សម្ដេចតេជោបានប្រកាសច្បាស់ៗដែរថា សម្ដេចនឹងគាំទ្រឱ្យកូនប្រុសច្បងរបស់សម្ដេច គឺឯកឧត្តម ហ៊ុន ម៉ាណែត ធ្វើជាបេក្ខភាពនាយករដ្ឋមន្ត្រីបន្តពីសម្ដេច ក្នុងចំណោមបេក្ខភាពនាយករដ្ឋមន្ត្រីផ្សេងទៀត ប៉ុន្តែត្រូវឆ្លងកាត់ការបោះឆ្នោត។ សម្ដេចតេជោក៏បានចោទជាសំនួរបន្តថា កូនអ្នកដទៃធ្វើជានាយករដ្ឋមន្ត្រីបន្តបាន ហេតុអ្វីកូនសម្ដេចធ្វើមិនបាន?
ជាមួយគ្នានេះ សម្តេច តេជោ ហ៊ុន សែន ក៏បានឆ្លើយតបនឹងក្រុមអ្នកវិភាគគ្មានមូលដ្ឋានមួយក្ដាប់តូចដែលតែងតែលើកឡើងថា សម្តេចតេជោ ហ៊ុន សែន ធ្វើសកម្មភាពនានា គឺដើម្បីតែពង្រឹងអំណាចតែប៉ុណ្ណោះ ហើយសម្ដេចបានឆ្លើយតបដោយសង្កត់ធ្ងន់បែបនេះថា «វាមិនដែលនោះទេថាកាន់អំណាចហើយមិនពង្រឹងអំណាចនោះទេ»។
អត្ថបទគួរអាន
សម្តេចតេជោ ហ៊ុន សែន បានគូសបញ្ជាក់ទៀតថា ធ្វើជានាយករដ្ឋមន្ត្រី បើមិនពង្រឹងអំណាចមិនមែនជានាយករដ្ឋមន្ត្រីនោះទេ ហើយសូម្បីតែប្រទេសខ្លះក៏បានកែរដ្ឋធម្មនុញ្ញដើម្បីពង្រឹងអំណាចបន្ថែមរបស់ខ្លួនថែមទៀតផង។ យ៉ាងណាក៏ដោយ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវ៣៧ខ្សែ និងសមិទ្ធិផលនានា ក្នុងខេត្តព្រះសីហនុ នៅថ្ងៃទី២ ខែធ្នូ សម្ដេចតេជោ ហ៊ុន សែន នៅតែរក្សាជំហរធ្វើជានាយករដ្ឋមន្ត្រីកម្ពុជា និងបានប្រកាសពីការធ្វើជានាយករដ្ឋមន្ត្រីកម្ពុជា រហូត១០ឆ្នាំទៀតផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
