របាយការណ៍ក្រសួងទេសចរណ៍ ដែលបានចេញផ្សាយថ្មីៗនេះ បង្ហាញថា ក្នុងរយៈពេល ២ឆ្នាំជាប់ៗគ្នានេះ ភ្ញៀវទេសចរចិន នៅតែរក្សាតំណែងលេខ១ ដដែល ជាក់ស្តែងក្នុងឆ្នាំ ២០១៨ទេសចរចិន មកម្ពុជាមានរហូតជាង ២លាននាក់ តាមពីក្រោយដោយទេសចរវៀតណាមមាន ៨០ម៉ឺននាក់ ឡាវជាង ៤២ ម៉ឺននាក់ ថៃជាង ៣៨ម៉ឺន នាក់ កូរ៉េ ៣០ម៉ឺននាក់ សហរដ្ឋអាមេរិក ២៥ម៉ឺននាក់ ជប៉ុន២១ ម៉ឺននាក់ ម៉ាឡេស៊ី ២០ម៉ឺននាក់ បារាំង ១៧ម៉ឺននាក់ និងអង់គ្លេស១៦ម៉ឺននាក់។ ក្នុងនោះដែរ ពួកគេបានធ្វើដំណើរតាមផ្លូវអាកាស សរុបជាង ៤លាននាក់ ខណៈផ្លូវគោក និងផ្លូវទឹកមានចំនួនសរុបជាង ២លាននាក់។
អត្ថបទទាក់ទង!
រដ្ឋមន្ត្រីក្រសួង ទេសចរណ៍ ឯកឧត្តម ថោង ខុន ធ្លាប់បានលើកឡើងថា ដើម្បីទាក់ទាញភ្ញៀវទេសចរចិនឲ្យមកទស្សនាកម្ពុជាកាន់តែច្រើននៅឆ្នាំ ២០១៩ កម្ពុជាក៏ត្រូវការឲ្យមានការវិនិយោគលើការបង្កើតផលិតផលទេសចរណ៍ថ្មី ប្រកបដោយការច្នៃប្រឌិត និងនវានុវត្តន៍។
ក្នុងពេលអនាគត ឯកឧត្តម ថោង ខុន បញ្ជាក់ថា វិស័យទេសចរណ៍កម្ពុជា មិនអាចកាត់ផ្តាច់ចេញពីការស្រូបទាញកំណើននៃលំហូរទេសចរ និងវិនិយោគិនចិនបានឡើយ។ ហើយនៅឆ្នាំ២០២០ខាងមុខ កម្ពុជារំពឹងថា នឹងទទួលបានភ្ញៀវទេសចរចិនប្រមាណ ៣ លាននាក់ ហើយនឹងកើនឡើងដល់ ៥ លាននាក់នៅ ឆ្នាំ ២០២៥ និង ៨ លាននាក់នៅឆ្នាំ ២០៣០។
ភ្ញៀវទេសចរមកកម្ពុជាប៉ុណ្ណឹងនៅតិចណាស់ បើធៀបនឹងប្រទេសជិតខាង តើគួរធ្វើដូចម្ត៉េច?
បើទោះបីជាតួលេខបង្ហាញឲ្យឃើញថា ចំនួនភ្ញៀវទេសចរអន្តរជាតិ ពិសេសចិនចូលមកកម្ពុជាច្រើនក៏ពិតមែន ក៏ប៉ុន្តែបើយើងប្រៀបធៀបទៅនឹងប្រទេសជិតខាង ឃើញថានៅចាញ់គេឆ្ងាយណាស់។ យ៉ាងណាក៏ដោយចុះអ្នកជំនាញនៅក្នុងឧស្សាហកម្មគ្មានផ្សេងបានធ្វើការអះអាងថា ចំនូនភ្ញៀវទេសចរណ៍មកកាន់កម្ពុជាប៉ុណ្ណេះ នៅមានកម្រិតតិចតូចណាស់ កម្ពុជាគួរពង្រឹងនិងពង្រីកវិស័យហេដ្ឋារចនាសម្ព័ន្ធ ប្រព័ន្ធដឹកជញ្ជូនជាពិសេសបង្កើតផលិតផលទេសចរណ៍ឲ្យបានច្រើនសម្រាប់ទាក់ទាញភ្ញៀវទេសចរកាន់តែច្រើន។
អត្ថបទគួរឲ្យចាប់អារម្មណ៍!
លោកស្រី ផាន់ ស៊ី ហូ អគ្គលេខាធិការនៃវេទិការទេសចរណ៍សេដ្ឋកិច្ចសកលលោកបានធ្វើការកត់សម្គាល់ប្រទេសកម្ពុជាយើងថា ប្រទេសដែល មានសក្កានុពលនៅក្នុងវិស័យទេសចរណ៍ហើយបានក្លាយជាគោលដៅទេសចរណ៍ដ៏សំខាន់របស់ពិភពលោក។
ដោយសារតែកម្ពុជាសម្បូរទៅដោយតំបន់ទេសចរណ៍វប្បធម៌ ប្រវត្តិសាស្ត្រសំបូរបែប ដែលបានទាក់ទាញភ្ញៀវទេសចរអន្តរជាតិជាច្រើន ប៉ុន្តែយ៉ាងណាក៏ដោយលោកស្រី ស៊ីហូ ថាកម្ពុជាគូរពិចារណាពង្រឹងលើបទពិសោធន៍ ក្នុងវិស័យទេសចរណ៍ដោយធ្វើយ៉ាងណា ឲ្យ ទេសចរដែលចូលមកទស្សនាប្រទេសកម្ពុជាចំណាយពេលវេលាស្នាក់នៅរយៈពេលយូរ និង ធ្វើឲ្យពួកគាត់មានអារម្មណ៍ចង់ត្រលប់មកទស្សនា កម្ពុជាម្តងទៀតជាមួយនឹងសេវាកម្មល្អផលិតផលទេសចរណ៍សម្បូរបែបសម្រាប់ពួកគេផងដែរ។
លោក ស្រី ផាន់ ស៊ីហូ បានបន្ថែមថា ការអភិវឌ្ឍបន្ថែមលើការដឹកជញ្ជូន និង ហេដ្ឋារចនាសម្ព័ន្ធ គឺជាអ្វីដែលកម្ពុជាត្រូវយកចិត្តទុកដាក់បំផុត។ លោកស្រីលើកឧទាហរណ៍ពីម៉ាកាវ ដែលកំពុងធ្វើការពង្រឹងបន្ថែមលើបទពិសោធន៍ ទេសចរលើផ្នែកសិល្បៈ វប្បធម៌បន្ថែមលើវិស័យសណ្ឋាគារ និងទេសចរណ៍ដែលនាពេលបច្ចុប្បន្នមានភ្ញៀវទេសចរ ៣០លាននាក់ទៅលេងម៉ាកាវ។ លើសពីនេះទៀតម៉ាកាវបានពង្រឹងលើវិស័យដឹកជញ្ជូន និងការច្របាច់បញ្ជូលទីផ្សាររូមគ្នាជាមួយនឹងហុងកុង។ជាលទ្ធផល ម៉ាកាវរកចំណូលបានពីវិស័យទេសចរណ៍ប្រមាណជាង ៦ពាន់លានដុល្លារអាមេរិក ក្នុងឆ្នាំ ២០១៨ និង ៣០ពាន់លានដុល្លារបានមកពីចំណូលវិស័យកាស៊ីណូ។
អត្ថបទគួរឲ្យចាប់អារម្មណ៍!
នៅទូទាំងពិភពលោកមានភ្ញៀវធ្វើដំណើរទេសចរណ៍សរុប ១.២០០លាន និងមានការរំពឹងទុកថានឹងការកើនឡើងនៅចន្លោះ ៥ភាគរយជារឿងរាល់ឆ្នាំ។ ចំនួនភ្ញៀវទេសចរ ដ៏ច្រើននេះបានផ្តល់ឱកាសជាច្រើនសម្រាប់ប្រទេសជាគោលដៅទេសចរណ៍។ចំនែកឯ កម្ពុជារំពឹងថា នឹងទទួលបានភ្ញៀវទេសចរប្រមាណ ៧,៥ លាននាក់ក្នុងឆ្នាំ២០២០៕
None
