អ្នកជំនាញស្នើឱ្យរដ្ឋដាក់ចេញវិធានការសង្គ្រោះបន្ទាន់ ដើម្បីស្តារជីវភាពកសិកររងគ្រោះដោយសារទឹកជំនន់
ការប្រែប្រួលអាកាសធាតុបានក្លាយជាមហន្តរាយដ៏ធ្ងន់ធ្ងរ កំពុងវាយប្រហារវិស័យកសិកម្មកម្ពុជា ជាពិសេសដំណាំស្រូវដែលជាប្រភពចំណូល និងជាឆ្នាំងបាយរបស…
ធនាគារកណ្តាលអាម៉េរិកគ្រោងចេញផ្សាយកំណត់ហេតុ នៃកិច្ចប្រជុំខែកញ្ញា របស់ខ្លួននៅថ្ងៃពុធ ទី៧ ខែតុលា ខណៈធនាគារកណ្តាលអឺរ៉ុប នឹងចេញផ្សាយកំណត់ហេតុនៃកិច្ចប្រជុំដូចគ្នានៅមួយថ្ងៃបន្ទាប់។ ធនាគារកណ្តាលទាំងពីរនេះកាលពីខែមុនបានដំឡើងអត្រាការប្រាក់ដើម្បីទប់ស្កាត់សម្ពាធអតិផរណា។
ទោះជាយ៉ាងណាទិន្នន័យថ្មីៗបានបង្ហាញថា ការបង្កើតការងារនៅអាម៉េរិកមានកម្រិតទាបជាងការរំពឹងទុក ហើយកំណើនប្រាក់ឈ្នួលក៏ខ្សោយផងដែរ។ សញ្ញាទាំងនេះបង្ហាញថា សម្ពាធលើតម្លៃអាចមិនខ្លាំងដូចការព្រួយបារម្ភពីមុននោះទេ។ ទន្ទឹមនេះ មន្ត្រីជាន់ខ្ពស់ពីររូបរបស់ធនាគារកណ្តាលអាម៉េរិក បានបង្ហាញថា មិនមានភាពបន្ទាន់ក្នុងការដំឡើងអត្រាការប្រាក់បន្ថែមទៀតនោះទេ ដែលធ្វើឱ្យវិនិយោគិនកាត់បន្ថយការរំពឹងទុកចំពោះការដំឡើងអត្រាការប្រាក់នៅខែនេះ។
នៅតំបន់អឺរ៉ុបអតិផរណាក្នុងខែកញ្ញា បានកើនឡើងលើសការរំពឹងទុក ដោយសារថ្លៃថាមពលកើនឡើងពាក់ព័ន្ធនឹងសង្គ្រាម។ ទោះជាយ៉ាងនេះក្តី វិនិយោគិនមិនរំពឹងខ្ពស់ថា ធនាគារកណ្តាលអឺរ៉ុប នឹងដំឡើងអត្រាការប្រាក់ភ្លាមៗនោះទេ ខណៈទីផ្សារហិរញ្ញវត្ថុកំពុងរងសម្ពាធ ជាពិសេសនៅប្រទេសបារាំង ដែលភាពបែកបាក់នយោបាយកំពុងបង្កើនក្តីបារម្ភអំពីការចំណាយ និងបំណុលរដ្ឋាភិបាល។
ក្រៅពីអាម៉េរិក និងអឺរ៉ុប ធនាគារកណ្តាលជាច្រើនទៀត ក៏នឹងប្រកាសសេចក្តីសម្រេចគោលនយោបាយរូបិយវត្ថុនៅសប្តាហ៍នេះផងដែរ ក្នុងនោះប្រទេសឥណ្ឌាត្រូវបានរំពឹងថា នឹងដំឡើងអត្រាការប្រាក់ ខណៈប្រទេសផ្សេងៗទៀតនឹងបញ្ចេញទិន្នន័យអតិផរណា ការងារ និងពាណិជ្ជកម្ម។ បណ្ដាវិនិយោគិននឹងតាមដានទិន្នន័យ និងសេចក្តីសម្រេចទាំងនេះ ដើម្បីវាយតម្លៃថា តើធនាគារ
កណ្តាលអាចទប់ស្កាត់អតិផរណាបែបណា ដោយមិនធ្វើឱ្យកំណើនសេដ្ឋកិច្ច និងស្ថិរភាពហិរញ្ញវត្ថុរងផលប៉ះពាល់ខ្លាំងពេក៕
ដោយ: តែម សុខុម
