ឧកញ៉ា សៀ ឫទ្ធី តាំងចិត្តពន្លឿនសង់លំនៅដ្ឋានតម្លៃសមរម្យជូនពលរដ្ឋ
ឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន WorldBridge Group បានប្តេជ្ញាចិត្តពន្លឿនការសាងសង់លំនៅដ្ឋានសាធារណៈតម្លៃសមរម្យឲ្…
គម្រោងទី៥នេះ មានផ្ទះទាន់សម័យបួនប្រភេទ គឺប្រភេទវីឡាកូនកាត់ មង្គលA មង្គលB មង្គលC និងផ្ទះល្វែង ៣ជាន់។
បន្ទាប់ពីផ្លូវជាតិលេខ១ បានស្ថាបនារួចរាល់ មានហាងទំនើបៗជាច្រើន កំពុងតែបើកបន្តកន្ទុយគ្នានៅតាមបណ្តោយផ្លូវជាតិ ដែលវាជាសញ្ញាល្អមួយ បង្ហាញពីការរីកចម្រើនយ៉ាងឆាប់រហ័សនៅតំបន់នេះ ហើយតំបន់នេះនឹងក្លាយជាតំបន់មានសក្តានុពលសេដ្ឋកិច្ចយ៉ាងរឹងមាំ ទាំងពេលបច្ចុប្បន្ន និងទៅអនាគត។
បុរីមង្គលភ្នំពេញ គម្រោងទី៥ ដែលស្ថិតនៅតាមបណ្តោយផ្លូវជាតិលេខ១ ក្នុងសង្កាត់ព្រែកឯង ខណ្ឌច្បារអំពៅ។
លោក អាន រ៉ាឌី អគ្គនាយក្រុមហ៊ុន បុរីមង្គលភ្នំពេញ បានអត្ថាធិប្បាយថា ការសម្រេចចិត្តបើកគម្រោងទី៥នេះ គឺដើម្បីឲ្យស្របតាមអតិថិជន ដែលត្រូវការលំនៅដ្ឋានរបស់គម្រោងបុរីមង្គលភ្នំពេញ មានការកើនឡើងជាលំដាប់ និងដោយមើលឃើញពីសក្តានុពលរបស់តំបន់នេះ ដែលកំពុងអភិវឌ្ឍយ៉ាងឆាប់រហ័ស ជាពិសេស ផ្លូវជាតិលេខ១ ដែលទើបតែបញ្ចប់ការសាងសង់ថ្មីៗនេះ និងបានដាក់សម្ពោធឱ្យប្រើប្រាស់ក្រោមអធិបតីភាពរបស់សម្តេចនាយករដ្ឋមន្រ្តី ហ៊ុន សែន កាលពីថ្ងៃទី១៣ ខែមីនា កន្លងទៅ។
ការបញ្ចប់សំណង់ហេដ្ឋារចនាសម្ព័ន្ធដ៏សំខាន់មួយនេះ បានធ្វើឲ្យពលរដ្ឋងាយស្រួលធ្វើដំណើរបានឆាប់រហ័ស និងអំណោយផលខ្លាំងដល់ការរស់នៅរបស់ពួកគេផងដែរ។
លោកពន្យល់យ៉ាងដូច្នេះ ថា៖ «តំបន់នេះជាតំបន់ដែលមានសក្តានុពលខ្ពស់ ដោយសារតែសន្ទុះនៃការរីកចម្រើនឆាប់រហ័ស ដូចជា មានហាងធំៗ និងល្បីៗជាច្រើន បានចាប់ផ្តើមបើកជាបន្តបន្ទាប់ និងដាក់ទីតាំងនៅក្នុងតំបន់នេះ ព្រមទាំងមានហេដ្ឋារចនាសម្ព័នុ្ធល្អគ្រប់គ្រាន់សម្រាប់បម្រើដល់ការរស់នៅ និងការធ្វើអាជីវកម្ម»។
លោកបន្ថែមថា៖ «យើងសង្ឃឹមយ៉ាងមុតមាំថា គម្រោងទី៥ នឹងជោគជ័យដូចគម្រោងមុនៗដូច្នេះដែរ ពីព្រោះ យើងមានទីតាំងល្អ និងម៉ាកសញ្ញារបស់ បុរីមង្គលភ្នំពេញ មានគេស្គាល់ច្រើនរួចមកហើយ»។
