នៅក្នុងសំណេរដដែលបានបញ្ជាក់ទៀតថា នៅក្នុងដំណាក់កាលដែលកម្ពុជាកំពុងប្រយុទ្ឋប្រឆាំងនឹងជំងឺកូវីដ-១៩ ពេលនេះ រាជរដ្ឋាភិបាលបានផ្អាកការនាំចេញអង្ករស និង ត្រី ទៅក្រៅប្រទេស ដើម្បីឲ្យផលិតផលទាំងនេះកាន់តែសំបូរ និងងាយស្រួលរកទិញ ជាមួយតម្លៃធម្មតានៅទូទាំងប្រទេស។ ប៉ុន្តែ ចំពោះអង្ករក្រអូប ដែលមានកុងត្រានាំចេញទៅប្រទេសចិនជាមិត្តគឺនៅដំណើរការធម្មតា។ ក្រៅពីអង្ករ និងត្រី ហើយនោះ សម្តេចតេជោ បានឲ្យត្រៀមអំបិល និងត្រៀមរោងចក្រផលិតមី និផលិតទឹកសុទ្ធដបសម្រាប់ជួយប្រជាពលរដ្ឋផងដែរ។
គួររម្លឹកថា កាលពីពេលកន្លងទៅនេះ នៅលើគេហទំព័ររបស់សម្តេចតេជោ ក៏ធ្លាប់ចេញផ្សាយដែរថា កម្ពុជាបានត្រៀមរោងចក្រផលិតម៉ាសខ្លួនឯងហើយ ដែលអាចផលិតម៉ាសបាន១,២ លានម៉ាស។ សម្តេច ហ៊ុន ប្រកាសទៀតថា កម្ពុជាត្រៀមរោងចក្រក្នុងស្រុកមួយទៀតសម្រាប់ផលិតទឹកអាល់កុលសម្លាប់មេរោគ (SKD) ដែលបម្រុងសម្រាប់ជូនប្រជាពលរដ្ឋផង និងសម្រាប់ពេទ្យផង គឺជាង៥ពាន់លីត្រ ថែមទៀតផង។
អត្ថបទទាក់ទង
នៅក្នុងនោះដែរ កម្ពុជាក៏មានរោងចក្រក្នុងស្រុក២ទៀត គឺនៅខេត្តកំពង់ចាម និងខេត្តស្វាយរៀង ដែលសម្រាប់ផលិតសម្ភារៈពេទ្យដូចជា ខោ អាវ មួក ខណៈដែលសម្ភារៈមួយចំនួនទៀត ដែលមិនអាចផលិតបាន គឺនឹងនៅតែបន្តនាំមកពីក្រៅប្រទេសដដែល។ ទោះបីមានសម្ភារៈបរិក្ខារពេទ្យមួយចំនួនត្រូវបាននាំចូលពីក្រៅប្រទេសពេញឃ្លាំងក៏ពិតមែន តែរាជរដ្ឋាភិបាលបញ្ជាក់ថា កម្ពុជាក៏ត្រូវតែត្រៀមរោងចក្រក្នុងស្រុកសម្រាប់ផលិតសម្ភារៈ និងបរិក្ខារពេទ្យមួយចំនួនសម្រាប់ផ្គត់ផ្គង់តម្រូវការរបស់ប្រទេសផងដែរ។មួយវិញទៀត សម្ភារៈពេទ្យមួយចំនួនធំរួមទាំងថ្នាំពេទ្យ ក៏ត្រូវបានរៀបចូលស្តុកក្នុងឃ្លាំងរួចរាល់អស់ហើយ៕
None
