VinSmart គ្រោងនឹងចេញម៉ូដែលចំនួន ៥ ជាជំហានដំបូង ដែលមាន Resolution 4K និងមានកម្មវិធី Google Assistant ជាភាសាវៀតណាម នៅខែក្រោយ។
ទូរទស្សន៍ដែលបំពាក់ប្រព័ន្ធសំឡេង Dolby នឹងផលិតនៅក្នុងឧទ្យានឧស្សាហកម្ម Hoa Lac នៅក្នុងទីក្រុងហាណូយ។
លោក Le Mai Tuyet Trinh នាយករងក្រុមហ៊ុន Vingroup បាននិយាយនៅក្នុងសេចក្តីថ្លែងការណ៍មួយ ថា បន្ទាប់ពីក្រុមហ៊ុន Google, VinSmart នឹងស្វែងរកដៃគូអន្តរជាតិបន្ថែមទៀត ដើម្បីអភិវឌ្ឍផលិតផលវៃឆ្លាតច្រើនទៀត ស្របតាមស្តង់ដារពិភពលោក ក្រោមស្លាកយីហោរបស់វៀតណាម។
អត្ថបទទាក់ទង
អ្នកជំនាញបច្ចេកវិទ្យា បាននិយាយថា ទូរទស្សន៍ VinSmart នឹងមានការលំបាកខ្លាំងក្នុងការប្រកួតប្រជែងជាមួយផលិតផលគុណភាពខ្ពស់ របស់ Samsung និង LG ។ ប៉ុន្តែ លោកថា ក្រុមហ៊ុនវៀតណាមគួរផ្តោតលើផលិតផលតម្លៃសមរម្យ ជាការល្អជាង។
VinSmart ដែលត្រូវបានបង្កើតឡើង ក្នុងខែមិថុនា ឆ្នាំមុន បានផលិតទូរស័ព្ទស្មាតហ្វូនចំនួន ៨ម៉ូដែល រួចហើយ និងបាននាំចេញទៅប្រទេសអេស្ប៉ាញ, មីយ៉ាន់ម៉ា និងរុស្ស៊ី។
ក្រុមហ៊ុននេះបានប្រកាស កាលពីខែឧសភា ថា ខ្លួនមានផែនការពង្រីកទៅប្រទេសឥណ្ឌា, ថៃ, ឡាវ និង កម្ពុជា នៅឆ្នាំនេះផងដែរ និងថា ក្រុមហ៊ុនកំពុងសម្លឹងមើលទៅលើការផលិតផលិតផលម៉ាស៊ីនត្រជាក់ និងទូទឹកកក៕
