នៅខែតុលាចិននាំចូលប្រេងឆៅធ្លាក់ចុះទាបបំផុតមិនធ្លាប់មានក្នុងរយៈពេល៣ឆ្នាំចុងក្រោយនេះ
ការនាំចូលប្រេងឆៅរបស់ចិន នៅក្នុងខែតុលាបានធ្លាក់ចុះទាបបំផុត គិតចាប់តាំងពីខែកញ្ញាឆ្នាំ២០១៨មក ដោយសារតែក្រុមហ៊ុនចម្រាញ់ប្រេងធំៗរបស់រដ្ឋចិន…
កញ្ចប់ថវិកាដែលរាជរដ្ឋាភិបាលនឹងផ្ដល់ចែកជូនពលរដ្ឋនេះ គឺមានតម្លៃសរុបរាប់រយពាន់លានដុល្លារអាមេរិកឯណោះ ហើយវាគឺជាការសន្យាមួយ របស់គណៈបក្សអភិរក្សនិយម Komeito ដែលជាដៃគូចម្រុះរបស់គណៈបក្សកាន់អំណាច LDP ដោយកន្លងមកអំឡុងពេលឃោសនាបោះឆ្នោត គណៈបក្សនេះ បានលើកឡើងពីគោលនយោបាយផ្ដល់សាច់ប្រាក់ជូនពលរដ្ឋ ដើម្បីបង្កើនការចំណាយពលរដ្ឋ សំដៅជំរុញដល់កំណើនសេដ្ឋកិច្ច។ តាមការគ្រោងទុករបស់រដ្ឋាភិបាល កញ្ចប់ថវិកានេះ នឹងត្រូវចាប់ផ្ដើមចែកជូនពលរដ្ឋនៅអំឡុងខែមីនាដល់ខែឧសភាឆ្នាំ២០២២។
តាមអ្វីដែលជាការស្នើរបស់គណបក្ស អភិរក្សនិយម Komeito គឺចង់ឲ្យក្មេងៗទាំងអស់ អាចទទួលបានសាច់ប្រាក់ពីរដ្ឋផ្ដល់ជូន ដោយមិនចាំបាច់គិតអំពីប្រាក់ចំណូលរបស់អាណាព្យាបាលរបស់ពួកគេឡើយ ប៉ុន្ដែ បើតាមរាជរដ្ឋាភិបាល សម្រាប់ក្មេងៗអាយុ១៨ឆ្នាំចុះក្រោម ដែលមានអាណាព្យាបាលមានប្រាក់ចំណូលខ្ពស់ ឬមានទ្រព្យច្រើននោះ គឺមិនមានសិទ្ធិទទួលបានសាច់ប្រាក់ឧបត្ថម្ភពីរដ្ឋនោះឡើយ។ ប៉ុន្ដែ សេចក្ដីសម្រេចលម្អិតយ៉ាងណានោះ គឺនឹងត្រូវមានការជជែកពិភាក្សា បន្តទៀតរវាងរដ្ឋាភិបាល និងគណៈបក្សទាំង២។
ជាមួយគ្នានេះដែរ រាជរដ្ឋាភិបាលជប៉ុន ក៏កំពុងពិចារណា នឹងផ្ដល់ជូនសាច់ប្រាក់បន្ថែមប្រមាណជាង ៤០០ដុល្លារ ទៅឲ្យគ្រួសារក្រីក្រផងដែរ។
ទោះយ៉ាងណា ក៏នៅមានការមន្ទិលសង្ស័យមួយចំនួនអំពីប្រសិទ្ធភាពនៃការផ្ដល់សាច់ប្រាក់ឧបត្ថម្ភទាំងនេះ ក្នុងការជំរុញកំណើនសេដ្ឋកិច្ច ដ្បិតថា កាលពីខែមេសាឆ្នាំ២០២០កន្លងមកនេះ រាជរដ្ឋាភិបាលក៏ធ្លាប់បានផ្ដល់សាច់ប្រាក់ក្នុងចំនួនប្រហែលគ្នានេះ ទៅឲ្យប្រជាពលរដ្ឋដែរ ក៏ប៉ុន្ដែ គេមើលឃើញថា អ្នកដែលទទួលបានប្រាក់ហើយនោះ ពួកគេបែរជាយកទៅសន្សំទុក ដោយមិនបានធ្វើការចំណាយនោះឡើយ ដូច្នេះ វាបានជំរុញតិចតួចប៉ុណ្ណោះ នៅក្នុងចរន្ដសេដ្ឋកិច្ច៕
None
