ដោយមានអាណត្តិដូចគ្នាដើម្បីលើកកម្ពស់វិស័យកសិកម្មនៅកម្ពុជា ការសហការដ៏សំខាន់នេះរវាង សហគ្រិនខ្មែរ និង Harvest II កម្ពុជា មានគោលបំណងគាំទ្រសហគ្រាសធុនតូចនិងមធ្យមតាមរយៈការលើក កម្ពស់ការនាំចេញផលិតផលកសិកម្មរបស់ខ្លួនទៅកាន់ទីផ្សារអន្តរជាតិតាមរយៈការកសាងជំនាញ ចំណេះដឹង និងសមត្ថភាព ។
គម្រោងនេះត្រូវបានផ្តល់ជំនួយដោយ សហគ្រិនខ្មែរ និង Harvest II និងអនុវត្តដោយ Asia Society for Social Improvement and Sustainable Transformation (ASSIST) ។ សហគ្រាសធុនតូច និងមធ្យមក្នុងស្រុកនឹងទទួលបានអត្ថប្រយោជន៍ជាច្រើនពីវគ្គបណ្តុះបណ្តាល ណែនាំ និងការបង្វឹកពីអ្នកជំនាញ ពាណិជ្ជកម្ម។
វគ្គសិក្សាត្រូវបានរៀបចំឡើងទៅតាមតម្រូវការជាក់ស្តែងរបស់សហគ្រាសធុនតូច និងមធ្យម និងជាពិសេសបានផ្តោតសំខាន់លៈការធ្វើពាណិជ្ជកម្មអន្តរជាតិ និងលក្ខខណ្ឌការនាំចេញ, តម្រូវការរបស់អតិថិជន, ការដឹកជញ្ជូន ហិរញ្ញប្បទាន, ព័ត៌មានពាណិជ្ជកម្ម សេវាកម្មគាំទ្រ, ទីផ្សារ, ការលើកទឹកចិត្តរបស់រាជរដ្ឋាភិបាល និងកិច្ចព្រមព្រៀងពាណិជ្ជកម្ម។
ឯកឧត្តមបណ្ឌិត ឈៀង វណ្ណមុនិណ្ណ នាយកប្រតិបត្ដិនៃ សហគ្រិនខ្មែរបានមានប្រសាសន៍ថា “ដោយអនុលោមតាមគោលនយោបាយរបស់រាជរដ្ឋាភិបាលកម្ពុជាលើការធ្វើពិពិធកម្មការនាំចេញនិងសក្តានុពលដ៏ធំធេងនៃវិស័យកសិកម្ម / កែច្នៃកសិផលរបស់ប្រទេសកម្ពុជា គម្រោងពង្រឹងសមត្ថភាពនេះនឹងមាន សារៈសំខាន់ចាំបាច់ និងជាកម្លាំងបន្ថែមរួមជាមួយការងាររបស់ក្រសួងពាក់ព័ន្ធនិងដៃគូអភិវឌ្ឍន៍ដើម្បីជួយសហគ្រាសធុនតូចនិងមធ្យមនៅលើការនាំចេញរបស់ពួកគេ។”
លោក Nimish Jhaveri ប្រធានរបស់ Harvest II បានមានប្រសាសន៍ថា ”ការស្ទង់មតិរបស់យើងថ្មីៗនេះរបស់សហគ្រាសធុនតូច និងមធ្យក្នុងវិស័យសិកម្មកម្ពុជាបានបង្ហាញថាជាង ៧០%នៃសហគ្រាសធុនតូច និងមធ្យម មិនដែលទទួលបានការបណ្តុះបណ្តាលក្នុងការអភិវឌ្ឍន៍ការនាំចេញទេ។ កម្មវិធីរបស់យើងនឹងកសាងសមត្ថភាពនាំចេញរបស់សហគ្រាសធុនតូច និងមធ្យមនៅកម្ពុជាតាមរយៈកម្មវិធីបណ្តុះបណ្តាល និងការណែនាំដើម្បីផ្តោតលើឱកាសនាំចេញ។ សហគ្រាសធុនតូច និងមធ្យមដែលបញ្ចប់កម្មវិធីបណ្តុះបណ្តាលដំបូង នឹងត្រូវបានណែនាំដោយអ្នកណែនាំក្នុងការកំណត់អតិថិជន ដែលមានសក្តានុពល, ចូលរួមក្នុងពិព័រណ៍ពាណិជ្ជកម្ម និងចរចាកិច្ចព្រមព្រៀងពាណិជ្ជកម្ម។”
ការដាក់ពាក្យតាមអនឡាញនឹងចាប់ផ្ដើមដើម្បីទទួលពាក្យរបស់សហគ្រាសធុនតូចនិងមធ្យម ដែលចាប់អារម្មណ៍ និងចង់ស្វែងរកឬបង្កើនសក្តានុពលនាំចេញរបស់ពួកគេ។ តំណភ្ជាប់ទៅការចុះឈ្មោះតាមអានឡាញអាចរកបានតាម https://www.eedportal.org/ ៕
