ហេតុអ្វីធនាគារពិភពលោកមិនចង់ឱ្យប្រទេសកំពុងអភិវឌ្ឍន៍កសាងមជ្ឈមណ្ឌលទិន្នន័យ?
ស្របពេលដែលបច្ចេកវិទ្យាបញ្ញាសិប្បនិម្មិត (AI) កំពុងរីកចម្រើនយ៉ាងឆាប់រហ័ស និងជ្រាបចូលកាន់តែជ្រៅក្នុងសេដ្ឋកិច្ច និងភូមិសាស្ត្រនយោបាយសកល បណ្តាប្…
អគ្គលេខាធិការអង្គការសហប្រជាជាតិ លោក António Guterres បានប្រកាសថា ឥណ្ឌូនេស៊ី
ហ្សំប៊ី ហ្គីណេ ហ្ស៊ីមបាវ៉េ ម៉ាដាហ្គាស្ការ និងនីហ្សេរីយ៉ានឹងទទួលបានការគាំទ្រសម្របសម្រួលពីអង្គការសហប្រជាជាតិ ដើម្បីអភិវឌ្ឍឧស្សាហកម្មរ៉ែសំខាន់ៗ។ កម្មវិធីនេះកើតឡើង ខណៈពិភពលោកកំពុងមានតម្រូវការកាន់តែខ្លាំងនូវរ៉ែសំខាន់ៗដូចជា រ៉ែទង់ដែង រ៉ែកូបាល់ រ៉ែលីចូម និងរ៉ែនីគែល ដែលសំខាន់សម្រាប់ការផលិតរថយន្តអគ្គិសនី អាគុយ និងថាមពលកកើតឡើងវិញ។
UN ចង់ជួយប្រទេសទាំងនេះចៀសវាងការនាំចេញតែវត្ថុធាតុដើម ខណៈប្រទេសផ្សេងៗទៀតទទួលបានតម្លៃបន្ថែមពីការកែច្នៃ និងផលិតកម្ម។ ភ្នាក់ងារ UN នឹងផ្តល់ជំនួយផ្នែកគោលនយោបាយ ច្បាប់ បទប្បញ្ញត្តិ ការការពារបរិស្ថាន និងសង្គម ព្រមទាំងជួយពង្រឹងខ្សែច្រវាក់ផ្គត់ផ្គង់ និងឧស្សាហកម្មកែច្នៃក្នុងស្រុក។ ឥណ្ឌូនេស៊ីជាប្រទេសផលិតរ៉ែនីគែលឈានមុខគេលើពិភពលោក ខណៈហ្សំប៊ី ជាអ្នកផលិតរ៉ែទង់ដែងធំទី២នៅអាហ្វ្រិក ហើយប្រទេសហ្គីណេ ជាអ្នកផលិតរ៉ែបុកស៊ីតធំជាងគេលើពិភពលោក។
កម្មវិធីនេះនឹងដឹកនាំដោយកម្មវិធីអភិវឌ្ឍន៍ UN និងការិយាល័យសម្របសម្រួលអភិវឌ្ឍន៍ UN ដើម្បីជួយប្រទេសសម្បូរធនធានរ៉ែឱ្យទទួលបានតម្លៃសេដ្ឋកិច្ចកាន់តែច្រើនពីធនធានយុទ្ធសាស្ត្ររបស់ខ្លួន៕
ដោយ: តែម សុខុម
