តើពេញ១ខែនៃព្រឹត្តិការណ៍សហគមន៍២០កុម្ភៈ មានផ្ទុះរឿងរ៉ាវសំខាន់ៗអ្វីខ្លះ?
ព័ត៌មាន
•
គិតមកទល់ថ្ងៃទី ២០ខែមីនានេះ មានរយៈពេល១ខែហើយ ដែលព្រឹត្តិការណ៍ឆ្លងសហគមន៍២០កុម្ភៈ បានផ្ទុះឡើងនឹងកំពុងរីករាលដាលខ្លាំងឡើងៗនៅកម្ពុជ…
យោងតាមការផ្សាយរបស់សារព័ត៌មាន អាល់ហ្សាហ្ស៊ីរ៉ា ខុទ្ទកាល័យនាយករដ្ឋមន្ត្រីប៉ាគិស្ថាន បានឲ្យដឹងថា «នៅខណៈនេះ ខុទ្ទកាល័យនាយករដ្ឋមន្ត្រីអាចត្រឹមតែបញ្ជាក់ថា លោកនាយករដ្ឋមន្ត្រីបានធ្វើតេស្តវិជ្ជមានកូវីដ-១៩ និងបានដាក់ខ្លួនលោកឲ្យនៅដាច់ដោយឡែកពីគេឯង ។ យើងនឹងបញ្ចេញព័ត៌មានលម្អិតបន្ថែមទៀត នៅពេលក្រោយ ។»
លោក ខាន់ បានទទួលដូសទីមួយ នៃវ៉ាក់សាំង Sinopharm (ស៊ីណូហ្វាម) ដែលផលិតនៅប្រទេសចិន កាលពីថ្ងៃព្រហស្បតិ៍ ទី១៨ ខែមីនា ខណៈដែលប្រទេសប៉ាគិស្ថានកំពុងប្រយុទ្ធប្រឆាំងនឹងរលកទី៣នៃការឆ្លងរាលដាលកូវីដ-១៩ ។
មួយរយៈពេលចុងក្រោយនេះ លោក ខាន់ បានរៀបចំកិច្ចប្រជុំជាទៀងទាត់ ក្នុងនោះរាប់ទាំងសន្និសីទសន្តិសុខដែលធ្វើឡើងនៅរដ្ឋធានីអ៊ីស្លាម៉ាបាដផងដែរ ដែលមានមនុស្សចូលរួមយ៉ាងច្រើន ។ លោកនាយករដ្ឋមន្ត្រីបានថ្លែងសុន្ទរកថាទៅកាន់អង្គសន្និសីទនោះដោយមិនបានពាក់ម៉ាស់ទេ ។
ប្រជាជាតិអាស៊ីខាងត្បូងដែលមានប្រជាជន ២២០លាននាក់នេះ កំពុងជួបប្រទះការកើនឡើងករណីឆ្លងមេរោគកូវីដ-១៩យ៉ាងគំហុក ដោយនៅថ្ងៃសៅរ៍ (ទី២០ មីនា) នេះ មានប្រជាជនតេស្តវិជ្ជមានកូវីដ-១៩ ចំនួន ៣៨៧៦នាក់ (គិតត្រឹម២៤ម៉ោងចុងក្រោយ មកទល់នឹងថ្ងៃសៅរ៍) ហើយគិតមកដល់ពេលនេះ ចំនួនឆ្លងសរុបបានកើនលើស ៦សែន ២ម៉ឺននាក់ហើយ ក្នុងនេះករណីស្លាប់សរុប មាន ១៣៧៩៩នាក់ ។
ប្រទេសប៉ាគិស្ថានចាប់ផ្ដើមយុទ្ធនាការចាក់វ៉ាក់សាំងជូនប្រជាជន នៅថ្ងៃទី១០ ខែមីនា ដោយចាប់ផ្ដើមចាក់ឲ្យមុនគេដល់ប្រជាជនដែលមានវ័យចំណាស់ ។ ប៉ាគិស្ថានបានអនុម័តឲ្យប្រើប្រាស់បន្ទាន់ នូវវ៉ាក់សាំងផលិតនៅប្រទេសចិន ស៊ីណូហ្វាម និង CanSinoBIO, វ៉ាក់សាំងអង់គ្លេស AstraZeneca និងវ៉ាក់សាំងរុស្ស៊ី Sputnik V ៕
