Advertisement
Advertisement
Advertisement
វិស័យអាកាសចរណ៍វៀតណាម

វិនិយោគិនអូស្ត្រាលីលក់ហ៊ុនចេញពីក្រុមហ៊ុន Jetstar Pacific ទៅឲ្យក្រុមហ៊ុនអាកាសចរណ៍ជាតិវៀតណាម


ក្រុមហ៊ុនអាកាសចរណ៍ជាតិវៀតណាម Vietnam Airlines នឹងទិញភាគហ៊ុនរបស់ក្រុមហ៊ុនអូស្ត្រាលី Qantas ដែលមាននៅក្នុងក្រុមហ៊ុនអាកាសចរណ៍ Jetstar Pacific រួចនឹងប្ដូរឈ្មោះក្រុមហ៊ុនអាកាសចរណ៍មួយនេះ និងរៀបចំរចនាសម្ព័ន្ធក្រុមហ៊ុននេះឡើងវិញ ដើម្បីឲ្យវាអាចរកបានប្រាក់ចំណេញកាន់តែច្រើន។ នេះបើតាមការចុះផ្សាយដោយសារព័ត៌មាន VN Express។
វិនិយោគិនអូស្ត្រាលីលក់ហ៊ុនចេញពីក្រុមហ៊ុន Jetstar Pacific ទៅឲ្យក្រុមហ៊ុនអាកាសចរណ៍ជាតិវៀតណាម (រូបភាព៖ Asian Nikkei Review)
ដោយ
Advertisement

ក្រុមហ៊ុន​អាកាសចរណ៍​ជាតិវៀតណាម បាន​និយាយ​នៅថ្ងៃចន្ទនេះថា ក្រុមហ៊ុនអាកាសចរណ៍​ Jetstar Pacific នឹង​ត្រូវប្ដូរឈ្មោះទៅជា Pacific Airlines វិញ ហើយ​ការផ្លាស់ប្តូរឈ្មោះនេះ​ត្រូវបាន​អនុលោម​ទៅតាម​ផែនការ ដើម្បី​ធ្វើឲ្យ​ប្រតិបត្តិការអាជីវកម្ម​កាន់តែមានភាព​ប្រសើរឡើង​ និងមានផលចំណេញ។ បច្ចុប្បន្ន ក្រុមហ៊ុនអាកាសចរណ៍ជាតិវៀតណាម (Vietnam Airlines) មានកាន់កាប់ចំណែក​ភាគហ៊ុន​នៅក្នុងក្រុមហ៊ុន Jetstar Pacific នេះចំនួន ៦៨,៨៥%។

បន្ទាប់ពីការទិញយក​ភាគហ៊ុន ៣០% របស់​ក្រុមហ៊ុន​អូស្ត្រាលី Qantas ដែលមាន​នៅក្នុងក្រុមហ៊ុន​អាកាសចរណ៍ Jetstar Pacific រួច នោះនឹងធ្វើឲ្យ​ក្រុមហ៊ុន​អាកាសចរណ៍វៀតណាម (Vietnam Airlines) នឹងមានកាន់កាប់​ភាគហ៊ុន​នៅក្នុង​ក្រុមហ៊ុន Jetstar Pacific សរុប​ទៅមានជាង ៩៨%។

ការប្ដូរឈ្មោះថ្មី ទៅជា Pacific Airlines នេះ នឹងត្រូវ​ចូលធរមាន​នៅពេលដែល​មានការអនុម័ត​ដោយ​អាជ្ញាធរ​វៀតណាម ហើយឈ្មោះ Pacific Airlines តាមពិតទៅ គឺជាឈ្មោះដើម​របស់ក្រុមហ៊ុន​អាកាសចរណ៍​មួយនេះ នៅពេលដែលបាន​​បង្កើតឡើង​តាំងពីឆ្នាំ១៩៩១មកម្ល៉េះ។

លោក Trinh Hong Quang នាយកប្រតិបត្តិរង​នៃក្រុមហ៊ុន​អាកាសចរណ៍វៀតណាម និងជា​ប្រធាន​ក្រុមហ៊ុន​អាកាសចរណ៍ Jetstar Pacific បាន​និយាយថា ថ្មីៗនេះ ក្រុមហ៊ុន​អាកាសចរណ៍​ ដែល​លក់​សំបុត្រ​តម្លៃទាប​​បានជួបនូវបញ្ហា​ ក្នុងការស្ទុះងើបទៅមុខ បើទោះបីជា​បាន​និងកំពុងធ្វើជំនួញនេះ អស់រយៈពេល​ជាយូរឆ្នាំមកហើយក្ដី។

លោក Quang បន្ថែមថា មានហេតុផលមួយ គឺ​យន្ដហោះ​របស់ក្រុមហ៊ុនអាកាសចរណ៍ Jetstar Pacific នៃចំនួនយន្ដហោះ​ទាំង ១៨គ្រឿង គឺមានចំនួនតិចពេក សម្រាប់​ការប្រតិបត្តិការ​ជើងហោះហើរ​ក្នុងតម្លៃសំបុត្រទាប ខណៈដែល​ក្រុមហ៊ុនអាកាសចរណ៍ Vietjet មានយន្ដហោះរហូតដល់ ៦៨ គ្រឿង ហើយចំនួននេះ នឹងកើនឡើងដល់ ២០០ គ្រឿង​នៅឆ្នាំ២០២៥។

ហេតុផលមួយទៀតនោះ គឺ ភាពខុសគ្នា​នៃវិធីសាស្ត្រ​ក្នុង​ការគ្រប់គ្រង រវាង​ក្រុមហ៊ុន​ឯកជន​អូស្ត្រាលី Qantas និងក្រុមហ៊ុន​រដ្ឋ​ Vietnam Airlines។ លោក Quang បន្ថែមទៀតងថា អ្នកគ្រប់គ្រង​ក្រុមហ៊ុន Jetstar Pacific គឺមិនយល់ពី​ទីផ្សារ​វៀតណាម។

ក្រុមហ៊ុន Vietnam Airlines Group គឺជាក្រុមហ៊ុន​មេ​របស់​ក្រុមហ៊ុន Vietnam Airlines, Jetstar Pacific និង Vietnam Air Service Company ហើយក្រុមហ៊ុននេះ បាន​កាន់កាប់​ចំណែកទីផ្សារ​អាកាសចរណ៍​ក្នុងប្រទេសវៀតណាម​រហូតដល់ទៅ ជាង ៥០% កាលពីឆ្នាំមុន ក្នុងនោះ ក្រុមហ៊ុន Vietjet មានចំណែកទីផ្សារ ៤១,៩%។ នេះបើតាម​ទីន្នន័យ​ពី​សាជីវកម្មអាកាសចរណ៍វៀតណាម។

ក្រុមហ៊ុនអាកាសចរណ៍​ក្នុងស្រុកវៀតណាម​កាលពីឆ្នាំមុន ទទួលបាន​អ្នកដំណើរ​សរុប ១១៦លាននាក់ កើនឡើង ១២% ធៀបនឹងឆ្នាំ២០១៨៕

Advertisement
© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ម្រេចកំពតនាំចេញឡើងវិញបានជាង ៣តោនហើយ តែនៅដំណើរការនាំចេញហាក់នៅតែមានភាពរអាក់រអួល

ព័ត៌មាន
ប្រធានសមាគមម្រេចកំពតបានអះអាងថា គិតតាំងពីចាប់ផ្ដើមនាំចេញឡើងវិញកាលពីដើមខែមិថុនា មកទល់ពេលនេះ ម្រេចកំពត ដែលជាទំនិញម៉ាកសម្គាល់ភូមិសា...

អ័រគីដេ ដឹពោធិ៍ចិនតុង រកឃើញអ្នកឈ្នះរង្វាន់ធំ ខុនដូ១យូនីត កាលពីចុងសប្តាហ៍

ព័ត៌មាន
ដោយមានការគាំទ្រយ៉ាងខ្លាំង និងសមស្របតាមតម្រូវការ​ទីផ្សារអតិថិជន ចំពោះគម្រោងថ្មី អ័រគីដេ ដឹពោធិ៍ចិនតុង នេះ សម្រាប់ការបើកលក់ដំណាក់កាល...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ