ក្រសួងពាណិជ្ជកម្មនិយាយថា ខ្លួននឹងចាប់ផ្តើមដាក់ចេញនូវវិធានការរឹតបន្តឹងការនាំចូលលើទំនិញប្រណិតៗ ដូចជាការនាំចូលរថយន្តពីក្រៅប្រទេសជាបណ្តោះអាសន្ន ដើម្បីទប់ទល់នឹងការខ្វះខាតរូបិយប័ណ្ណបរទេស ខណៈវិធានការនេះបានប៉ះពាល់ដល់អាជីវកម្មដែលពាក់ព័ន្ធយ៉ាងធ្ងន់ធ្ងរ។ ក្នុងនោះ ក្រុមហ៊ុនបរទេសដែលបានវិនិយោគលើវិស័យនាំចូលរថយន្តក្នុងប្រទេសមីយ៉ាន់ម៉ាដោយពឹងផ្អែកលើតម្រូវការក្នុងស្រុកឥឡូវនេះ កំពុងប្រឈមមុខនឹងការខាតបង់ជាខ្លាំង។
ប្រភពពីក្រុមហ៊ុននាំចូលរថយន្តថ្មីរបស់ជប៉ុនបាននិយាយថា មន្ត្រីមីយ៉ានម៉ាបានចេញសេចក្តីប្រកាស ថាពួកគេនឹងកំណត់ការអនុញ្ញាតឱ្យមាននាំចូលរថយន្តឡើងវិញ ប៉ុន្តែមិនបានបង្ហាញថា នៅពេលណានោះទេ។
ទោះយ៉ាងណា បញ្ហាការនាំចូលរថយន្តមិនមែនជាគ្រោះថ្នាក់តែមួយគត់នៃកិច្ចខិតខំប្រឹងប្រែងរបស់រដ្ឋាភិបាលមីយ៉ាន់ម៉ាក្នុងការលើកកម្ពស់សមតុល្យពាណិជ្ជកម្មរបស់ខ្លួននោះទេ នៅចំពេលដែលការជំរុញការនាំចេញកំពុងធ្លាក់ចុះ ហើយរដ្ឋាភិបាលកំពុងកាត់បន្ថយការនាំចូល ដើម្បីកាត់បន្ថយឱនភាពពាណិជ្ជកម្ម។
អត្ថបទគួរអាន
មែនទែនទៅ មីយ៉ាន់ម៉ាមានអាជ្ញាបណ្ណនាំចូលសម្រាប់ទំនិញក្រៅប្រទេសត្រឹមចំនួនជិត ៤ ពាន់អាជ្ញាបណ្ណប៉ុណ្ណោះ មុនពេលពួកយោធាផ្តួលរំលំរដ្ឋាភិបាលស៊ីវិលក្នុងខែកុម្ភៈ ឆ្នាំ ២០២១ ប៉ុន្តែកាលពីខែឧសភាកន្លងទៅនេះចំនួនសរុបនៃអាជ្ញាបណ្ណនាំចូលបានកើនឡើងដល់ជាង ៩ពាន់អាជ្ញាបណ្ណ។ ស្ថានភាពហាក់ដូចជាមិនប្រសើរឡើងទេ សម្រាប់រយៈពេលពីរត្រីមាសចុងក្រោយនេះ បើគិតត្រឹមខែមីនា ប្រទេសមីយ៉ាន់ម៉ាបានរាយការណ៍ពីការនាំចេញគិតជាទំហំទឹកប្រាក់ចំនួនជាង ៨ ពាន់លានដុល្លារ ខណៈការនាំចូលសរុបមានចំនួនជិត៨ ពាន់លានដុល្លារ។ កត្តាទាំងនេះបណ្តាលមកពី អាជីវកម្មបរទេសភាគច្រើនបានកាត់បន្ថយការទិញទំនិញមូលធននៅក្នុងស្រុក។ ការនាំចូលទំនិញប្រើប្រាស់បានកើនឡើង ៨ ភាគរយធៀបនឹងរយៈពេលដូចគ្នាកាលពីឆ្នាំ២០២១ ដែលវាបានបណ្តាលឱ្យមីយ៉ាន់ម៉ាធ្លាក់ចុះក្នុងឱនភាពពាណិជ្ជកម្មវិញចាប់តាំងពីខែមេសា បូករួមទាំងបញ្ហាការឡើងថ្លៃប្រេងឥន្ធនៈផងដែរ។
យ៉ាងណាមិញ អាជ្ញាធរបានរឹតបន្តឹងការគ្រប់គ្រងពាណិជ្ជកម្មបន្ថែមទៀតនៅក្នុងខែមេសា ខណៈគណៈកម្មាធិការត្រួតពិនិត្យការប្តូរប្រាក់បរទេសឥឡូវនេះកំពុងបែងចែករូបិយប័ណ្ណបរទេសសម្រាប់ការនាំចូលទំនិញសំខាន់ៗ និង បានចាត់វិធានការតឹងរឹងបន្ថែមទៀតក្នុងការទទួលបានអាជ្ញាប័ណ្ណនាំចូល៕
None
