បន្ទាប់ពីមើលឃើញពីសក្ដានុពលនៃតម្រូវការទីផ្សារបច្ចុប្បន្ន និងអនាគត ក្រុមហ៊ុនយក្ស ជីប ម៉ុង លែន ដែលជាអ្នកអភិវឌ្ឍន៍គម្រោងអភិវឌ្ឍន៍ចម្រុះGrand Phnom Penh City បានប្រកាសបើកលក់គម្រោងលំនៅដ្ឋានដ៏ថ្មីសន្លាងបន្ថែមទៀត គឺ Twin SE វីឡាភ្លោះ Special Edition។ គម្រោងផ្ទះវីឡា ភ្លោះ Twin SE ដែលស្ថិតក្នុង គម្រោងអភិវឌ្ឍន៍ចម្រុះ Grand Phnom Penh City នេះ នឹងបើកកម្មវិធីលក់រយៈពេល ២ថ្ងៃប៉ុណ្ណោះ គឺនៅថ្ងៃទី ១១-១២ ខែមករាខាងមុខ ដែលទីតាំងកម្មវិធី ធ្វើឡើងនៅក្នុងផ្ទះ គំរូ វីឡាឃីង ក្នុងគម្រោង ហ្គ្រេនភ្នំពេញស៊ីធីផ្ទាល់តែម្តង។
គម្រោងអភិវឌ្ឍន៍ចម្រុះ Grand Phnom Penh City ត្រូវបានអភិវឌ្ឍឡើង ជាមួយការគិតគូរយ៉ាងយកចិត្តទុកដាក់ខ្ពស់ សម្រាប់ការរស់នៅក្នុងសហគមន៍មួយទំនើបស៊ីវិល័យ។ ជាក់ស្ដែង នៅក្នុងគម្រោងដ៏សម្បើមមួយនេះ មានទីលានវាយកូនហ្គោលស្ដង់ដារអន្តរជាតិ ១៨ឡូ ដែលផ្ដល់នូវបរិយាកាសកាន់តែពិសេស និងពោរពេញដោយធម្មជាតិវាលស្មៅបៃតងដ៏ស្រស់បំព្រង។
បន្ថែមពីនេះ មានសួនឧទ្យាន Central Park ដល់ទៅ ៣ បាននិងកំពុងដាក់ឲ្យដំណើរការ ជាមួយមុខងារពិសេសជាច្រើន ដូចជា កន្លែងហាត់ប្រាណ ហាត់យូហ្គា កន្លែងក្មេងលេង និងទីធ្លាសម្រាប់ជួបជុំ និងដើរលំហែរកាយជាដើម។
គម្រោងអភិវឌ្ឍន៍ចម្រុះ Grand Phnom Penh City ត្រូវបានអភិវឌ្ឍលើដោយ ក្រុមហ៊ុន ជីប ម៉ុង លែន ដែលជាក្រុមហ៊ុនវិនិយោគ ១០០% ដោយសហគ្រិនខ្មែរ បានប្រើប្រាស់វិស្វករជំនាញនៅក្នុងស្រុកផ្ទាល់ ដើម្បីរៀបចំប្លង់មេ សម្រាប់ការអភិវឌ្ឍទីក្រុងរណបមួយនេះឲ្យកាន់តែប្រសើរឡើង ព្រមទាំងបានអភិវឌ្ឍបន្ថែមនូវហេដ្ឋារចនាសម្ព័ន្ធ និងគម្រោងលំនៅដ្ឋានទំនើបថ្មីៗជាច្រើនផងដែរ៕
