ទិន្នន័យដដែលបានបង្ហាញថា តម្លៃដីធ្លីក្នុងខណ្ឌដូនពេញ និងចំការមន នៅតែមានតម្លៃខ្ពស់ជាងគេ ពោលគឺគិតជា មធ្យមប្រមាណ ៥ពាន់៥រយដុល្លារអាមេរិកក្នុងមួយម៉ែតការ៉េ ខណៈដែលតម្លៃដី នៅតំបន់ខណ្ឌ៧មករា មានតម្លៃជាមធ្យមប្រមាណ ៥ពាន់ដុល្លារក្នុងមួយម៉ែត្រការ៉េ។ រីឯនៅនៅតំបន់ទួលគោក មានតម្លៃប្រមាណ ៣ពាន់៦រយដុល្លារ ក្នុងមួយម៉ែត្រការ៉េ។ ដោយឡែក តម្លៃដី នៅខណ្ឌសែនសុខ ឫស្សីកែវ និងជ្រោយចង្វារ មានតម្លៃជាមធ្យមជាង ១ពាន់ដុល្លារក្នុងមួយម៉ែត្រការ៉េ។
របាយការណ៍ពីក្រសួងរៀបចំដែនដី នគរូបនីយកម្ម និងសំណង់ បានឲ្យដឹងដែរថា ១១ខែ ឆ្នាំ២០២០ គម្រោងសាងសង់មានចំនួនជាង ៤៣០០គម្រោង គិតជាទុនវិនិយោគមានតម្លៃជាង ៧ពាន់លានដុល្លារ ខណៈដែលរយៈពេលដូចគ្នា កាលពីឆ្នាំ២០១៩ ឃើញថា ទុនវិនិយោគ ធ្លាក់ចុះប្រមាណ ២ពាន់លានដុល្លារអាមេរិក ឬស្មើនឹងប្រមាណជិត២៥%។
អត្ថបទគួរអាន
ជាមួយគ្នានេះដែរឯកឧត្តម ឡៅ ទិព្វសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ធ្លាប់បានគូសបញ្ជាក់កាលពីពេលកន្លងទៅថា ការវិនិយោគរបស់អ្នកវិនិយោគមកពីបរទេសនៅតែមានជាបន្តបន្ទាប់ដែរ ក្នុងរយៈពេល១១ ខែឆ្នាំ២០២០ ការវិនិយោគរបស់វិស័យឯកជន មកពីបរទេសក្នុងវិស័យសំណង់ មានតម្លៃទុនប្រមាណ ១.៣០០លានដុល្លារ ជាមួយនឹងគម្រោងជាង ១០០គម្រោង ក្នុងនោះ អ្នកវិនិយោគមកពីប្រទេសចិនបាននាំមុខគេក្នុងការវិនិយោគវិស័យសំណង់នៅកម្ពុជា ដែលមានគម្រោង ៧៨គម្រោង និងទុនវិនិយោគជាង ១ពាន់លានដុល្លារ។
សូមបញ្ជាក់ថា ប្រទេសដែលមានវិនិយោគក្នុងវិស័យសំណង់កម្ពុជាធំៗ រួមមានប្រទេសចិនឈរនៅលំដាប់ថ្នាក់លេខ១ ប្រទេសកូរ៉េឈរនៅលំដាប់ថ្នាក់លេខ២ ប្រទេសជប៉ុនស្ថិតលំដាប់ថ្នាក់លេខ៣ ខណៈអ្នកវិនិយោគក្នុងស្រុក ក៏បានបណ្តាក់ទុនយ៉ាងច្រើនផងដែរ ដោយភាគច្រើនផ្តោតសំខាន់លើគម្រោងអភិវឌ្ឍន៍វិស័យលំនៅដ្ឋានលក្ខណបុរី៕
None
