រថភ្លើងមួយគ្រឿងមានរហូតដល់ទៅ២០០ទូ ដែលក្លាយជារថភ្លើងវែងបំផុត និងធ្ងន់បំផុតនៅលើពិភពលោក

រថភ្លើងសម្រាប់បើកតាមវាលខ្សាច់នេះ គឺជារបស់ប្រទេសម៉ូរីតានី (Mauritania) ដែលគេស្គាល់ជាទូទៅថា ជារថភ្លើងដឹករ៉ែដែក ហើយត្រូវបានបង្កើតឡើងក្នុងឆ្នាំ១៩៦៣ សម្រាប់ដឹកជញ្ជូនតាមវាលខ្សាច់សាហារ៉ា ដោយកង់នីមួយៗរបស់វាអាចទ្រទម្ងន់បានរហុតដល់៨៤តោន។ ខ្សែរថភ្លើងនេះមានប្រវែង៧០០គីឡូម៉ែត្រ ដោយភ្ជាប់ពីតំបន់ជីករ៉ែដែកហ្សូរ៉ាត នៅភាគខាងជើង ប្រទេសម៉ូរីតានី ឆ្ពោះទៅទីក្រុងកំពង់ផែនូឌីបូ ស្ថិតនៅឆ្នេរសមុទ្រអាត្លង់ទិក។

រថភ្លើងដែលមាន២០០ទូនេះ គឺជារថភ្លើងដែលវែងជាងគេលើពិភពលោក និងមានសារសំខាន់ចំពោះសេដ្ឋកិច្ចរបស់ប្រទេសម៉ូរីតានី ខណៈដែលវិស័យរុករករ៉ែ បានរួមចំណែក២២% ដល់ផលិតផលក្នុងស្រុកសរុបក្នុងឆ្នាំ២០២២៕

អត្ថបទ៖ សុខ មង្គល