មកែច្នៃរ៉ែកម្រ និងផលិតកម្មមេដែកពិភពលោករហូតដល់ទៅ៩០% នៃទិន្នផលសរុបទៅហើយ។
ទន្ទឹមនឹងការបង្កើតវេទិការួមជាមួយស្ថាប័ន IEA ដើម្បីតាមដានទីផ្សារ ក្រុម G7 ក៏បានប្តេជ្ញាចិត្តបង្កើនការស្តុកទុកនៅក្នុងប្រទេសរៀងៗខ្លួន។ ជាក់ស្តែងសហរដ្ឋអាម៉េរិក បានដាក់ឱ្យដំណើរការទុនបម្រុងរ៉ែកម្រតម្លៃ១២ពាន់លានដុល្លារ ចំណែកឯសហភាពអឺរ៉ុប ក៏បានគ្រោងទុករួចជាស្រេចនូវរ៉ែកម្រ ទុងស្តេន និងហ្គាលីញ៉ូម សម្រាប់ការស្តុករួមគ្នាជាប្រវត្តិសាស្ត្រលើកដំបូង។ ក្រៅពីនេះ ក្រុម G7 ក៏បានសន្យារួមគ្នាបង្កើនសមត្ថភាពកែច្នៃរ៉ែកម្រឡើងវិញឱ្យបានកាន់តែច្រើន ដើម្បីឆ្លើយតបនឹងសម្ទុះតម្រូវការចាប់ពីឆ្នាំ២០៣០ តទៅផងដែរ៕
អត្ថបទៈ សួន ឡង់ទី
