ឯកឧត្តម វង្សី វិស្សុតអះអាងបែបនេះនៅក្នុង ក្នុងវេទិកាសាធារណៈ ស្តីពីគ្រប់គ្រងម៉ាក្រូសេដ្ឋកិច្ច និងច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២២។
បន្ថែមពីនេះ ឯកឧត្តម ក៏បានបន្តថា វិស័យកាត់ដេរប្រហែលជាមិនទាន់មានការវិវត្តផ្លាស់ប្ដូរទៅណានោះដែរ ពោលគឺវិស័យនេះ នឹងបន្ដកំណើននៅរយៈពេលយូរតទៅទៀត ក៏ប៉ុន្ដែអ្វីដែលរដ្ឋាភិបាល កំពុងជំរុញនោះ គឺការធ្វើពិធិធកម្មវិស័យនេះ ដោយជំរុញឲ្យមានការផលិតផលទំនិញដែលមានតម្លៃបន្ថែមខ្ពស់។ ដើម្បីឲ្យវិស័យកាត់ដេរមានតម្លៃបន្ថែមខ្ពស់នេះ រាជរដ្ឋាភិបាលបាន និងកំពុងរៀបចំយុទ្ធសាស្ត្រអភិវឌ្ឍន៍វិស័យកាត់ដេរ ដែលរំពឹងថា ដាក់ឲ្យអនុវត្តន៍នៅពេលឆាប់ៗ ខាងមុខនេះ។ នេះជាការបញ្ជាក់របស់ឯកឧត្តម វង្សី វិស្សុត។
វិស័យកាត់ដេរ ត្រូវបានក្រសួងសេដ្ឋកិច្ច និងហិរញ្ញវត្ថុ វាយតម្លៃថា មានកំណើន៨%កាលពីឆ្នាំ២០២១ ខណៈដែលឆ្នាំ២០២០ មានការធ្លាក់ចុះជាង៦%។ ការកើនឡើងនៃវិស័យកាត់ដេរ នៅឆ្នាំ២០២១ ត្រូវបានក្រសួងសេដ្ឋកិច្ចវាយតម្លៃថា ដោយសារតែមានកំណើននៃតម្រូវការបញ្ជាទិញ រួមទាំង ហើយក៏មានប្រទេសបញ្ជាទិញខ្លះ បានបង្វែរការបញ្ជាទិញពីប្រទេសវៀតណាម និងមីយ៉ាន់ម៉ា ងាកមកទិញទំនិញពីកម្ពុជាវិញ។
អត្ថបទគួរអាន
ក្រសួងសេដ្ឋកិច្ចព្យាករថា សម្រាប់ឆ្នាំ២០២២នេះ កំណើនវិស័យកាត់ដេរ ត្រូវបានរំពឹងថា នឹងបន្ដកើនឡើងជាង៨% បន្ថែមទៀត ដោយសារ រំពឹងថាតម្រូវការទីផ្សារសកលនឹងនៅតែបន្ដមានកើនឡើង គួបផ្សំនឹងការទាក់ទាញការវិនិយោគបន្ថែម តាមរយៈការអភិវឌ្ឍនូវគោលនយោបាយវិស័យកាត់ដេររបស់រាជរដ្ឋាភិបាលសម្រាប់ឆ្នាំ២០២១-២០២៥។
ការនាំចេញផលិតផលកាត់ដេរបានកើនឡើងក្នុងរង្វង់ ១៥% នៅឆ្នាំ២០២១ មានតម្លៃសរុបជាង១១ពាន់លានដុល្លារ ខណៈឆ្នាំ២០២០ មានការធ្លាក់ចុះ១០%។ ទីផ្សារសំខាន់របស់វិស័យកាត់ដេរកម្ពុជា គឺទីផ្សារ អឺរ៉ុប និងអាមេរិក ហើយនៅឆ្នាំ២០២១ការនាំចេញទៅអាមេរិកនៅតែបន្ដកំណើនខ្ពស់គួរឲ្យកត់សម្គាល់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
