ប្រទេសកាតាត្រូវបានសភាអឺរ៉ុបផ្អាកលែងឲ្យមានទំនាក់ទំនងជាមួយសភាអឺរ៉ុប ក្រោយមានរឿងអាស្រូវពុករលួយធ្ងន់ធ្ងរ
សមាជិកសភាអ៊ឺរ៉ុបកាលពីថ្ងៃព្រហស្បតិ៍ ទី១៤ ធ្នូ បានបោះឆ្នោតដើម្បីផ្អាកតំណាងកាតាចូលទៅកាន់បរិវេណប្រជុំនៃសភាអឺរ៉ុប បន្ទាប់ពីប្រទេសឈូងសមុទ្រម…
ការសិក្សានេះបានចង្អុលបង្ហាញទៅរកការធ្លាក់ចុះតម្លៃផ្ទះនៅអាស៊ីចាប់ពីទីក្រុងហុងកុងរហូតដល់ម៉ាឡេស៊ីបន្ទាប់ពីបានកើនឡើងខ្លាំងកាលពីមុនពេលមានផ្ទុះរាតត្បាតនៃជំងឺកូវីដ១៩។ កត្តានេះអាចនាំឱ្យមានការកែតម្រូវជាថ្មី ខណៈដែលការធ្លាក់ចុះសេដ្ឋកិច្ចកំពុងតែលេចរូបរាងឡើងស្ទុងៗ។
បន្ថែមពីលើហានិភ័យនៃការកែតម្រូវសំខាន់ៗតាមទីផ្សារមួយចំនួននោះ ការកើនឡើងតម្លៃផ្ទះនៅបណ្តាប្រទេសអាស៊ីប៉ាស៊ីហ្វិកជាច្រើនកាលពីពេលកន្លងទៅ បានបង្កើនកង្វល់ពីលទ្ធភាពទិញផ្ទះផងដែរ។ របាយការណ៍នេះបានគូសបញ្ជាក់ថា នៅឆ្នាំ២០២១ នៅប្រទេសកូរ៉េខាងត្បូង ជាឧទាហរណ៍ តម្លៃផ្ទះបានកើនឡើងប្រហែល ២០% ដោយសារតែអតិផរណាកើនឡើង។
ក្នុងរយៈពេលដូចគ្នានេះដែរ ប្រទេសជប៉ុន និងសិង្ហបុរីបានកើនឡើងប្រហែល ១០% ខណៈដែលប្រទេសចិន និងថៃបានកើនឡើងតម្លៃផ្ទះប្រហែល ៥% នៅមុនពេលមានសញ្ញាបន្ធូរបន្ថយតម្លៃនៅផ្នែកខ្លះនៅតំបន់អាស៊ីនៅឆ្នាំនេះ។ ការដកចេញនូវគោនយោបាយជំរុញកំណើនផ្នែករូបិយវត្ថុ នៅចំពេលមានអតិផរណាខ្ពស់នោះ ក៏កំពុងដាក់បន្ទុកទៅលើតម្លៃផ្ទះផងដែរ។
របាយការណ៍នេះបានកត់សម្គាល់ថា លក្ខខណ្ឌហិរញ្ញវត្ថុកាន់តែតឹងតែងកំពុងបង្កើនចំណាយលើការខ្ចីប្រាក់កាន់តែខ្លាំង ដូច្នេះហើយតម្រូវការទិញផ្ទះបានចាប់ផ្តើមធ្លាក់ចុះ ដោយសារមានការកែតម្រូវទីផ្សារ ដែលកំពុងដំណើរការរួចហើយ នៅប្រទេសសេដ្ឋកិច្ចមួយចំនួន។ អត្រាការប្រាក់សម្រាប់កម្ចីយកទៅទិញផ្ទះគ្រោងនឹងឡើងបន្ថែមទៀត ដោយធនាគារកណ្តាលអាមេរិកបានដំឡើងអត្រាការប្រាក់០,៥% នៅក្នុងសប្តាហ៍នេះ។
ធនាគារកណ្តាលរបស់អាមេរិកបានររឹតបន្តឹងរូបិយវត្ថុនៅក្នុងពិភពលោកដោយបានដំឡើងអត្រាការប្រាក់៣ត្រីមាសជាប់គ្នា នៅដើមឆ្នាំនេះ ដើម្បីព្យាយាមទប់ទល់អតិផរណាកើនឡើងយ៉ាងខ្លាំង ខណៈដែលសេដ្ឋកិច្ចបានបើកចំហជាមួយការធូរស្បើយនៃជំងឺកូវីដ និងការឈ្លានពានរបស់រុស្ស៊ីលើអ៊ុយក្រែនបានជំរុញឱ្យតម្លៃស្បៀងអាហារ និងថាមពលកើនឡើង។
ធនាគារកណ្តាលនៅកន្លែងផ្សេងទៀតបានធ្វើតាមការនាំមុខរបស់ធនាគារកណ្ដាលអាមេរិកនិងធ្វើឱ្យស្ថាប័នហិរញ្ញវត្ថុជាច្រើនអនុវត្តតាមពួកគេជាបន្តបន្ទាប់ផងដែរ ជុំវិញវិធានការដំឡើងអត្រាការប្រាក់នេះ។ អ្នកផ្ដល់កម្ចីបានបង្កើនអត្រាការប្រាក់សម្រាប់ប្រាក់កម្ចីទិញផ្ទះធ្វើឱ្យកើនការព្រួយបារម្ភពីលទ្ធភាពក្នុងការទទួលបានផ្ទះនៅតំបន់អាស៊ីដោយសារម្ចាស់ផ្ទះជួបបញ្ហានៃការសងប្រាក់កាន់តែច្រើន។
លោក ខេនីឈីរ៉ូ កាស៊ីវ៉ាសេ (Kenichiro Kashiwase) សហការីរៀបចំការសិក្សារបស់មូលនិធិ IMF បាននិយាយនៅក្នុងសន្និសីទព័ត៌មានកាលពីថ្ងៃទី ១៥ធ្នូថា ការសិក្សារបស់ពួកគេបង្ហាញជាមូលដ្ឋានថា ដើម្បីកាត់បន្ថយ ឬដោះស្រាយលទ្ធភាពទិញផ្ទះ រដ្ឋាភិបាលអាចផ្តល់គោលដៅដូចជាការធានារ៉ាប់រងលើកម្ចីទិញផ្ទះ ឬផ្ដល់ការធានាលើប្រាក់កម្ចីជាដើម។
ការសិក្សានេះបានកត់សម្គាល់ថា វដ្ដនៃការប៉ោងឡើង និងផ្ទុះបែកនៃទីផ្សារលំនៅឋាននៅតំបន់អាស៊ីប៉ាស៊ីហ្វិកគឺពិតជាបាន«ប៉ះពាល់ដល់សេដ្ឋកិច្ចយ៉ាងទូលំទូលាយ»។
អ្នកជំនាញរបស់ IMF ដដែលនេះ បានបង្ហាញទស្សនៈរបស់ខ្លួនថា បើមើលដល់ឆ្នាំ២០២៣ គឺបរិយាកាសសេដ្ឋកិច្ចសាកលកាន់តែមានភាពផុយស្រួយ ជាមួយហានិភ័យជួបនឹងព្យុះភ្លៀង ពពកខ្មៅអាប់អួរកាន់តែច្រើន។ អ្នកជំនាញរំពឹងថា នៅឆ្នាំ២០២៣ ស្ថានភាពសេដ្ឋកិច្ចអាចនឹងអាក្រក់ជាងឆ្នាំ២០២២ ដោយក្នុងនោះ អតិផរណានៅតែមិនមានភាពអំណោយផលខ្ពស់ ហើយលក្ខខណ្ឌហិរញ្ញវត្ថុក៏មានភាពតឹងតែង៕
អត្ថបទ៖ សុខ ជា
