Mediam Group by Aleph ក្លាយជាតំណាងផ្នែកលក់តាមប្រព័ន្ធផ្សព្វផ្សាយ Google ផ្លូវការនៅក្នុងប្រទេសកម្ពុជា

ក្នុងនាមជាតំណាងផ្នែកលក់តាមប្រព័ន្ធផ្សព្វផ្សាយ Google, Mediam Group by Aleph នឹងជួយទីភ្នាក់ងារក្នុងស្រុក និងអ្នកផ្សាយពាណិជ្ជកម្មក្នុងប្រទេសកម្ពុជា ចាប់ផ្តើមយុទ្ធនាការដែលមានឥទ្ធិពលតាមរយៈឈុតផលិតផលផ្សាយពាណិជ្ជកម្មប្រកបដោយភាពច្នៃប្រឌិតរបស់ Google Ads រួមមាន Search, YouTube និង Display។ ពីការស្វែងរករាប់ពាន់លាននៅលើ Google ជារៀងរាល់ថ្ងៃ Google Ads ផ្តល់ជូនឱកាសពិសេសដល់ទីភ្នាក់ងារ និងអ្នកផ្សាយពាណិជ្ជកម្ម ដើម្បីបំប្លែងអ្នកប្រើដែលស្វែងរកព័ត៌មាន ផលិតផល និងសេវាកម្មតាមអនឡាញទៅជាអ្នកដឹកនាំអាជីវកម្ម និងអតិថិជន។

សរុបមក Google Ads គឺជាប្រព័ន្ធផ្សព្វផ្សាយទីផ្សារឌីជីថលដ៏សំខាន់សម្រាប់រាល់អាជីវកម្ម ដែលមានបំណងកំណត់គោលដៅអតិថិជនដែលចង់បានតាមរយៈការផ្សាយពាណិជ្ជកម្មដែលមានឥទ្ធិពល និងជំរុញចរាចរដែលពាក់ព័ន្ធទៅកាន់គេហទំព័ររបស់ខ្លួន។ ជាមួយនឹង Google Ads អតិថិជនទទួលបានទិន្នន័យសម្រាប់លទ្ធផលជាក់ស្តែង ដែលអាចវាស់វែងបាន ដូចជាការចុចលើគេហទំព័រ និងការហៅទូរសព្ទសម្រាប់អាជីវកម្ម ផ្តល់ផលចំណេញលើការវិនិយោគដែលអាចវាស់វែងបាន។ លើសពីនេះ អតិថិជនអាចបង្កើតដែនកំណត់ការចំណាយលើការផ្សព្វផ្សាយប្រចាំខែសម្រាប់យុទ្ធនាការ Google Ads ដែលកំណត់ការចំណាយ និងលទ្ធភាពចូលប្រើរបាយការណ៍យុទ្ធនាការរហ័ស និងងាយយល់។

កិច្ចព្រមព្រៀងនេះពង្រឹងទំនាក់ទំនងដែលមានស្រាប់របស់ Mediam Group by Aleph ជាមួយនឹង Google Ads នៅក្នុង APAC។ ក្នុងរយៈពេលប៉ុន្មានឆ្នាំថ្មីៗនេះ សមិទ្ធផលនេះបាននាំឱ្យ Mediam Group by Aleph ក្លាយជាតំណាងផ្នែកលក់តាមប្រព័ន្ធផ្សព្វផ្សាយ Google ផ្លូវការរបស់ Google Ads នៅក្នុងប្រទេសបង់ក្លាដែស។ នៅខាងក្រៅតំបន់ APAC, Mediam Group by Aleph និង Google Ads បានពង្រឹងភាពជាដៃគូរបស់ពួកគេនៅតំបន់មជ្ឈិមបូព៌ា និងអាហ្វ្រិកខាងជើង (MENA) ដែលសព្វថ្ងៃ Mediam Group by Aleph បម្រើជាអ្នកលក់បន្តផ្លូវការរបស់ Google Ads នៅក្នុងប្រទេសម៉ារ៉ុក និងអ៊ីរ៉ាក់។

លោក Alberto Alvarez នាយកប្រតិបត្តិនៃក្រុមហ៊ុន Mediam by Aleph បានលើកឡើងថា៖ “Google Ads គឺជាការផ្ដល់ជូនតែមួយគត់សម្រាប់អាជីវកម្មដែលកំពុងរីកចម្រើននៅក្នុងតំបន់ APAC។ ការប្រើប្រាស់ទិន្នន័យ Google Search ផ្តល់ជូនអ្នកផ្សាយពាណិជ្ជកម្ម និងទីភ្នាក់ងារក្នុងស្រុកនូវឱកាសពិសេស និងប្លែកពីគេ ដើម្បីភ្ជាប់ទំានាក់ទំនងទៅអតិថិជនគោលដៅជាក់លាក់នៅទូទាំងផលប័ត្រនៃផលិតផលឈានមុខក្នុងឧស្សាហកម្មរបស់ខ្លួន ដូចជា YouTube, Maps និង Search។ យើងមានមោទនភាពក្នុងការពង្រឹងទំនាក់ទំនងរបស់យើងជាមួយ Google Ads តាមរយៈភាពជាដៃគូនេះ ហើយទន្ទឹងរង់ចាំក្នុងការជួយអតិថិជនរបស់យើងឱ្យទទួលបានលទ្ធផលជាក់ស្តែងនៅលើ Google Ads ក្នុងប៉ុន្មានខែ និងឆ្នាំខាងមុខ។”

"យើងមានសេចក្តីរំភើបរីករាយក្នុងការចាប់ដៃគូជាមួយ Mediam Group by Aleph ដើម្បីពង្រីកវត្តមានក្នុងស្រុករបស់យើងនៅក្នុងប្រទេសកម្ពុជា និងនេប៉ាល់តាមរយៈភាពជាដៃគូនេះ។ យើងមើលឃើញនូវឱកាសដ៏អស្ចារ្យមួយក្នុងការពង្រីកប្រព័ន្ធអេកូឡូស៊ីឌីជីថល”។ នេះបើតាមការលើកឡើងរបស់ Tara Yoon ប្រធានផ្នែកប្រតិបត្តិការដៃគូផ្នែកលក់ក្នុងបណ្ដាញ ប្រចាំនៅតំបន់អាស៊ីអាគ្នេយ៍នៅក្រុមហ៊ុន Google។

-បញ្ចប់-

ទំនាក់ទំនងសារព័ត៌មាន

[email protected]

Adam Bezeczky, Global Communications Manager, Aleph

Hudson Sandler (Global PR)

Andy Richards / Adam Joste-Smith

[email protected]

អំពី Mediam Group by Aleph

Mediam Group ត្រូវបានបង្កើតឡើងដោយ LDM Holding ក្នុងឆ្នាំ ២០២១ ដើម្បីគាំទ្រអ្នកផ្សាយពាណិជ្ជកម្មជាមួយនឹងក្រុមក្នុងស្រុកដែលមានការយកចិត្តទុកដាក់ និងមានបទពិសោធនៅក្នុង LATAM ដើម្បីបង្កើនប្រសិទ្ធភាពគណនី និងយុទ្ធនាការ Google Ads របស់ពួកគេនៅទូទាំងវេទិកាទាំងអស់។ ឥឡូវនេះ Mediam Group បានរីកចម្រើនជាផ្នែកមួយនៃ Aleph Group ខណៈដែលផ្នែកតំណាងប្រចាំ Google ដែលខិតខំប្រឹងប្រែងរបស់ Aleph ផ្តោតលើតំបន់ APAC ហើយឥឡូវនេះផ្ដោតលើតំបន់ MENA។

ក្នុងនាមជាតំណាងផ្នែកលក់តាមប្រព័ន្ធផ្សព្វផ្សាយ Google ផ្លូវការនៅក្នុងប្រទេសបង់ក្លាដែស ម៉ារ៉ុក និងអ៊ីរ៉ាក់ គោលបំណងរបស់ Mediam Group គឺដើម្បីទទួលបានលទ្ធផល និងជំរុញកំណើនសេដ្ឋកិច្ចបន្ថែម។

សម្រាប់ព័ត៌មានបន្ថែម សូមចូលមើលគេហទំព័រ ap.themediamgroup.com ដើម្បីស្វែងយល់ពីសមត្ថភាពពេញលេញរបស់យើង។

អំពី Aleph

Aleph គឺបណ្តាញដ៏ស្វាហាប់នៃដំណោះស្រាយដែលដំណើរការដោយអ្នកជំនាញ និងបច្ចេកវិទ្យាឌីជីថលសកល ដែលអនុញ្ញាតឱ្យមានការរីកចម្រើនលើប្រព័ន្ធអេកូឡូស៊ីឌីជីថល។ យើងភ្ជាប់ទំនាក់ទំនងអ្នកផ្សាយពាណិជ្ជកម្មរាប់ពាន់នាក់ជាមួយអ្នកប្រើប្រាស់រាប់ពាន់លាននាក់ និងបង្កើតទីផ្សារសម្រាប់ភាពរីកចម្រើនអាជីវកម្មក្នុងស្រុក។ Aleph ដំណើរការយ៉ាងសកម្មនៅក្នុងប្រទេសដែលកំពុងរីកចម្រើនជាចម្បងចំនួនជាង ១៣០ ប្រទេស និងជួយអ្នកផ្សាយពាណិជ្ជកម្មក្នុងការទំនាក់ទំនងជាមួយអ្នកប្រើប្រាស់នៅលើវេទិកាឌីជីថលឈានមុខគេជាង ៤៥ របស់ពិភពលោកដូចជា Google, Meta, Microsoft, Pinterest, Reddit, Snap, Spotify, TikTok, Twitch, Uber, X ( ពីមុន Twitter) និងវេទិកាផ្សេងទៀត។

យើងបង្កើត និងផ្គត់ផ្គង់បច្ចេកវិទ្យាដែលជាកម្មសិទ្ធិរបស់យើងដោយមានដំណោះស្រាយផ្អែកតាមមូលដ្ឋាន ដោយផ្តល់ជូនគំនិតផ្តួចផ្តើមផ្នែកសង្គមទៅដល់ក្រុមអ្នកជំនាញផ្នែកឧស្សាហកម្ម និងវេទិកាក្នុងស្រុក ក៏ដូចជាអ្នកជំនាញផ្សាយពាណិជ្ជកម្មឌីជីថល ដើម្បីផ្តល់ការអប់រំលើការផ្សព្វផ្សាយឌីជីថលដោយឥតគិតថ្លៃសម្រាប់ទាំងអស់គ្នា។ ការផ្តល់ជូនថ្មីបំផុតរបស់យើង Aleph Payments គឺជាអ្នកផ្តល់លទ្ធភាពក្នុងការទូទាត់ឆ្លងព្រំដែនឈានមុខគេ និងជាអ្នកធានាឥណទាននៅក្នុងប្រទេសដែលកំពុងរីកចម្រើនជាចម្បង ជាមួយនឹងដំណោះស្រាយក្នុងការទូទាត់ពីដើមដល់ចប់ ដើម្បីទៅដល់អ្នកប្រើប្រាស់នៅលើវេទិកាឌីជីថលឈានមុខគេក្នុងពិភពលោក។ សរុបមក

ដំណោះស្រាយទាំងនេះពង្រីកលទ្ធភាពចូលប្រើប្រព័ន្ធអេកូឡូស៊ីឌីជីថល ហើយជាចុងក្រោយដំណើរការឆ្ពោះទៅរកគោលបំណងរបស់យើង ដើម្បីធ្វើឱ្យស្មើគ្នានូវទិដ្ឋភាពប្រកួតប្រជែងឌីជីថលសកល។

Aleph ត្រូវបានបង្កើតឡើងក្នុងឆ្នាំ ២០០៥ និងបន្តស្ថិតក្រោមការដឹកនាំដោយ CEO ជាស្ថាបនិកដែលមានឈ្មោះថា Gaston Taratuta ដែលជាសហគ្រិន EY ប្រចាំឆ្នាំ ២០២២ ជាមួយនឹងចក្ខុវិស័យដើម្បីពន្លឿនការផ្លាស់ប្តូរសេដ្ឋកិច្ចសកលពីអហ្វឡាញ (offline) ទៅជាអនឡាញ (online) និងជំរុញកំណើនសេដ្ឋកិច្ចរយៈពេលវែង។ វិធីសាស្រ្តរបស់ Aleph បានទទួលភាពជោគជ័យយ៉ាងខ្លាំងរហូតមកដល់បច្ចុប្បន្ន។ ក្នុងរយៈពេលប៉ុន្មានឆ្នាំថ្មីៗនេះ សម្ព័ន្ធក្រុមហ៊ុន (Group) បានពង្រីកបុគ្គលិករហូតដល់ជាង ១,៥០០ នាក់ នៅក្នុងការិយាល័យជាង ៦៥ និងបានធានាការវិនិយោគពីដៃគូស្ថាប័ន រួមមានទាំង CVC Partners, Mercado Libre, Sony, Twitter និង Snap។

សម្រាប់ព័ត៌មានបន្ថែម សូមចូលមើលគេហទំព័រ៖ https://www.alephholding.com/