អត្ថបទក្រុមហ៊ុន

ក្រុមហ៊ុន HEINEKEN CAMBODIA ឈ្នះពានរង្វាន់ផ្នែកបរិស្ថានពីសភាពាណិជ្ជកម្មអឺរ៉ុបនៅកម្ពុជា (EUROCHAM)


ក្រុមហ៊ុន HEINEKEN Cambodia ត្រូវបានទទួលស្គាល់ថាជាក្រុមហ៊ុនដែលបានចូលរួមចំណែកដ៏ធំចំពោះការអភិរក្សបរិស្ថានកម្ពុជា តាមរយៈការឈ្នះពានរង្វាន់ពីកម្មវិធី Cambodia Eurocham CSR Awards 2021 ដ៏មានកិត្យានុភាព។
ក្រុមហ៊ុន HEINEKEN CAMBODIA ឈ្នះពានរង្វាន់ផ្នែកបរិស្ថានពីសភាពាណិជ្ជកម្មអឺរ៉ុបនៅកម្ពុជា (EUROCHAM)
ដោយ

ក្រុមហ៊ុន HEINEKEN Cambodia បាន​ឈ្នះ​ក្រុមហ៊ុន​​ក្នុង​​ស្រុកដែល​ចូលរួម​ប្រកួត​ប្រជែង​​​​ផ្សេង​ទៀត​​ ដើម្បីទទួល​បាន​​ពាន​រង្វាន់​ផ្នែកបរិស្ថាន​ Eurocham CSR Environmental Award ដែល​ក្នុង​ប្រភេទ​ពាន​រង្វាន់នេះ​មាន​ការ​ចូលរួម​ប្រកួត​ប្រជែង​ពី​ក្រុមហ៊ុន​ជាច្រើន​​រួមទាំង​សណ្ឋាគារ Sofitel និង​ក្រុមហ៊ុន Total Energies ផងដែរ។

ក្រុមហ៊ុន​ HEINEKEN Cambodia ក៏​ជា​បេក្ខភាពមួយ​​​​ក្នុងការ​​​​ប្រកួត​ប្រជែង​យក​ពាន​រង្វាន់​​​ក្នុង​ប្រភេទ CSR Project និង CSR Busines ​នៅក្នុង​កម្ម​​វិធី​ពាន​រង្វាន់​ Eurocham Cambodia CSR Awards នេះ​ផងដែរ។ ពាន​រង្វាន់ទាំង​នេះ​​បា​នទទួល​ស្គាល់​​​ក្រុមហ៊ុន​​ដែលមានមូលដ្ឋាននៅ​​កម្ពុជា​​ដោយ​សារ​ការ​ចូលរួមចំណែក​របស់​ក្រុមហ៊ុនទាំង​នោះ​ចំពោះ​សង្គម​ជាតិ និងបរិស្ថាន​តាម​រយៈ​គំនិត​ផ្តួច​​ផ្តើម​​ទំនួល​ខុស​ត្រូវសង្គមរបស់​​ពួកគេ។

នៅក្នុង​ពេល​ទទួល​ពាន​រង្វាន់ លោកស្រី Anne Ollivier នាយក​​ផ្នែក​កិច្ចការ​សាជីវកម្ម​របស់​ក្រុមហ៊ុន HEINEKEN Cambodia បានថ្លែងថា៖ «ក្រុមហ៊ុន HEINEKEN Cambodia របស់​យើង​មាន​​កិត្តិយស​ដែល​បានក្លាយជា​ក្រុមហ៊ុន​មួយក្នុង​ចំណោម​​​ក្រុមហ៊ុន​មាន​តិក្យានុភាព​នានា ដែល​បានធ្វើកិច្ចការ​ជា​ច្រើន​​​​ក្នុង​សកម្មភាព​​ទំនួលខុសត្រូវសង្គមរបស់ក្រុមហ៊ុន (CSR) នៅ​កម្ពុជា។ ជាមួយ​នឹង​មហិច្ឆិតា​របស់​យើង​​ដើម្បី​ “ចូលរួមអភិវឌ្ឍពិភពលោកដ៏ល្អប្រសើរ” CSR មាន​សារៈ​សំខាន់​​ចំពោះ​ដំណើរការ​​អាជីវកម្ម​របស់​យើង។ ការការ​ពារ​បរិស្ថាន​គឺជា​សសរស្តម្ភ​មួយ​ក្នុង​ចំណោមសសរស្តម្ភទាំង​៣ ​របស់​យើង ដែល​សសរស្តម្ភ ​២​ទៀត គឺ​ការចូលរួមកិច្ចការសង្គម និង​ការ​ពិសាដោយ​ការ​ទទួលខុសត្រូវ។ ការ​សម្រេច​បាន​អព្យា​ក្រិត​​ភាព​កាបូន ការការពារទីជម្រាលទឹក និង​ការ​កែច្នៃ​ប្រើប្រាស់​ឡើង​វិញ​គឺជា​ឆ្អឹង​ខ្នង​នៃ​មហិច្ឆិតា​បរិស្ថាន​​របស់​យើង។ ពាន​រង្វាន់​នៅ​យប់​នេះ​គឺជា​ការ​ទទួល​ស្គាល់​ដ៏​អស្ចារ្យ​ចំពោះ​សមិទ្ធផល​​របស់​យើង​ក្នុង​​រយៈ​ពេល​​មួយ​ទសវត្សរ៍​ចុងក្រោយនេះ និង​ការ​ប្តេជ្ញាចិត្ត​ដ៏​មោះ​មុត​​របស់​យើង​​សម្រាប់​អនាគត។ ខ្ញុំ​ចង់​ឆ្លៀត​ឱកាស​នៅ​យប់​នេះ​ ដើម្បី​ថ្លែ​ង​អំណរ​គុណ​ដល់​សហការី​ទាំ​ង​អស់​នៅក្នុង​ក្រុមហ៊ុន HEINEKEN Cambodia ដែល​បាន​ជួយ​ធ្វើ​ឱ្យ​កិច្ចការ​ដ៏​អស្ចារ្យ​នេះឱ្យលេច​ចេញ​ជា​រូបរាង​ឡើង។ ខ្ញុំ​ក៏​សូម​ថ្លែង​អំណរ​គុណ​ផង​ដែរ​ដល់​ Eurocham  ដែល​បានរៀបចំ​ការ​ប្រកួត​ប្រជែង​នេះ​ឡើង និង​បាន​​បង្ហាញ​សារៈ​សំខាន់​នៃ CSR»។

ពាន​រង្វាន់ Eurocham CSR Awards មាន​ប្រភេទ​ CSR Business Award ប្រភេទ​ CSR Project Award ប្រភេទ ​CSR Environmental Award និងប្រភេទ​ CSR Sustainable​​​ Production Award។ ពិធី​ប្រកាស​អ្នក​ឈ្នះ និង​ប្រគល់​ពាន​រង្វាន់​ទាំង​នេះ​ត្រូវ​បាន​ប្រារព្វ​ធ្វើឡើង​ក្រោម​អធិបតី​ភាព​របស់​ឯក​ឧត្តម​ ប៉ាន សូរស័ក្តិ រដ្ឋមន្ត្រី​ក្រសួង​ពាណិជ្ជកម្ម ឯក​ឧត្តម សុខ ចិន្តា​សោភា រដ្ឋមន្រ្តីប្រតិភូអមនាយករដ្ឋមន្ត្រី និង​ជា​អគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC) លោក​ជំទាវ Carmen Moreno ឯក​អគ្គរដ្ឋ​ទូត​សហ​ភាព​​អឺរ៉ុប​ប្រចាំ​កម្ពុជា និង​លោក Tassilo Brinzer ប្រធាន​សភា​ពាណិជ្ជកម្ម​អឺរ៉ុប​ប្រចាំ​នៅ​កម្ពុជា។

អ្នកឈ្នះ​ពាន​រង្វាន់​ក្នុង​ប្រភេទ​នីមួយៗ​ត្រូវបានជ្រើស​រើស​​ដោយ​​​គណៈកម្មការ​ឯករាជ្យ​ដែល​មាន​សមាជិក ១២​នាក់​ ​ដែល​ទទួលបានការ​គោរព និងមានបទ​ពិសោធការងារច្រើន​ឆ្នាំ។ សមាជិក​គណៈ​កម្មការ​ទាំង​នេះ​មក​ពី​​​វិស័យ​ឯកជន ដៃគូ​អភិវឌ្ឍន៍​អន្តរជាតិ និង​វិស័យ​អប់រំ។

ក្រុមហ៊ុន HEINEKEN Cambodia បច្ចុប្បន្ន​មាន​បុគ្គលិក​ជិត ៧០០​នាក់​ និង​ផ្ដល់​ការងារ​ជូន​ប្រជាជន​កម្ពុជា ១២០,០០០​​នាក់ ដែល​ប្រកប​ការងារ​ជា​ផ្នែក​មួយ​នៃ​បណ្ដាញ​អាជីវកម្ម​របស់​ក្រុមហ៊ុន ពោល​គឺ​រាប់​ចាប់​ពី​កសិករ​ដាំដុះ​​ស្រូវ រហូត​ដល់​អាជីវករ​លក់​ដូរ​ភេសជ្ជៈនៅ​តាម​ហាង​នានា។

បច្ចុប្បន្ន ក្រុមហ៊ុន HEINEKEN Cambodia ​ផលិត​ស្រាបៀរ​ចំនួន ៥ម៉ាក​ក្នុង​ប្រទេស​កម្ពុជា ដោយ​គោរព​​តាម​បទដ្ឋាន​​គុណភាព​ខ្ពស់បំផុត ដែល​បម្រើ​ជូនអតិថិជន​នូវ​​គ្រប់​រសជាតិ។ ផលិត​ចេញពី​គ្រឿង​ផ្សំ​ធម្មជាតិ ១០០% ពីរោងចក្រ​ក្នុងស្រុក ផលិតផល​ស្រាបៀរ​របស់ក្រុមហ៊ុន HEINEKEN (Cambodia) នៅ​កម្ពុជា ​រួមមាន​ស្រាបៀរ Heineken ​ស្រាបៀរ ABC ​ស្រាបៀរ Tiger ​និង​ Tiger Crystal ស្រាបៀរ Anchor និង Anchor White ​ និង​​ស្រាបៀរ Gold Crown៕

© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


រកឯណាបាន! ខុនដូតម្លៃជាង4ម៉ឺនដុល្លារ អាចរំលស់ 100% និងផ្ដល់ជូនគ្រឿងសង្ហារិមមួយកំផ្លេ!

ព័ត៌មាន
គម្រោងខុនដូ ដឹស្តា ប៉ូឡារីស ២៣ របស់បុរី ប៉េង ហួត ដែលមានទីតាំងស្ថិតនៅក្នុងខណ្ឌច្បារអំពៅគ្រោងនឹងបញ្ចប់ការសាងសង់ក្នុងពេលឆាប់ៗនេះ ព្រមជា...

តើការនាំចេញពីកម្ពុជាទៅជប៉ុនសម្រេចបានលទ្ធផលអ្វីខ្លះក្នុងវិបត្តិកូវីដ១៩ នៅក្នុង១០ខែឆ្នាំនេះ?

ព័ត៌មាន
ការនាំចេញទំនិញរបស់កម្ពុជាទៅកាន់ទីផ្សារជប៉ុននៅតែធ្វើបានល្អ នៅរយៈពេលជិត១ឆ្នាំកន្លងមកនេះ បើទោះបីជាមានវិបត្តិកូវីដ១៩មករំខានយ៉ាងណាក្ដី។...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ