ក្រុមហ៊ុនអាមេរិកទាំងពីរនេះ ក៏បានប្រកាសថា ខ្លួននឹងធ្វើការជាមួយនឹងអតិថិជន និងដៃគូរបស់ខ្លួន ដើម្បីលុបចោលប្រតិបត្តិការទាំងអស់នៅរុស្ស៊ី។ នេះបើតាមការរាយការណ៍ដោយសារព័ត៌មានអន្តរជាតិធំជាច្រើន។
ប្រព័ន្ធធនាគាររបស់រុស្ស៊ី ត្រូវបានរងទណ្ឌកម្មជាបន្ដបន្ទាប់នៅក្រោយពេលរុស្ស៊ីបានធ្វើការឈ្លានពានអ៊ុយក្រែន។ តួយ៉ាង ទណ្ឌកម្មថ្មីចុងក្រោយនេះ គឺក្រុមហ៊ុន Visa និង MasterCard របស់អាមេរិកបានប្រកាសនឹងបិទប្រតិបត្តិការរបស់ខ្លួនទាំងអស់នៅរុស្ស៊ី ដែលកំពុងធ្វើឲ្យធនាគាររុស្ស៊ីកំពុងខ្នះខ្នែងរកដំណោះស្រាយបន្ទាន់សម្រាប់អ្នកប្រើប្រាស់របស់ខ្លួន។ តួយ៉ាង នៅថ្ងៃអាទិត្យចុងសប្ដាហ៍នេះ ធនាគារធំៗរបស់រុស្ស៊ីដូចជា Sberbank, Alfa Bank និង Tinkoff បានប្រកាសថា ពួកគេនឹងប្ដូរមកប្រើប្រព័ន្ធទូទាត់ កាត UnionPay របស់ចិនជំនួសឲ្យការប្រើប្រាស់ VISA និង MasterCard របស់អាមេរិក។
ក្រុមហ៊ុន Visa បានបញ្ជាក់ថា នៅក្នុងប៉ុន្មានថ្ងៃទៀតនេះ ប្រតិបត្តិការទាំងអស់ ដែលជាប់ទាក់ទងនឹងរុស្ស៊ី នឹងមិនដំណើរទៀតនោះទេ។
ការផ្អាកប្រតិបត្តិការរបស់ក្រុមហ៊ុនទាំងពីរនេះ គឺវាអាចនឹងបង្កការរំខានបន្ថែមទៀត សម្រាប់ពលរដ្ឋរុស្ស៊ី ដែលកំពុងតែទទួលរងនូវអតិផរណាកើនឡើង ក៏ដូចជាផលវិបាកនៃសេដ្ឋកិច្ច និងការធ្លាក់ចុះទំនិញនាំចេញនាំចូលជាដើម។
អត្ថបទគួរអាន
ក្រៅតែពីក្រុមហ៊ុន VISA និង Mastercard ក៏មានដែរក្រុមហ៊ុន Paypal ដែលជាក្រុមហ៊ុនហិរញ្ញវត្ថុ និងអេឡិចត្រូនិកដ៏ធំមួយដែរនោះ ក៏បានប្រកាសផ្អាកប្រតិបត្តិការរបស់ខ្លួននៅរុស្ស៊ីដែរ។
យ៉ាងណាក៏ដោយចុះ ធនាគារ Sberbank ដែលជាធនាគារផ្ដល់កម្ចីដ៏ធំបំផុតរបស់រុស្ស៊ី បានអះអាងថា ការបិទប្រតិបត្តិការរបស់ VISA និង Mastercard នឹងមិនធ្វើឲ្យប៉ះពាល់ដល់អ្នកប្រើប្រាស់នៅរុស្ស៊ីនោះទេ។ អ្នកប្រើប្រាស់រុស្ស៊ី នៅតែអាចដកលុយ ផ្ទេរប្រាក់ និងទូទាត់ថ្លៃទំនិញតាមហាងទាំងនៅលើ Online និង Offline ពីព្រោះថា ប្រតិបត្តិការនៅក្នុងប្រទេសរុស្ស៊ី គឺធ្វើឡើងតារយៈប្រព័ន្ធទូទាត់កាតរបស់ជាតិនៅក្នុងស្រុក ដែលមិនពឹងផ្អែកលើប្រព័ន្ធទូទាត់បរទេសឡើយ។ នេះបើតាមការរាយការណ៍ដោយសារព័ត៌មារុស្ស៊ី Tass។
សូមបញ្ជាក់ថា ការដាក់ទណ្ឌកម្មពីប្រទេសលោកខាងលិច ដែលមិនធ្លាប់មានពីមុនទៅលើរុស្ស៊ី បានបង្កនូវទ្រព្យកម្មធនាគារកណ្ដាលរបស់រុស្ស៊ីប្រហែល ៦៤០ពាន់លានដុល្លារអាមេរិក ដោយបានរារាំងធនាគារជាច្រើនរបស់រុស្ស៊ី ពីប្រព័ន្ធទូទាត់សកល SWIFT ដែលធ្វើឲ្យការទូទាត់ប្រាក់ពិសេស ក្នុងសម្រាប់ការនាំចេញនាំចូលទំនិញរបស់រុស្ស៊ីជួបបញ្ហាយ៉ាងខ្លាំងផដែរ៕
None
